ရွှေပြည်သာမြို့နယ်တွင်းမှာ ဘေးတွဲဆိုင်ကယ်မောင်းသူတွေကို ဆိုင်ကယ်စီးဦးထုပ် မဆောင်းပါက စစ်တပ်က ဖားခုန်တာ၊ ဒိုက်ထိုးတာစတာတွေကို လုပ်ဆောင်ခိုင်းတယ်လို့ ကယ်ရီသမားတွေကပြောပါတယ်။
လက်ရှိမှာ လူစည်ကားရာ နေရာတွေဖြစ်တဲ့သုံးထိပ်လမ်းဆုံ၊ထန်းခြောက်ပင်လမ်းဆုံ၊ သံဒင်းဈေးလမ်းဆုံအစရှိတဲ့လူစည်ကားရာလမ်းဆုံလမ်ခွတွေမှာကယ်ရီမောင်းသူတွေကိုစ်ဆေးနေတာတွေကိုအလှည့်ကြလုပ်ဆောင်နေပါတယ်။
"ကျွန်တော်သူငယ်ချင်းတစ်ယောက်ကို သုံးထိပ်မှာ ဦးထုပ်မဆောင်းလို့ဆိုပြီး လူမြင်ကွင်းမှာ ဖားခုန်ခိုင်းတယ်။ စိတ်တော်တော်အဆင်မပြေဘူး။ လိုအပ်လို့ဆောင်းရမယ်ဆိုတောင်ပညာပေးတာအရင်လုပ်ပေး။နောက်ဦးထုပ်ဈေးကမနည်းဘူး။ ဒီကာလကြီးလုပ်ချင်တိုင်းလုပ်နေတာအဆင်မပြေဘူး"လို့ဘေးတွဲကယ်ရီမောင်းသမားတစ်ဦးကပြောပါတယ်။
လက်ရှိမှာဘေးတွဲကယ်ရီမောင်းသူအရေအတွက်ဟာအရင်ကထက်များလာပြီးခရီးသည်ရရှိနှုန်းနည်းလာတယ်လို့သိရပါတယ်။
"အခုကအဝေးလည်းမလိုက်ရဲဘူး။ အသိထဲကိုဆိုင်ကယ် အလုခံရတာနှစ်စီးလောက်ရှိပြီ။ ဂိတ်ထိုးတာကလည်း အစီးရေများပြီး အလုပ်မဖြစ်ဘူး။ အခုလူတွေကလည်းကြပ်တည်းတော့ အရင်လောက်မစီးတော့ဘူး။ ပြောမယ်ဆို ဆိုင်ကယ်ပြင်ဆင်စရိတ်တွေကလည်း မြင့် ကုန်ဈေးနှုန်းကလည်း တတ်နေတော့ တကယ်ကို ကျားကန်နေရတာ။ အဲဒါကို ဟိုဟာလုပ်ဒီဟာလုပ်နဲ့ နည်းမျိုးစုံကြပါနေတာ"လို့ကယ်ရီသမားတစ်ဦးကပြောပါတယ်။
စစ်ကောင်စီလက်ထက်မှာ ဘေးတွဲကယ်ရီသမားတွေကို မြို့နယ်အလိုက် မူဝါဒတွေမကြာခဏသတ်မှတ်နေပြီး ငွေကြေးကောက်ခံတာတွေ လုပ်ဆောင်နေပါတယ်။
