NEWS

မန်စီမြို့Honbo အထည်ချုပ် မြန်မာလုပ်သားများအား ကိုယ်ထိလက်ရောက် ကျူးလွန်၊ တရုတ်တွင် တနင်္ဂနွေ ပိတ်ရက်မရှိဟု ပြောဆို ခိုင်း

CoverLogo
470 Views
 
တရုတ်နိုင်ငံ ၊ မန်စီမြို့ ၊ ဖတီစက်မှုဇုန်၊ Honbo(ဟုန်ပေါ်) အထည်ချုပ် စက်ရုံက တာဝန်ရှိသူတချို့က မြန်မာအမျိုးသမီးလုပ်သားတွေကို ကိုယ်ထိလက်ရောက် ကျူးလွန်နေတယ်လို့ အလုပ်သမားတွေက ပြောပါတယ်။
“စင်ပယ်ခန်း(sample)က တရုတ်အမျိုးသမီး ဝမ့်ကျယ်နဲ့ စက်ရုံမှူး မုတ်ကျယ်ဆိုတဲ့ တရုတ်အမျိုးသမီး တွေက ရိုက်နှက်တာ၊ စက်ရုံက တခြားတရုတ်လည်း ဆဲဆို ရိုက်နှက်နေတာ။ အမြဲးတမ်းလက်ပါတယ်။ ။ တစ်ခုခုဆို ရိုက်တာပဲ ၊ တစ်ဗျန်းဗျန်းနဲ့။ ရိုက်တာ၊ ထုတာအပြင် နာရွက်ဆွဲတာမျိုးတွေပါ လုပ်တယ်။” လို့ အမျိုးသမီး အလုပ်သမားတဦးက ပြောပါတယ်။
လုပ်ငန်းခွင်အတွင်း တရုတ်နိုင်ငံသား ကြီးကြပ်ရေးမှူးတွေရဲ့ လက်ရောက်ကျူးလွန်နေတဲ့အပြင် မြန်မာနိုင်ငံသား ကြီးကြပ်ရေးမှူးတွေကပါ ဆဲဆိုမှုတွေ ပြုလုပ်နေတယ်လို့လည်း အလုပ်သမားတွေက ပြောပါတယ်။ လုပ်ငန်းခွင် ကျူးလွန်ခံရမှုတွေကို ဒေသခံ တရုတ်အာဏာပိုင်တွေဆီ တိုင်ကြားပါက လာရောက်စစ်ဆေးပေမဲ့ မြန်မာ ဘာသာပြန် မပါရှိတာကြောင့် အလုပ်သမားတွေ ကြုံတွေ့ရမှုတွေ ပြေလည်မှု မရှိဖြစ်နေတယ်လို့ အလုပ်သမားတွေက ပြောပါတယ်။
“တနေ့တနေ့ အလုပ်လုပ်ရတာ၊ လူတွေနဲ့မတူတော့ဘူး။ ညီမတို့ကို မထင်ရင်မထင်သလို ရိုက်နှက် ခိုင်းခံနေ ရလို့ပါ။ စူပါတွေ၊ အောစူပါတွေကလည်း ေ-နဲ့ ကိုင်တုတ် ဆဲတာက ငရဲးခန်းလားတောင် အောင့်မေ့ရတယ်။ လာစစ်လဲ ဘာသာပြန်မပါဘူး။ စက်ရုံမှာရှိ့တဲ့ စကာပြန်တွေကပဲ ပြန်ပေးနေတာဆိုတော့၊ ညီမတို့မှာ ဘယ်အားကိုစရာမှ မရှိဘူး။” လို့ ပြောပါ တယ်။
စက်ရုံဘက်က အထည်စံချိန်မပြည့်လို့ ဆိုပြီး ပြန်ခွင့်မပေးဘဲ ည ၁၀ နာရီအထိလုပ်ကိုင်ခိုင်းတယ်လို့ အလုပ်သမားတွေက ပြောပါတယ်။ သတ််မှတ်အလုပ်ချိန်ကို ကျော်လွန်လုပ်ကိုင်ရပေမဲ့ အိုတီကြေး ပေးတာ မရှိဘူးလို့ အလုပ်သမားတွေက ပြောပါတယ်။
“စံချိန်တောင်းတယ်၊ မပြည့်ရင်မပြန်ရဘူး။ ၁၀ နာရီ၊ ၁၁ နာရီအထိ လုပ်ရတယ်။ OT ခမပေးတော့ဘူး။ တနင်္ဂနွေနေ့ တွေလည်း ဆင်းရရင်လည်း OT ခ မပေးဘူး။ သူတို့ တရုတ်ပြည်မှာ တနင်္ဂနွေနေ့ ပိတ်ရမယ်ဆိုတာ မရှိဘူးလို့ ပြောတယ်။ မဆင်ချင်လို့ ၊နားလို့မရဘူး။ အဆောင်တွေအထိ၊ အဆောင်မှူးတွေကို အခန်းတွေ စစ်ခိုင်းပြီး ရုံးခန်းပို့ ခိုင်းတယ်။ “ လို့ ပြောပါတယ်။
စက်ရုံမှာ အထည်ချုပ် အလုပ်ကို မနက် ၈နာရီကနေ ညနေ၆နာရီ အထိ လုပ်ကိုင်ကိုင်ပေးရမယ်လို့ နှစ်ဖက် သဘောတူထားပြီး ည ၆နာရီကျော်ပါက အချိန်ပိုကြေး ပေးမယ်ဆိုပြီးလည်း ပါဝင်တယ်လို့ အလုပ်သမားတွေက ပြောပါတယ်။
“အလုပ်ဝင်ဖို့ ခေါ်တုန်းကတော့ အပြီးအစီး ၁၅ သိန်းနဲ့ ခေါ်တာ။ အလုပ်ဝင်တော့ တရုတ်ငွေ ၄၇၀၀ (ကျပ် ၃၅ သိန်း) အကြွေးရှိတယ်လို့ ပြောလာတယ်။ လစာ အကုန်လုံးမှ၂၁၀၀ ပဲရတယ်။ အကြွေးကို ၁၀၀၀ ဖြတ်တယ်။ တကယ်လစာက ၁၁၀၀ ပဲ ကျန်တာ။ ခေါ်တုန်းကတော့ တစ်လ တစ်လ၂၀၀ ပဲ ဖြတ်မယ်တဲ့၊ စက်ရုံဝင်တော့ တလ ၅၀၀ ဖြတ်မယ် ဖြစ်မယ်ပြန်တယ်။ အခုတော့ ၁၀၀၀ အထိ ဖြတ်ပြန််တယ်။ အချိန်ပိုကြေး မပေးတာ၊ ဖြတ်တာကတော့ အတိအကျပဲ” လို့ အလုပ်သမားတွေက ပြောပါတယ်။
လုပ်ငန်ခွင်အတွင်း လုပ်ခလစာ ဖြတ်တောက်မှုတွေ ရှိနေပြီး ပြင်ထည် ကျပါက တစ်ထည် တရုတ်ငွေ တကျပ် (ကျပ် ၆၀၀ ဝန်းကျင်) ၊ နှစ်ကျပ် သတ်မှတ်ပြီး ချက်ချင်း ပုံးထဲ ထည့်ခိုင်းတယ်လို့ အလုပ်သမားတွေက ပြောပါတယ်။
“သူတို့နိုင်ငံမှာ လာလုပ်ရတယ်ဆိုပြီး၊ သူတို့နဲ့ တန်းတူအခွင့်ရေး ပေးဖို့ ပြောတာမဟုတ်ပါဘူး။ လူတစ်ယောက်လို တော့ ဆက်ဆံပေးကြဖို့ ပြောတာပါ။ ကိုယ့်နိုင်ငံမှာ လစာမကောင်းလို့ ၊ မိသားစုအတွက် သူများနိုင်ငံမှာ မှိတ်ကြိတ်ပြီးလုပ်နေရတာ။ အဆင်မပြေတာတွေကြီးပါပဲ။ နားချိန်မရှိနဲ့၊ အလုပ်သမားတွေလည်း မျက်ကွင်းက နောက်စေ့ရောက်နေကြပြီ၊ ဒီလို ဖြစ်နေတာတောင် သူတို့က အရိုးကျေကျေ၊ အရည်ခန်းခန်း လုပ်ကြပါဆိုတာကြီးပဲ” လို့ အလုပ်သမားတွေ က ပြောဆိုထားပါတယ်။
Honbo စက်ရုံအတွင်းအတွင်း ကြက်ရိုး နဲ့ နံနံပင်သုတ်၊ ကန်းစွန်းရွက် နှစ်ပိုင်းဖြတ်ကြော်ကို ဟင်းအဖြစ် ကျွေးမွေးပြီး သောက်ရေစက်ကို သန့်စင်ခန်းရှေ့အနီးမှာ သန့်ရှင်းမှု မရှိတဲ့ ပုံစံနဲ့ သုံးစွဲရတာကို Myanmar Labour News က တွေ့ရှိထားပါတယ်။

