ရန်ကုန်တိုင်းဒေသကြီးရွှေပြည်သာမြို့နယ်အမှတ် ၃ စက်မှု့ဇုန်၊ မြသာဝန်ကြီးဦးမော့လမ်းမှာလုပ်ကိုင်နေတဲ့တရုတ်နိုင်ငံသားပိုင် (San Yee Enterprise Co.,Ltd) စမ်းရီစက္ကူစက်ရုံမှာလုပ်သားတွေအပေါ်အခွင်အရေးချိုးဖောက်ပြီး အဓမ္မစေခိုင်းတာတွေရှိနေတယ်လို့စက်ရုံဝန်ထမ်းတွေက MLN ကိုပြောပါတယ်။
အဆိုပါစက်ရုံမှာစစ်တပ်ပိုင် ယမကာလုပ်ငန်းမှအမှတ်တံဆိပ်တခုဖြစ်တဲ့မြန်မာဘီယာအတွက်ဖာ(ဂျပ်ဖာ)များထုတ်လုပ်ပေးနေတဲ့ကုမ္ပဏီတခုဖြစ်တယ်လို့လဲသိရပါတယ်။
"အသံတိတ်သပိတ်နေ့မှာအလုပ်မဆင်းလို့ဆိုပြီးတနဂ်နွေကိုအတင်းဆင်းခိုင်းတယ်ပုံမှန်ဆိုရုံးပိတ်ရက်ကိုဆင်းခိုင်းတယ်ဆိုရင်တောင်၂ ဆပေးရတာလုံးဝမပေးတဲ့အပြင် အိုတီတွေတောင်ဖြတ်နေတယ်"လို့စက်ရုံဝန်ထမ်းတဦးကMLNကိုပြောပါတယ်။
အဆိုပါစက်ရံပိုင်ရှင်မှာမြန်မာစကားကိုလည်လည်ပတ်ပတ်ပြောဆိုတတ်တဲ့တရုတ်လူမျိုးတဦးဖြစ်ပြီးဝန်ထမ်းတွေကိုအစည်းအဝေးခေါ်တိုင်းစစ်ခေါင်းဆောင်အကြောင်းချီးကျူးပြောဆိုလေ့ရှိသူဖြစ်တာ်လို့လဲဝန်ထမ်းတွေကဆိုပါတယ်။
"သူကနင်တို့ဒေါ်စုကလက်ထက်မှာအလုပ်သမားအခွင့်အရေးရရင်ရမယ် မင်းအောင်လှိုင်လက်ထက်မှာတော့မရဘူး တိုင်ချင်တဲ့နေရာသွားတိုင်ဆိုတာမျိုးတွေအမြဲပြောတယ် ကျမတို့ကလဲဒီကာလအလုပ်ကရှာရဖွေရခက်ခဲတော့ဒုက္ခရောက်နေလဲလုပ်ရတာပဲ"လို့စက်ရုံလုပ်သားတဦးကပြောပါတယ်။
စက်ရုံတွင်းအခြေအနေနဲ့ပုံမှန်လုပ်အားထက်တိုးတောင်းတာတွေ ခွင့်ရက်မပေးတာတွေအပြင်အလုပ်ရှင်အလုပ်သမားဆိုင်ရာဥပဒေတွေကိုကျော်လွန်ချိုးဖောက်နေတဲ့အပြင်အဓမ္မခိုင်းစေတာတွေလဲရှိနေတယ်လို့အလုပ်သမားတွေရဲ့ပြောကြားချက်အရသိရပါတယ်။
စမ်းရီစက္ကူစက်ရုံမှအလုပ်သမားတဦးလျှင်တနေ့ ၃၆၀၀ ကျပ်ရရှိပြီးအချိန်ပိုကြေးပေးပေမယ့် ခေါ်ချင်တဲ့အချိန်ကြိုက်လိုသလိုခေါ်နေတဲ့အပြင် တရက်မဆင်းရင်လစာထဲကတစ်သောင်းကျော်နီးပါးဖြတ်တောက်တယ်လို့လဲစက်ရုံဝန်ထမ်းတွေကတဆင့်သိရပါတယ်။
အဆိုပါအလုပ်ရှင်တွေအနေနဲ့ယခုလိုတော်လှန်ရေးကာလမှာအလုပ်သမားတွေအပေါ်အခွင့်အရေးချိုးဖောက်နေတာတွေအတွက်အမျိုးသားညီညွတ်ရေးအစိုးရကပြင်းပြင်းထန်ထန်အရေးယူမယ်လို့အတိအလင်းထုတ်ပြန်ထားပါတယ်။
