NEWS

တစ်နေ့လုပ်ခ ၁ ဒေါ်လာအောက်ကိုကျဆင်းလာ

CoverLogo
232 Views

စစ်အာဏာသိမ်းပြီးနောက် နိုင်ငံရေးမတည်ငြိမ်မှုတွေနဲ့  ကုန်ဈေးနှုန်းအဆမတန်မြင့်တက်မှုတွေကြောင့် လက်ရှိမြန်မာနိုင်ငံရဲ့တစ်နေ့လုပ်ခလစာဟာလည်း  တစ်ဒေါ်လာအောက်သို့ ကျဆင်းလာနေတာကိုတွေ့ရပါတယ်။ 

"ဒီအတိုင်းဆိုရင် လုပ်ခလစာတွေတိုးပေးကြမှပဲရတော့မယ်။ မဟုတ်ရင်တော့အကုန်အပြင်ရောက်ကုန်ကြတော့မယ်"လို့ အလုပ်သမားရေးဆောင်ရွက်သူတစ်ဦးကဆိုပါတယ်။  

ပြည်တွင်းအလုပ်သမားတစ်ယောက်ရဲ့ အနိမ့်ဆုံးအခကြေးငွေ တစ်နေ့လုပ်ခလစာကို  ဒေါ်လာပေါက်ဈေးအရ  ၃ ဒေါ်လာအထက်သတ်မှတ်ခဲ့တာဖြစ်ပေမဲ့ ယခုလက်ရှိစစ်အာဏာသိမ်းပြီးနောက် ကုန်ဈေးနှုန်းအဆမတန်မြင့် တက်နေချိန်မှာ ဒေါ်လာပေါက်ဈေးဟာ တစ်ဒေါ်လာကျပ် ၆၀၀၀ ကျော်အထိမြင့်တာလာချိန်မှာ  လူသုံးကုန် စားသောက်ကုန်များအားလုံးလည်း တစ်ပြိုင်တည်းမြင့်တက်လာတာပဲဖြစ်ပါတယ်။ 

အဲ့ဒီလိုအဆမတန်မြင့်တက်နေပေမဲ့လည်း  အလုပ်သမားတွေရဲ့လုပ်ခလစာကတော့ လက်ရှိဒေါ်လာပေါက်ဈေးအရ အလုပ်သမားတွေရရှိနေတဲ့ ၄၈၀၀ နဲ့ထောက်ပံ့ကြေးတစ်ထောင်အပါ  တစ်နေ့လုပ်ခနှုန်းထားဟာ တစ်ဒေါ်လာအောက်အထိ ကျဆင်းလာခဲ့တာပဲဖြစ်ပါတယ်။ 

၂၀၁၈ ခုနှစ်ကသတ်မှတ်အတည်ပြုခဲ့တဲ့  တစ်နေ့လုပ်ခ ၄၈၀၀ ကျပ်ဟာ နိုင်ငံခြားငွေလဲလှယ်နှုန်းပေါ်မူတည် တွက်ချက်ထားခြင်းဖြစ်ပြီး နှစ်,နှစ်တစ်ကြိမ် ပြင်ဆင်တိုးမြင့်သတ်မှတ်ပေးရန် သတ်မှတ်ထားပေမယ့် လည်း  ၂၀၂၀ ခုနှစ်မှာပြင်ဆင်နိုင်ခဲ့ခြင်းမရှိခဲ့သလို  ၂၀၂၂ ခုနှစ်များတွင်လည်း ပြင်ဆင်နိုင်ခဲ့တာမရှိတဲ့အပြင် ကိုဗစ်ရောဂါကြောင့် လုပ်ငန်းရှင်တွေကလုပ်ခလစာတိုးမြှင့်ပေးဖို့ ငြင်းဆန်ခဲ့ကာ ၂၀၂၃ ခုနှစ်အောက်တိုဘာမှသာ ထောက်ပံ့ကြေးဟုဆိုကာ ကျပ်တစ်ထောင်တိုးမြှင့်ပေးလိုက်ခြင်းဖြစ်ပါတယ်။