Related posts

Cover
မြန်မာသံရုံး အသွင်ယူပြီး နိုင်ငံကူးလက်မှတ်သက်တမ်းတိုး အတွက်ငွေကြေး လိမ်လည်မှုများ ရှိနေဟု စင်္ကာပူရှိမြန်မာသံရုံးကြေညာ
Oct 23, 2025
Cover
ပဲခူးတိုင်းမှ လာရောက်သည့် မြန်မာ ၃၀ ကျော် ထိုင်းနိုင်ငံ သို့ တရားမဝင် ဝင်ရောက်မှုဖြင့် ဖမ်းဆီးခံရ
Oct 23, 2025
Cover
CHI MEI အထည်ချုပ်စက်ရုံ လုပ်ငန်းရပ်ဆိုင်းရန်ပြင်ဆင်မှု အလုပ်သမားဥပဒေများအား ချိုးဖောက်
Oct 23, 2025
Cover
Myanmar Huasheng Kefu Fashion Co.,ltd အချိန်ပိုဖိအားဆင်းခိုင်းပြီး ဥပဒေမဲ့ အလုပ်ထုတ်
Oct 23, 2025
Cover
အထောက်အထားမဲ့ မြန်မာလုပ်သားတင်ဆောင်လာသည့်ယာဉ် ဓါတ်တိုင် ဝင်တိုက်မိပြီး ယာဉ်ပေါ်ပါသူများ အဖမ်းခံရ
Oct 22, 2025
Cover
မလေးရှားတွင် ပြစ်ဒဏ်ကျခံပြီးသည့် မြန်မာလုပ်သား၆၀ကျော် ကို နေရပ်ပြန်ပို့
Oct 22, 2025
Cover
မလေးရှားတွင်ကျင်းပမည့် အာဆီယံထိပ်သီးအစည်းအဝေးကာလအတွင်း အထောက်အထားမဲ့ မြန်မာနိုင်ငံသားများ အသွားဂရုစိုက်ရန်သတိပေး
Oct 22, 2025
Cover
နိုင်ငံကူးလက်မှတ် အတု ဖြင့် ဝင်ရောက်လာသည့် မြန်မာလုပ်သား ၁၃ ဦးကိုထိုင်းရဲဖမ်းဆီး
Oct 21, 2025