NEWS

စမတ်ကတ် အတုပြုလုပ်ကာ ပတ်စပို့လျှောက်ထားပေးသူ ၂၀ ကျော်ဖမ်းဆီးခံရ

CoverLogo
613 Views

လူမှုကွန်ယက်စာမျက်နှာကနေ ​ကြော်ငြာပြီး မှတ်ပုံတင်နဲ့ UID(စမတ်ကတ်) အတု ပြုလုပ်ကာ နိုင်ငံကူးလက်မှတ်လျှောက်ထားပေးသူ ၂၀ကျော် ကိုဖမ်းဆီးလိုက်တယ်လို့စစ်ကောင်စီရဲ့ နိုဝင်ဘာ၁၇ ရက် နေ့ နိုင်ငံပိုင်သတင်းစာမှာ ကြေညာထားတာတွေ့ရပါတယ်။ 

ပြည်သူများသို့ အသိပေးကြေညာချက် ဆိုပြီး ထုတ်ပြန်ထားတာမှာ လူမှုကွန်ရက် စာမျက်နှာတစ်ခုဖြစ်တဲ့ လဝကရုံး (ဟစ်တိုင်) လို့ အမည်ပေးထားတဲ့ Facebook Group ကနေ ပွဲစားတွေနဲ့ချိတ်ဆက်ပြီး နိုင်ငံသား စိစစ်ရေးကတ်ပြားနဲ့ UID ကတ်ပြားအတုပြုလုပ်ပြီး နိုင်ငံကူးလက်မှတ် လျှောက်ထားရန်ဆောင်ရွက်ပေးသူ ၂၃ဦး ကိုမြို့နယ် ခုနှစ်မြို့နယ်က ရဲစခန်းတွေမှာ တရားစွဲဆိုအမှုဖွင့်လှစ်ထားတယ်လို့သိရပါတယ်။ 

ယခုဖြစ်စဉ်မှာ ပါဝင်ခဲ့တဲ့ Jack But Jaxk အကောင့်ပိုင်ရှင် ချစ်မင်းခိုင်ပါ သုံးဦးကို သင်္ကန်းကျွန်း မြို့မရဲစခန်းမှာ အမှုဖွင့်ခဲ့သလို Aent Hmue အကောင့်ပိုင်ရှင်ဖြစ်တဲ့ အံ့မှူး အပါအဝင် ၁၁ ဦးကို မင်္ဂလာဒုံ မြို့မရဲစခန်းမှာ အမှုဖွင့်ခဲ့တယ်လို့ ဖော်ပြထားပါတယ်။ 

ဒါ့အပြင် ရဲထက်စိုး အပါအဝင် ငါးဦးကို မြဝတီ မြို့မရဲစခန်းမှာ အမှုဖွင့်ခဲ့သလို သန့်ဇင်ထွန်းကို အင်းစိန် မြို့မရဲစခန်းမှာ အမှုဖွင့်ခဲ့ပြီး အောင်သူထက်ကို စမ်းချောင်း မြို့မရဲစခန်း၊ ခင်မောင်ကျော်ကို မော်လမြိုင် မြို့မရဲစခန်းနဲ့ ထက်မြတ်အောင်ကို ဒလ မြို့မရဲစခန်းမှာ အသီးသီး အမှုဖွင့်ခဲ့တယ်လို့ ဆိုပါတယ်။ 

ရုံးလုပ်ငန်းတွေနဲ့ပတ်သက်ပြီး ပြည်သူတွေရဲ့ မသိနားမလည်မှုအပေါ် အခွင့်ကောင်းယူပြီး ငွေကြေးရယူ၊ အမြတ်ထုတ်သူတွေကို ထိရောက်စွာ အရေးယူမယ်လို့ စစ်ကောင်စီကအသိပေးထားပါတယ်။ 

UID နံပါတ် ရယူလိုသူတွေအနေနဲ့ သက်ဆိုင်ရာ မြို့နယ် လဝကရုံးတွေမှာ နိုင်ငံသား စိစစ်ရေးကတ်ပြားနဲ့အတူ လူကိုယ်တိုင် သွားရောက်ပြီး အခကြေးငွေ ကုန်ကျမှုမရှိဘဲ ဆောင်ရွက်နိုင်တယ်လို့ စစ်ကောင်စီက အသိပေးကြေညာထားပါတယ်။ 

 


Related posts

Cover
“ညည်းချင်း ၂၀၂၅”
Oct 02, 2025
Cover
တစ်အိမ်တစ်ယောက်မဲစာရင်း လာကြည့်ဖို့ စစ်ကော်မရှင်ရဲ့ UEC ဖိတ်ခေါ်
Oct 01, 2025
Cover
အပူပိုင်းမုန်တိုင်း “ဘူအလွိုင်” မြန်မာနိုင်ငံအရှေ့ပိုင်း နယ်စပ်ဒေသများကို ဖြတ်ကျော်နိုင်ဟုမိုး/ဇလထုတ်ပြန်
Sep 29, 2025
Cover
အပူပိုင်းမုန်တိုင်း "ဘူအလွိုင်" ကြောင့် တိုင်းနှင့်ပြည်နယ်များတွင် အောက်တိုဘာ ၂ရက် အထိ မိုးကြီးနိုင်
Sep 28, 2025
Cover
ငမိုးရိပ်ရေလှောင်တမံ ရေပြည့်မှတ်ရောက်ရန် ပေဝက်ခန့်သာ လိုတော့ဟုဆည်မြောင်းဝန်ကြီးဌာနအသိပေး
Sep 26, 2025
Cover
ပါရာစီတမော သောက်သုံးမှု မူလညွှန်ကြားချက်မပြောင်းလဲဘူးလို့ ကမ္ဘာကျန်းမာရေးအဖွဲ့ထုတ်ပြန်ထား
Sep 24, 2025
Cover
စစ်တောင်း၊ ပဲခူး၊ သံလွင်နှင့်ဘီလင်းမြစ် တို့ ၆နာရီမှ ၃၆ နာရီအတွင်း စိုးရိမ်ရေမှတ်ရောက်ရှိမည်ဟု မိုးဇလ အသိပေး
Sep 24, 2025
Cover
တိုင်ဖွန်းမုန်တိုင်း ရာဂါဆာ အရှိန်ကြောင့် နေရာအနှံ့ မိုးကြီးမှု သတိပြုရန်လို
Sep 22, 2025