ရန်ကုန်တိုင်း၊ ဒဂုံမြို့သစ်(အရှေ့ပိုင်း)မြို့နယ်ရှိ စက်မှုဇုန်တွင် ယနေ့ ဒီဇင်ဘာ ၁၈ ရက်ည ၇ နာရီ ၅၁ မိနစ်ခန့်က မီးလောင်မှုဖြစ်ပွားခဲ့တယ်လို့ မြန်မာနိုင်ငံမီးသတ်တပ်ဖွဲ့ သတငိးထုတ်ပြန်ချက်အရ သိရပါတယ်။
  
"ကနဦးတော့ အထည်ချုပ်စက်ရုံကလို့သိရတယ်။ ကျန်တာက စစ်ဆေးတုန်းပဲဗျ။ သေချာမသိရသေးဘူး။ " လို့ မီးသတ်တပ်ဖွဲ့ဝင်တစ်ဦးက ဆိုပါတယ်။ 

မီးလောင်မှုဟာ ဒဂုံမြို့သစ်(အရှေ့ပိုင်း)မြို့နယ်၊ ဒဂုံအရှေ့စက်မှုဇုန်၊ ပန်းပဲဝန်ဦးရွှေအိုးလမ်းရှိ အထည်ချုပ်စက်ရုံတစ်ရုံ​ဖြစ်ပြီး မီးလောင်မှုကို မြန်မာနိုင်ငံမီး မီးသတ်တပ်ဖွဲ့ဝင်များနှင့်လူမှုကူညီရေးအသင်းဝင်များက Level 1 အဆင့်ဖြင့်ပူးပေါင်းငြှိမ်းသတ်ခဲ့ကြရာ  ည ၈ နာရီ ၄ မိနစ်မှာ မီးထိန်းနိုင်ခဲ့ပြီး ည ၈ နာရီ ၁၆ မိနစ်တွင်မီးငြိမ်းသွားခဲ့တယ်လို့ သိရပါတယ်။ မီးစတင်လောင်ကျွမ်းရတဲ့အကြောင်းရင်းနဲ့ပျက်စီးဆုံးရှုံးမှုတန်ဖိုးကိုတော့မြန်မာနိုင်မီးသတ်တပ်ဖွဲ့တာဝန်စစ်ဆေးနေတယ်လို့သိရပါတယ် ။ 

ယခုလ ဒီဇင်ဘာလ ၅ရက် ည၈နာရီလန့်ကလည်း  ဒဂုံအရှေ့စက်မှုဇုန်ရှိ ကော်စေ့စက်ရုံတွင် မီးလောင်မှုဖြစ်ပွားခဲ့လို့ ထိခိုက်မှုတွေရှိခဲ့သလို မီးသတ်တပ်ဖွဲ့ဝင်များနှင့်လူမှုကူညီရေးအသင်းဝင်များက Level 2 အဆင့်ဖြင့် ၈နာရီကျော်ကြာအထိ ဝိုင်းဝန်းငြှိမ်းသတ်ခဲ့ရကာ ဒီဇင်ဘာ ၆ ရက်နံနက်ပိုင်းမှသာ  မီးငြိမ်းသွားခဲ့ပါတယ်။ 

#MyanmarLabourNews