NEWS

တရုတ်နိုင်ငံ  တုန်ရိ အထည်ချုပ်အလုပ်သမားများ  အချိန်ပိုလုပ်ခ မရဘဲ လုပ်ကိုင်ပေးနေရ

CoverLogo
399 Views

တရုတ်နိုင်ငံ၊ ရွှေလီမြို့ ၊ တုန်ရိ အထည်ချုပ်စက်ရုံက အချိန်ပို လုပ်ခ မပေးဘဲ ခိုင်းစေနေတယ်လို့ အလုပ်သမားတွေက ပြောပါတယ်။ စက်ရုံမှာ CAMEL တံဆိပ်အထည်တွေ ချုပ်လုပ်နေပြီး မြန်မာ လုပ်သား ၄၀၀ လောက် လုပ်ကိုင်နေတယ်လို့ မြန်မာနိုင်ငံ ကုန်ထုတ်နှင့် စက်မှုလက်မှု အလုပ်သမားများအဖွဲ့ချုပ်(IWFM) ဆီက သိရပါတယ်။ 

 

“အထည်စံချိန် မပြည့်တာနဲ့ အောလင်း၊ အောနိုက်ကို လုပ်ခမရဘဲ အလကား ဆင်းပေးရတယ်။   တနင်္ဂနွေနေ့ အပတ်တိုင်း  မဆင်းမနေ ရဖိအားပေးပြီး အချိန်ပိုကို အလကား ဆင်းခိုင်းတာ။” လို့ အလုပ်သမားတဦးက ပြောပါတယ်။ 

 

စက်ရုံဘက်က အထည်စံချိန် မတရား တောင်းခံပြီး လုပ်သား ၃၀ ရှိတဲ့  စက်လိုင်းတစ်လိုင်းကို တစ်နာရီ လိုင်းပေါက် ၃၅  ထည်ကျော်  တောင်းခံတယ်လို့ အလုပ်သမားတွေက ပြောပါတယ်။ အလုပ်ခန့်ထားစဉ်က ပေးမယ်လို့ ကတိပြုလုပ်ထားတဲ့ လုပ်ခလစာကို လျှော့ပေးတယ်လို့လည်း ဆိုပါတယ်။

 

“မြန်မာအလုပ်သမားတွေကို အလုပ်စခေါ်တော့ တစ်လ  တရုတ်ငွေ  ၁၈၀၀ ပေးမယ်ပြောတာ၊ တကယ်ပေးတော ၁၅၀၀ ပဲ။  လစာကို လည်ဆွဲကဒ် ကြိုးနဲ့ အရောင်ခွဲထားတယ်။ လစာတိုးဖို့  ကြိုးပန်းရောင် လဲပေးမယ် ဆိုပြီး တရုတ် ငွေ၁၀၀၀ ဖြတ်ထားတယ်၊ အခုထိ တိုးမပေးဘူး” လို့ ပြောပါတယ်။  

 

စက်ရုံထဲမှာပဲ အလုပ်သမားတွေ နေထိုင်ရပြီး ဘယ်လိုအကြောင်းနဲ့မှ အပြင် ထွက်ခွင့်မပြုလို့ အခက်အခဲပေါင်းစုံ ရင်ဆိုင်နေရပြီး  အလုပ်သမားတချို့ စက်ရုံအပေါ်ထပ်ကနေ အပြင် ခုန်ချ ထွက် ပြေးရတဲ့ အခြေအနေတွေ ရှိနေတယ်လို့ အလုပ်သမားတွေက ပြောပါတယ်။  

 

“အလုပ်သမားတွေက အကြွေးစနစ်နဲ့ အလုပ်  လာလုပ်တော့ ၊ တစ်ခုခုဆို ဘာမှ မပြောရဲကြတော့ဘူး။  အခု လစာ ပေးတာတွေ မမှန်မကန်တွေဖြစ်နဲ့ ။ အပြင် ထွက်မရတဲ့အပြင် အလုပ်ခွင်မှာလည်း အလုပ်ရှင်က စည်းကမ်းချက်တွေ သတိပေးစာတွေ တစ်ဖက်သတ် ထုတ်နေတာ” လို့ အလုပ်သမားတွေက ပြောပါတယ်။ 

 

တုန်ရိ အထည်ချုပ်စက်ရုံက ရွှေလီမြို့၊ ယွမ်တန်ရပ်ကွက်၊ ကျေးလက်လမ်း မှာ ရှိတယ်လို့လည်း အလုပ်သမားတွေက ပြောဆိုထားပါတယ်။ 

 


Related posts

Cover
CHI MEI အထည်ချုပ်စက်ရုံ လုပ်ငန်းရပ်ဆိုင်းရန်ပြင်ဆင်မှု အလုပ်သမားဥပဒေများအား ချိုးဖောက်
Oct 23, 2025
Cover
Myanmar Huasheng Kefu Fashion Co.,ltd အချိန်ပိုဖိအားဆင်းခိုင်းပြီး ဥပဒေမဲ့ အလုပ်ထုတ်
Oct 23, 2025
Cover
အပိုထောက်ပံ့ကြေး ၁၀၀၀ ကျပ် မရသည့် လုပ်သားများ တိုင်ကြားနိုင်ဟု စစ်ကော်မရှင်၊ အလုပ်သမားဝန်ကြီးဌာန ကြေညာ
Oct 21, 2025
Cover
အလုပ်သမားအရေးလှုပ်ရှားသူ ဒေါ်မျိုးမျိုးအေး၊ ကိုသက်နှင်းအောင် နှင့် မသက်ထားဆွေ တို့ အင်းစိန်ထောင် မှပြန်လည်လွတ်မြောက်
Oct 20, 2025
Cover
Sun Star အထည်ချုပ်စက်ရုံ တစ်လ အချိန်ပိုနာရီ ၂၀၀ ကျော်ပြီး လုပ်ခ အပြည့်မရ
Oct 20, 2025
Cover
၇,၈၀၀ ကျပ် လုပ်ခ အပြောင်းအလဲမှာ  အလုပ်သမားတွေ ခံစားခွင့်ရ မရ
Oct 20, 2025
Cover
အချိန်ပို အတင်းအကျပ် ဖိအားပေးဆင်းခိုင်းတာနဲ့ ခွဲခြားဆက်ဆံမှုတွေဖြေရှင်းပေးစေလို
Oct 19, 2025