ကျွန်မတို့က Skytex (မြန်မာ) အထည်ချုပ်စက်ရုံက စက်ရုံလုပ်သားတွေပါ။ ညီမတို့မှာ ထောက်ပံကြေး တိုး ပေးတယ်ဆိုလို့ ဝမ်းသာနေတာ၊ အခုတော့ပဲခူးက စက်ရုံတွေအတော်များများမတိုးကြဘူး။
အမှန်ဆို စက်ရုံဘက်က သူတို့ဘာသာ ထောက်ပံကြေးပေးထားတာလေ။ အခုတော့ အရင်ပေးထားပြီးသားနဲ့ဆို ၇၈၀၀ ကျော်တယ်ဆိုပြီး ထပ်မတိုးပေးကြဘူး။
လစာထဲမှာလည်း ဒီတိုင်းထောက်ပံကြေးပဲ ထည့်ရေးတာဆိုတော့ အလုပ်သမားတွေပဲ နစ်နာရတယ်။ လေဘာရုံးတွေကလည်း လစာမှာ ထောက်ပံကြေးခွဲရေးဖို့ စာထုတ်ပြီး၊ စက်ရုံတွေကို မပြောဘူး။
အခုတော့ စက်ရုံ ထောက်ပံကြေးနဲ့ရောပြီး ထပ်မတိုးဘူး။ လစာတွေ မလောက်လို့ ၃သောင်းတိုးပြီဆို ပြီး ဝမ်းသာနေတာ။ အခုတော့ဘာမှမထူးဘူး။
ပဲခူးက ကေဖိုင်း ၊ စူတီ ၊ စကိုင်းတက် စက်ရုံတွေ အားလုံး မတိုးလို့ပြောတာပါရှင့်။ ညီမတို့ စက်ရုံမှာတော့ ညနက် အချိန်ပို (OT)နဲ့ အော်လင်း အဆင်းခိုင်းတာတွေ မရှိတော့ပါဘူး။ အခုဆို ညနေ ၄ နာရီဆိုပြန်နေရပါတယ်။ ဖိအားပေးတဲ့ မန်နေဂျာလည်း ပြောင်းသွားပါပြီ ။ နှစ်ပြည့်ခွင်တွေလည်း ရခဲ့တယ်။
သတင်းတွေဖော်ပြပေးလို့ သိပ်ကို ကျေးဇူးတင်ရပါတယ်။ အခု ထောက်ပံကြေးတိုးပေးလဲ အလုပ်သမားတွေ ခံစားခွင့်မရရှိတာကို ပြောပြချင်တာပါ။
လုပ်ခ ၇၈၀၀ လို့ ပြောလည်း ပိတ်ရက်တွေကို ၄၈၀၀ နဲ့ တွက်ပေးနေတာပါ။ ဘာမှ ခိုင်မာမှုမရှိတဲ့ တောက်ပံကြေးတွေ မလိုချင်ပါဘူး။ တရက် လုပ်ခလစာ သတ်မှတ်ပေးဖို့ပဲ လိုလားပါတယ်။
(Skytex (မြန်မာ) စက်ရုံ စက်ရုံက ပဲခူးတိုင်းဒေသကြီး၊ ပဲခူးမြို၊ ကလိတတ်ကလဲ ကျေးရွာ၊ ပဲခူးမြိုနယ်မှာ လုပ်ငန်းလုပ်ကိုင်နေတယ်လို သိထားပါတယ်။)
