လာမယ့်နိုဝင်ဘာလ ၁ ရက်နေ့ (သောကြာနေ့)မှာ ကျရောက်တဲ့ ဒီပါဝလီပွဲတော်နေ့ ကို တရား၀င်အများပြည်သူရုံးပိတ်ရက်အဖြစ် အသိပေးကြေညာထားပါတယ်။
အဆိုပါအများပြည်သူ တရားဝင်အလုပ်ပိတ်ရက် ကြေငြာချက်အရ နိုဝင်ဘာလ၁ရက်နေ့က ဒီပါဝလီပွဲတော်နေ့ဖြစ်ကာ သောကြာနေ့ ပိတ်ရက်ဖြစ်တာကြောင့် အစိုးရရုံးတွေရဲ့ပိတ်ရက် စနေ၊ တနင်္ဂနွေ နဲ့လည်း ပိတ်ရက်ဆက်စပ် နေတာကြောင့် အလုပ်ပိတ်ရက်၃ရက်ဆက်ပိတ်နိုင်တယ်လို့လည်းဆိုပါတယ်။
" ဒီပါဝလီ ရုံးပိတ်ရက် အဖြစ်တရားဝင်ကြေညာထားပါတယ်။ ကျောင်းတွေ အနေနဲ့ကတော့ ပွဲတော်နေ့အပြင်၃ရက်ပိတ်မှာသေချာပေမယ့်။ရုံးအချို့ကတော့ စနေဖွင့်တဲ့ရုံးတွေလည်းရှိနေလို့ ၃ရက်ဆက်တိုက် ပိတ်ပေးမပေး သက်ဆိုင်ရာအလုပ်သမားတွေကသူတို့အလုပ်တွေကို စုံစမ်းမေးမြန်းနေကြတယ်။သာမာန်တော့ အားလုံးက ၃ရက်လုံးတစ်ညီတည်းပိတ်ပေးကြတယ်။စက်ရုံအလုပ်ရုံတွေပိုင်းတော့သေချာမသိဘူး။ဘာလို့လည်းဆိုတော့သူတို့က တနင်္ဂနွေ ပိတ်ရက်တောင် ဂျူတီချပြီး ဆင်းခိုင်းနေတာဆိုတော့ ပိတ်ရက်တရားဝင်ကြေညာတဲ့ရက်ကိုပဲ ယူပြီး ကျန်ရက်တွေပုံမှန်အတိုင်းလည်းသွားနိုင်ပါတယ်။ အဲ့ဒီလိုပိတ်ရက်မှာ အလုပ်ဆင်းခိုင်းရင်တော့ ဒီအလုပ်ရှင်က လက်ညှိုးထိုးခံရမှာပေါ့ အတင်းအကျပ်ခိုင်း သလိုဖြစ်နေတော့လေ"လို့ အလုပ်သမားအရေး ဆောင်ရွက်နေသူတစ်ဦးက သုံးသပ်ပြောပါတယ်။
၁၃၈၆ခုနှစ်၊ တန်ဆောင်မုန်းလဆန်း ၁ရက်(၂၀၂၄ခုနှစ်၊ နိုဝင်ဘာလ၁ရက်)သောကြာနေ့ က ဒီပါဝလီနေ့ဖြစ်တာကြောင့် နိုင်ငံတွင်းက ရုံးတွေရဲ့ပိတ်ရက်နဲ့လွှဲပြောင်းနိုင်တဲ့စာချုပ်စာတမ်းများ အက်ဥပဒေ အရအများပြည်သူအလုပ်ပိတ်ရက်ဖြစ်ကြောင်း စစ်ကောင်စီ အစိုးရက အမိန်းကြေငြာစာအမှတ်၁၇၅/၂၀၂၄ဖြင့် အသိပေးဖော်ပြထားပါတယ်။
ဒီပါဝလီပွဲတော်နေ့ဟာ ဟိန္ဒူဘာသာဝင် တွေရဲ့ အထွဋ်အမြတ်ထားရာဘာသာရေး ပွဲတော်နေ့ တစ်ခု ဖြစ်ကြောင်းသိရှိရပါတယ်။
