NEWS

တရုတ်ရှိအထည်ချုပ်စက်ရုံတွင် မြန်မာအလုပ်သမားတွေ လုပ်ခလစာအပြည့်မရ

CoverLogo
355 Views

တရုတ်နိုင်ငံ ယူနန်ပြည်နယ် မန်စီမြို့ စက်မှုဇုန် တွင်တည်ရှိသော HONBO ရုံ ( ၁ ) အထည်ချုပ်စက်ရုံက မြန်မာအလုပ်သမားတွေဟာ အလုပ်ခေါ်စာပါလစာများအတိုင်းအပြည့်အဝမရဘဲ ကွာဟမှုတွေရှိနေတယ်လို့ သိရပါတယ်။ 

"အလုပ်ခေါ်စာမှာ အစမ်ခန့်ကာလ ၁၅၀၀+၂၀၀။ ကျွမ်းကျင်ကာလ ၂၀၀၀ ကနေ ၄၀၀၀ ထိပေးမယ်ဆိုပြီး  စာရွက်စာတမ်းမှာ တံဆိပ်တုန်းထုခေါ်တာ။  စက်ရုံဖွင့်တဲ့နေ့ကနေခုအချိန်ထိ ၁ နှစ်ပြည်တော့မယ် ၁၇၀၀ ပဲ ပေးတယ်။ " လို့ အလုပ်သမားကဆိုပါတယ်။ 

အဆိုပါစက်ရုံကတွင် စက်လိုင်း ၃၂ လိုင်းတွင်  မြန်မာအလုပ်သမား ၁၀၀၀ ကျော်နဲ့  လည်ပတ်နေပြီး အစမ်းခန့်ကာလ ၁၅၀၀ ယွမ်ဖြင့် ၂လပေးပြီး ကျွမ်းကျင်ကာလ ၁၈၀၀ မှ ၄၀၀၀ ထိပေးမယ်လို့ စာရွက်စာတမ်းများတွင်  တံဆိပ်တုံးများနှင့် အလုပ် ခေါ်ယူခဲ့ပေမဲ့လည်း  လုပ်ခ ၁၅၀၀ ယွမ် သာပေး ချေတယ် လို့ ဆိုပါတယ်။ 

အလုပ်ချိန်မှာ မနက် ၇ နာရီ ၄၀ မှညနေ ၆ နာရီ ၄၀ ထိဖြစ်ပြီး  အချိန်ပို ကိုည ၈ နာရီ ၃၀ အထိခေါ်ကာ စံချိန်မပြည့်ပါက ည ၁၀ ခွဲထိဆင်ပေးရပြီး တပတ်အတွင်း စံချိန်မပြည်ပါက ပိတ်ရက်ကိုပါ အလကားဆင်ပေးရပြီး စံချိန်ပြည့်တဲ့အထိအချိန်ဖြည့်ပေးရေပမယ့် လုပ်ခအပြည့်မရ တာဖြစ်နေတယ်လို့ ပြောပါတယ်။ 

"လစာအတိုးမရှိဘူး လျှော့တာ ဖြတ်တာကြီးပဲ" လို့ အလုပ်သမားက ဆိုပါတယ်။ 

စက်လိုင်းတစ်လိုင်းတွင် အလုပ်သမား ၄၀ ရှိပြီး တစ်နေ့ စံချိန် အထည် ၅၀၀ တောင်းကာ  အထည်မပြည့်မီပါက အိုတီ အလကားဆင်းပေးရပြီး အလုပ်သမားများက စံချိန် ပြည့် ပါကလဲ ည ၁၀ နာရီကျော်ထိ အာဝါတီ ၅၀ ထပ်တိုးတောင်းကာ  လက်ရှိပေးနေသော ဒေးကြေး ၁၅၀၀ ယွမ် ထဲက အကြောင်းပြချက် အမျိုးမျိုး ပြပြီး ဖြတ်တောက် နေတယ်လို့လည်း သိရပါတယ်။ 

HONBO အထည်ချုပ် စက်ရုံမှာ တရုတ်နိုင်ငံက ကုန်အမှတ်တံဆိပ် အထည်တွေကိုအဓိက ထုတ်လုပ်နေပြီး အလုပ်သမားအခွင့်အရေး ချိုးဖောက်မှုများကို သက်ဆိုင်ရာ ကုန်အမှတ်တံဆိပ်တာဝန်ရှိသူတွေ သိရှိစေပြီး အမြန်ဆုံး ကူညီဆောင်ရွက်ပေးရန် စက်ရုံက အလုပ်လုပ်ကိုင်နေတဲ့ အလုပ်သမားတွေက လိုလားနေကြတယ်လို့လည်း သိရပါတယ်။ 


Related posts

Cover
အလုပ်ပိတ်ရက်အချိန်ပို မဆင်းပါက သတိပေးလက်မှတ်ထိုးရပြီး အလုပ်သမားအချို့အလုပ်ထုတ်ခံနေရ
Aug 05, 2025
Cover
ဂျပန်မှ မြန်မာလုပ်သား ၁၃၀၀ ကျော် ခေါ်ယူဖို့ ကမ်းလှမ်း၊ အမျိုးသမီး လုပ်သား အများဆုံးပါဝင်
Aug 04, 2025
Cover
လစာတိုးပေးရေးတောင်းဆိုတဲ့အပေါ် စက်ရုံစစ်ဆေးရေးအဖွဲ့က အလုပ်ရှင်ဘက်ကရပ်တည်ဖြေရှင်းလို့ အလုပ်သမားတွေနစ်နာ
Aug 04, 2025
Cover
ဖမ်းဆီးခံထားရတဲ့အလုပ်သမားအရေးလုပ်ဆောင်သူတွေကို အမြန်ဆုံးပြန်လွှတ်ပေးစေလိုဟုဆို
Aug 04, 2025
Cover
အာဏာသိမ်းပြီးနောက် အလုပ်သမားရေးရာဝန်ကြီး ၅ ဦးအထိအပြောင်းအလဲဖြစ်၊ ဘာမှမမျှော်လင့်ကြောင်း ပြည်သူတွေတုန့်ပြန်
Aug 04, 2025
Cover
ပဲခူး Sudey စက်ရုံ လုပ်ငန်းခွင် ထိခိုက်မှုများအား တာဝန်ယူမှုမရှိဘဲ လုပ်ခ ဖြတ်ယူ
Aug 04, 2025
Cover
လုပ်ငန်းခွင်ဘေးအန္တရာယ်ရှိနေတာနဲ့ အလုပ်သမားအခွင့်ရေးဆုံးရှုံးနေတဲ့အပေါ် ဖြေရှင်းပေးဖို့တောင်းဆို
Aug 04, 2025
Cover
ရွှေဈေး၂ရက်အတွင်းပြန်ကျ စက်သုံးဆီနဲ့ဒေါ်လာဈေးများအနည်းငယ်အပြောင်းအလဲဖြစ် (ရက်သတ္တပတ်အတွင်း ကုန်ဈေးနှုန်း)
Aug 04, 2025