ရန်ကုန်မြို့ ဇေကမ္ဘာဝင်းအတွင်းရှိ ဝမ်းတီးကော်ဖီမစ် စက်ရုံမှာဗုံးလန့်မှု့ဖြစ်ပွားပြီးတဲ့နောက်ယခင်ကအလုပ်သမားများကို့ ဖြတ်တောက်ထားတဲ့အချိန်ပိုကြေးများပြန်ပေးနေသော်လည်း အနိုင်ကျင့်စေခိုင်းတာတွေ ဆက်လက်ရှိနေတယ်လို့စက်ရုံလုပ်သားတွေကဆိုပါတယ်။
"အိုတီ ကြေးများကို ယခင်အတိုင်းပြန်ပေးသော်လည်း အိုတီ ချိန်များလျော့ချကာ လုပ်ငန်းအထိခိုက်မခံပဲ အနိုင်ကျင့်စေခိုင်းနေမှုများကတော့ ရပ်တန့်မသွားပါဘူး"လို့စက်ရုံလုပ်သားတဦးကပြောပါတယ်။
အဆိုပါစက်ရုံမှာယခင်ရက်ပိုင်းအတွင်းတရားဝင်ရုံးပိတ်ရက်များအတွက် အစားထိုးဆင်းခိုင်းတာတွေရှိနေပြီးအချိန်ပိုကြေးပေးရမယ့်ရက်တွေကိုမပေးဘဲ ရက်အစားထိုးဆင်ခိုင်းတာတွေရှိနေတာလို့စက်ရုံလုပ်သားတွေရဲ့ပြောဆိုချက်တွေအရသိရပါတယ်။
"HR ၏ ဒီဇင်ဘာ ၂၇ ရက်နေ့ , တနလ်ာနေ့ အစည်းအဝေးတွင် ၁ လပိုင်း ၂၊ ၃၊ ၄ ,ကိုသုံးရက်ပိတ်ပေးမည်ဖြစ်ပြီး ကြားရက် ၃ရက်နေ့ တနလ်ာနေ့အစား တရားဝင်ရုံးပိတ်ရက် ဒီဇင်ဘာ ၃၁ , သောကြာနေ့ကို ရက်အစားဆင်းပေးရမည်ဟုပြောဆိုပါတယ်၊ ရိုးရိုးကြားရက်များကို ပိတ်ချင်သလိုပိတ်ပြီး otကြေးပေးရမည့်ရက်များကို ot မပေးပဲ ရက်အစားယူပြီး အာဏာပြကာ အနိုင်ကျင့်ဖိနှိပ်နေပါတယ်၊"လို့စက်ရုံလုပ်သားတဦးကဆိုပါတယ်။
One tea စက်ရုံမှာရန်ကုန်မြို့ မဂ်လာဒုံမြို့နယ်ဇေကမ္ဘာဝင်း ၁၁လမ်းထဲမှာ Consumer Goods Myanmar Limited အမည်ဖြင့် နို့စိမ်းနို့ဆီနဲ့ကော်ဖီမစ်များထုတ်လုပ်နေတဲ့ကုမ္ပဏီတခုဖြစ်ပြီး ယခင်နှစ်ဒီဇင်ဘာလထဲမှာလဲလုပ်သားတွေရဲ့လစာတွေ၊ အချိန်ပိုကြေးတွေခေါင်းပုံဖြတ်တာတွေပြုလုပ်ခဲ့တယ်လို့လုပ်သားတွေက MLN ရင်ဖွင့်စာပေးပို့ခဲ့ပါသေးတယ်။
