နို့တစ်ကြေးမပေးဘဲအလုပ်သမားအားလုံးကို အလုပ်က ရပ်စဲလိုက်တဲ့ ရွှေပြည်သာမြို့နယ် သာဓုကန်စက်မှုဇုန်က YFA စက်ရုံရဲ့အငြင်းပွားမှုမှာ အလုပ်ထုတ်ခံလိုက်ရတဲ့အလုပ်သမားအားလုံးဟာ ကရုဏာကြေးအဖြစ်ကျပ်သုံးသောင်းစီသာရရှိခဲ့တယ်လို့ သိရပါတယ်။
" သာဓုကန်က YFAစက်ရုံ အလုပ်သမား၁၃၅ယောက်သပိတ်မှောက်တဲ့ဟာ။ ဥပဒေမဲ့အလုပ်ထုတ်တဲ့ဟာ အလုပ်သမားတွေကိုကရုဏာကြေးတစ်ယောက်သုံးသောင်းစီယူဆိုပြီး ခုံကောင်စီကအမိန့်ချတာ။ အလုပ်သမားတွေက ကရုဏာကြေးတောင်းတာမဟုတ်ဘူး။ ရသင့်ရထိုက်တဲ့နစ်နာကြေးကိုတောင်းတာမို့ ဒါပေမဲ့ ခုံကောင်စီကအမိန့်ကိုလိုက်နာသည်ဖြစ်စေ မလိုက်နာသည်ဖြစ်စေ ကျေနပ်သည်မကျေနပ်သည်ဖြစ်စေ အလုပ်သမားတွေက လိုက်နာရတာပဲ။" လို့ အဲ့ဒီအလုပ်သမားတွေကူညီဆောင်ရွက်ပေးခဲ့သူက ဆိုပါတယ်။
အဆိုပါစက်ရုံကစက်ရုံပိတ်သိမ်းမှုအတွက် နို့တစ်ကြေးပေးဖို့ သို့မဟုတ် အလုပ်ပြန် လည်ခန့်အပ်ပေးဖို့အလုပ်သမားတွေရဲ့တောင်းဆိုမှုနဲ့ပတ်သက်ပြီး မြို့နယ်အဆင့်မှာ ၃ကြိမ်ညှိနိူင်းမှုလုပ်ခဲ့ရာ နောက်ဆုံးအကြိမ်ညှိနှိုင်းခဲ့တဲ့ ဒီဇင်ဘာ၁၂ရက်နေ့မှာ လည်း အလုပ်ရှင်ကအလုပ်သမားတွေကို လျော်ကြေးပေးတာမရှိသလို လုပ်ငန်းခွင်လည်းပြန်မခန့်အပ်နိုင်ဘူးလို့သာ ငြင်းဆိုခဲ့တာဖြစ်ပြီး ခုံကောင်စီကတော့ အလုပ်သမားတွေကိုကရုဏာကြေးသုံးသောင်းစီပေးဖို့ သတ်မှတ်လိုက်တာကြောင့် အလုပ်သမားတွေက အမိန့်ချမှတ်မှုကိုနာခံလိုက်ရတယ်လို့ဆိုပါတယ်။
" အလုပ်သမားတွေက ကြေအေးလိုက်ရတာမဟုတ်ဘူး ။ ခုံကောင်စီရဲ့အမိန့်ကိုလိုက်နာလိုက်ရတာပါ။ မလိုက်နာရင်အရေးယူခံရမှာမို့။ ဘယ်နည်းနဲ့ဆက်လုပ်ရနိုင်မလဲပေါ့ အခြားနည်နဲ့လည်းလုပ်ဖို့ရှိပါတယ်" လို့ ၎င်းကဆိုပါတယ်။
YFAစက်ရုံက ၂၀၂၂ နိုဝင်ဘာလကုန်က အလုပ်သမား ၁၅၀ နီးပါးကို နို့တစ်ကြေးမပေးဘဲ အလုပ်ကရပ်စဲလိုက်တာနဲ့ပတ်သက်ပြီး အငြင်းပွားမှုဖြစ်ကာ ခုံသမာဓိရဲ့ဆုံးဖြတ်ချက်ကို ကျေနပ်မှုမရှိလို့
ခုံသမာဓိကောင်စီသို့ဆက်လက်တိုင်ကြားပြီးအမိန့်ကိုလက်ခံလိုက်ရတာပါ။
YFAစက်ရုံဟာ အလုပ်သမား ၁၅၀ ခန့်နဲ့လည်ပတ်နေတာဖြစ်ပြီး အထည်အော်ဒါနည်းတဲ့အကြောင်းပြချက်နဲ့ အလုပ်သမားဥပဒေအရ စက်ရုံပိတ်ရန်ကြိုတင်အသိမပေးဘဲ အလုပ်သမားတွေကို နို့တစ်ကြေးမပေးဘဲ အလုပ်ထုတ်လိုက်တာဖြစ်သလိုအလုပ်သမားတွေရဲ့ ကျွမ်းကျင်းကြေးတွေ Grade ကြေးတွေနဲ့ရက်မှန်ကြေးတွေကိုပါ ဖြတ်ခဲ့တာကြောင့် အလုပ်ရုံနဲ့အလုပ်သမားဥပဒေစစ်ဆေးရေးဦးစီးဌာနမှာ တိုင်ကြားတောင်းယူခဲ့ရတယ်လို့လည်း
သိရပါတယ်။
