အိုတီကြေး ဂရိတ်ကြေးတွေအပါအဝင်တစ်လလုံးစာခိုင်းထားသမျှလုပ်ခလစာတွေကို ယခုအချိန်အထိမရှင်းပေးတဲ့အတွက် ရန်ကုန်တိုင်း ရွှေပေါက်ကံစက်မှုဇုန် ၊ ကနောင်မင်းသားကြီး ၁၂လမ်းမှာလုပ်ကိုင်နေတဲ့အထည်ချုပ်စက်ရုံကအလုပ်သမားအယောက် ၄၀ လောက်ကစက်ရုံရှေ့မှာပဲဆန္ဒပြစောင့်ဆိုင်းနေပါတယ်။
အဆိုပါအထည်ချုပ်စက်ရုံဟာကိုရီးယားလူမျိုးတစ်ဦးပိုင်ဆိုင်တာဖြစ်ပြီးအလုပ်သမားရာနဲ့ချီပြီးရှိတာပါ။
အခုလုပ်ခလစာအတွက်စောင့်ဆိုင်းဆန္ဒပြနေတဲ့အလုပ်သမားတွေဟာစက်ရုံရဲ့အစိုးရရုံးပိတ်ရက်ပါမကျန်အဆမတန်ခိုင်းစေမှု့၊ ခွင့်ယူလို့သုံးရက်ကျော်ရင်အလုပ်ထုတ်တယ်ဆိုတဲ့စက်ရုံဖက်ကအလုပ်သမားအခွင့်အရေးချိုးဖောက်မှု့တွေကြောင့်ဖေဖော်ဝါရီလကုန်မှာအလုပ်ထွက်ခဲ့သူတွေဖြစ်ပါတယ်။
"ခုကအဆောင်ခတွေလဲမပေးရသေးဘူး ကျမတို့တလလုံးမတရားခံရပြီးလုပ်ထားတဲ့လစာတွေခု၃လပိုင်း၂၅ရက်နေ့ပေးမယ်ဆိုလို့လာစောင့်တာခုထိတုတ်တုတ်မလှုပ်ဖူး မပေးသေးဘူး"လို့အလုပ်သမားတဦးက MLN ကိုပြောပါတယ်။
စက်ရုံဖက်ကပေးခြေရမယ့် ဖေဖော်ဝါရီလအတွက်လုပ်ခလစာကိုမတ်လ၂၅ရက်နေ့မှာအလုပ်သမားတွေကိုပေးချေမယ်လို့ဂတိပြုခဲ့ပေမယ့်အလုပ်သမားတွေလာရောက်ပြီးလုပ်ခလစာထုတ်တဲ့အခါ resign မတင်ပဲထွက်တယ်ဆိုတဲ့ကြောင်းပြချက်နဲ့ငြင်းပယ်နေတယ်လို့သိရပါတယ်။
"အဆောင်လခက၅ရက်ဆိုပေးရတာအခုအချိန်အထိစောင့်ပေးတာကိုခုထိမပေးဘူးကျမတို့လစာကအပြည့်ပေးကိုပေးရမှာခုထပ်စောင့်ခိုင်းနေတယ်ကျမတို့ကဘယ်လိုလုပ်ရမလဲ"လို့နစ်နာသူအလုပ်သမားတဦးကထပ်ပြောပါတယ်။
အဆိုပါစက်ရုံဟာအကြီးစားစက်ရုံမဟုတ်ပဲအိမ်တွင်းအထည်ချုပ်ပုံစံဖြစ်ပြီးအလုပ်သမားဦးရေ၂၀၀ ဝန်းကျင်မှီခိုလုပ်ကိုင်နေတဲ့အပြင် Mesco တံဆိပ်အကျီဘောင်းဘီတွေကိုချုပ်လုပ်နေတဲ့စက်ရုံတခုလဲဖြစ်တယ်လို့သိရပါတယ်။
လက်ရှိလုပ်ခလစာရရှိရေးအတွက်ဆန္ဒပြစောင့်ဆိုင်းနေတဲ့အလုပ်သမားတွေအနေနဲ့စက်ရုံဖက်ကပေးရမယ့်၂လပိုင်းလုပ်ခလစာ၊ အိုတီကြေး၊Gradeကြေးတွေကိုအပြည့်အဝရရှိဖို့လိုလားနေကြပါတယ်။
