ထိုင်းနိုင်ငံ၊စာမွတ်ပါကန်ခရိုင်၊ ဆိုင်ကယ်အပိုပစ္စည်း စက်ရုံက မြန်မာလုပ်သား၁၀၀ကျော်ကို ကြိုတင်အကြောင်းကြားမှုမရှိဘဲ အလုပ် ဖြုတ်လိုက်တယ်လို့ ထိုင်းရောက်မြန်မာအလုပ်သမားအရေးကူညီပေးနေတဲ့ MHACမဟာမိတ်အဖွဲ့ဆီက သိရပါတယ်။
မေ ၂၂ ရက်၊ မနက် ၁၁ နာရီကျော် မှာ ရုတ်တရက် အလုပ်ဖြုတ်လိုက်ပြီး အလုပ်သမားတွေ ရရှိမဲ့ လုပ်ခလစာ တစ် လစာကို အပြည့်မပေးဘဲ ၁၀ ရက်အတွက်ပဲပေးမယ်လို့ စက်ရုံမန်နေဂျာ (ဖိုးကျကန်း) က ပြောဆိုတယ်လို့ အလုပ်သမားတွေကပြောပါတယ်။
"သူတို့ဘက်က ကြိုတင်ပြောရင် လက်ခံသေးတယ်။ ပြင်ဆင်ချိန်ရှိတာပေါ့ ။အခုက ကြိုတင်မပြောဘဲ အလုပ်ကဖြုတ်လိုက်တာ ။ လက်ရှိ အလုပ်ချက်ချင်းပြန်ရှာလို့က အဆင်မပြေဘူး ။ ကိုယ့်တစ်ယောက်စာအတွက် ဆိုရင် တော်သေးတယ် ။ ကိုယ်တွေ နောက်မှာ မှီခိုနေတဲ့ မိသားစုတွေရှိတယ်။ အကုန်အခက်ခဲဖြစ်ကုန်တာပေါ့။"လို့ အလုပ်ဖြုတ်ခံရသူ မြန်မာအမျိုးသမီး လုပ်သားတစ်ဦးက ပြောပါတယ်။
မြန်မာအလုပ်သမား ၁၀၀ ကျော် အလုပ်ဖြုတ်ခံရလို့နစ်နစ်သူလုပ်သားတွေက ဥပဒေအတ်ိုင်း ဆောင်ရွက်ပေးဖို့ MHAC မဟာမိတ်အဖွဲ့ ဦးဆောင်သူ အေအေစီကိုရဲမင်းဆီ ဆက်သွယ် အကူအညီတောင်းခံခဲ့တယ်လို့ သိရပါတယ်။
မြန်မာလုပ်သားတွေအတွက် ထိုင်းနိုင်ငံ အလုပ်သမားဥပဒေအတိုင်း လုပ်ခလစာနဲ့ နစ်နာမှုတွေ ပြန်လည်ရရှိ ဖို့ MHAC အဖွဲ့က အလုပ်သမားကူညီရေးရုံး(ဆဝါဒီကန်) မှာ အလုပ်ရှင် ကို အမှုဖွင့်တိုင်ကြားပေးသွားမယ်လို့ သိရပါတယ်။