CMP စက်ရုံ၊ အလုပ်ရုံများမှာ လုပ်ကိုင်လျက်ရှိသော အလုပ်သမားများအား ၂၀၂၃ အောက်တိုဘာလ ၁ ရက်မှစပြီး အနည်းဆုံးအခကြေးငွေကို မူလ သတ်မှတ်ထားသော အလုပ်ချိန် ၈ နာရီအတွက် ၄၈၀၀ ကျပ်ပေါ် အပိုထောက် ပံ့ကြေး ၁၀၀၀ ကျပ် ထပ်မံခံစားခွင့်ပြုရန်ဖြစ်သဖြင့် ၅၈၀၀ ကျပ် ခံစားခွင့်ပြုလိုက်တယ်လို့ကြေငြာခဲ့ပေမဲ့ လက်ရှိကုန်ဈေးနှုန်းမြင့်တက်မှုနဲ့ ခေတ်နဲ့လျော်ညီမှုအရ လက်ရှိဒေါ်လာဈေးအပေါ်အခြေခံကာ တစ်နေ့လုပ်ခကိုအနည်းဆုံးကျပ် ၁၀၀၀၀ နဲ့အထက်သတ်မှတ်ပေးသင့်တယ်လို့ သုံးသပ်ပြောဆိုနေကြတာရှိသလို အလုပ်သမားတွေရဲ့တောင်းဆိုမှုတွေဟာလည်း ဆက်တိုက်ရှိနေတာပဲဖြစ်ပါတယ်။  

ဒေါ်လာဈေးအရအလုပ်သမားတစ်ယောက်ရဲ့ တစ်နေ့လုပ်ခလစာဟာ တစ်ဒေါ်လာအောက်သာရရှိတာကြောင့် ပြည်တွင်းအလုပ်သမားတွေအပေါ်မှာ လုပ်ငန်းရှင်တွေအနေနဲ့ လုပ်ခလစာတိုးမြှင့်မှုမရှိပါက ပြည်ပနိုင်ငံကိုရွေးချယ်မှုတွေကသာ ဆက်လက်ပြီးပိုများလာမယ်လို့  သုံးသပ်မှုတွေရှိနေပါတယ်။

လက်ရှိကုန်ဈေးနှုန်းမြင့်တက်မှုတွေကြောင့်  အလုပ်သမားတွေရဲ့လုပ်ခလစာဟာလုံလောက်မှုမရှိတဲ့အပြင် ခက်ခဲလွန်းတဲ့ အနေအထားကိုရောက်လာတာကြောင့် အလုပ်သမားတွေဟာလုပ်ခလစာတိုးမြှင့်ပေးဖို့ တောင်းဆိုဆန္ဒပြမှုတွေ သပိတ်မှောက်တာတွေအထိ ပြုလုပ်ခဲ့ကြပေမဲ့ ဖမ်းဆီးခံရခြင်းနဲ့ခြိမ်းခြောက်ခံရ တာတွေကြုံခဲ့ရပြီး  လုပ်ခလစာတိုးမြှင့်တာကိုတော့  အာဏာသိမ်းစစ်တပ်ထံမှာသာ တောင်းဆိုဖို့ လုပ်ငန်းရှင်တွေဘက်က တုန့်ပြန်ထားပါတယ်။

 

 


Related posts

Cover
Lita Myanmar က HR မန်နေဂျာ အဝတ်အစားပေါ် ခွဲခြားဆက်ဆံ
Apr 09, 2025
Cover
Yangon Global Star အထည်ချုပ် အလုပ်ခန့်လစာထက် လျှော့ပေး
Apr 09, 2025
Cover
တရုတ်နိုင်ငံ မန််စီရဲစခန်းမှာ  ဖမ်းဆီးခံထားရတဲ့ မြန်မာ အလုပ်သမားကို ပြန်လွှတ်ပေးရေး လုပ်ငန်းခွင်ထဲက အလုပ်သမားတွေ တောင်းဆို
Apr 09, 2025
Cover
Great Summer အထည်ချုပ် သတ်မှတ် လုပ်ခလစာ အပြည့်မပေး
Apr 08, 2025
Cover
S.H Co.,Ltd အထည်ချုပ်စက်ရုံတွင် ဆဲဆိုပြီး ကိုယ်ထိလက်ရောက် ကျူးလွန်
Apr 08, 2025
Cover
ပျော်ဘွယ် KBZ ဘဏ် ဝန်ထမ်း ၁၀ဦးသေဆုံး
Apr 07, 2025
Cover
Jin Yuan(Myanmar)Garment မတ်လ လစာမပေး၊ ပေးမဲ့ရက်လည်း မပြော
Apr 07, 2025
Cover
Yoyika Garment အထည်ချုပ် သင်္ကြန်ရက်အစား ည ၈ နာရီအထိ လုပ်ကိုင်ခိုင်း
Apr 07, 2025