အလုပ်သမားများမချုပ်လုပ်နိုင်တော့တဲ့အထိအပ်ထည်စံချိန်တွေမတရားတိုးမြှင့်ထားတဲ့အပြင် စံချိန်မပြည့်ဘူးဆိုတဲ့အကြောင်းပြချက်နဲ့အချိန်ပိုအလကားဆင်းခိုင်းတာတွေ၊ စံချိန်မပြည့်ရင်ခြိမ်းခြောက်ပြောဆိုတာတွေ၊ ဥပဒေမဲ့အလုပ်ထုတ်နေတာတွေရှိနေတာကြောင့် Myanmar Tencent Fashion အထည်ချုပ်စက်ရုံကအလုပ်သမားတွေအခက်ကြုံနေရတယ်လို့နစ်နာသူအလုပ်သမားများရဲ့ပြောကြားချက်အရသိရပါတယ်။
အဆိုပါစက်ရုံဟာတရုတ်လူမျိုးပိုင်စက်ရုံတစ်ရုံဖြစ်ပြီးတော့
အမှတ်42/86၊ ချယ်ရီလမ်း၊ စက်မှုဇုန်(၁)၊ ရွှေပြည်သာမြို့နယ်မှာ Myanmar Tencent Fashion Garment အမည်ဖြင့်အထည်ချုပ်လုပ်ငန်းလုပ်ကိုင်နေကာ အလုပ်သမား(၄၀၀)ကျော်ဖြင့်လုပ်ကိုင်လျှက်ရှိတယ်လို့သိရပါတယ်။
"စက်ရုံမှာခွင့်ရက်က မရတဲ့အ ပြင်တနင်္ဂနွေ OT ရက်များကိုအလကားဆင်းပေးနေရတယ် အလုပ်သမားများမချုပ်လုပ်နိုင်သောစံချိန်များကိုလည်းတောင်းခံပြီးစံချိန်မပြည့်လျှင်လည်း၀မ်တိန်ထိုးပေးရသည့်အပြင်အလုပ်ပါထွက်ရမည်ဟု စူပါတွေက ခြိမ်းခြောက်တယ် အလုပ်သမားတွေကိုလဲ ကိုလည်းဥပဒေမဲ့အလုပ်ထုတ်မှုများစွာလည်းရှိပါတယ်"လို့နစ်နာသူအလုပ်သမားတဦးကစက်ရုံရဲ့လုပ်သားအခွင့်အရေးချိုးဖောက်မှု့တွေကိုပြောပါတယ်။
ဒါ့အပြင်စက်ရုံဖက်က အလုပ်သမားတွေကိုစံချိန်မပြည့်ဘူးဆိုတဲ့ အကြောင်းပြချက်နဲ့ညနေ(၆)နာရီမှ(၈)အထိအိုတီ (အချိန်ပို) အလကားထပ်ဆင်းခိုင်းနေတဲ့အပြင်လုပ်ငန်းခွင်အတွင်းနေထိုင်မကောင်းဖြစ်လာလျှင် ဆေးခန်းပြရန်အတွက် ဂိတ်ပြင်ထွက်ခွင့်တောင်းခံလို့လဲမရသည့်အခြေအနေဖြစ် ကြုံတွေ့နေရတယ်လို့သိရပါတယ်။
"လုပ်ငန်းခွင်အတွင်၌အသက်မပြည့်သေးသော ကလေးငယ်(၃၀)ကျော်လည်းရှိနေပါတယ် အဲ့ဒါကိုအခုလိုအလုပ်သမားအခွင့်အရေးတွေမတရားချိုးဖောက်နေတာပါ"လို့နစ်နာသူအလုပ်သမားတွေဖက်ပြောပါတယ်။
လက်ရှိအခြေအနေမှာအလုပ်သမားတွေဖက်ကကူညီဖြေရှင်းပေးမယ့်စက်ရုံမှာသမဂ္ဂမရှိပေမယ့် အလုပ်သမားတွေဖက်က OT အလကားဆင်းပေးနေရခြင်းနှင့်အပြစ်တစ်စုံတစ်ရာမရှိပဲဝမ်တိန်ထိုးခိုင်းခြင်းမပြုလုပ်ရန်ဥပဒေမဲ့အလုပ်ထုတ်ခြင်းမပြုလုပ်ရန်တို့ကိုတောင်းဆိုနေကြပါတယ်။
Myanmar Tencent Fashion Garment အထည်ချုပ်စက်ရုံဟာ Singer အမှတ်တံဆိပ်အထည်များချုပ်လုပ်ပြီးစျေးကွက်ကိုပြန်လည်တင်ပို့နေတဲ့စက်ရုံတခုဖြစ်တယ်လို့လဲသိရပါတယ်။
