တစ်နေ့ကို လုပ်သားရာဂဏန်းနီးပါးကူးစက်ခံနေရတဲ့ကိုဗစ်စတုတ္ထလှိုင်းဒဏ်ခံနေရတဲ့ကာလမှာ စက်ရုံ၊ အလုပ်ရုံတွေမှာ ကိုဗစ်ကူးစက်မှုဆိုင်ရာ ကျန်းမာရေးစောင့်ရှောက်မှု့တွေနည်းပါးနေတယ်လို့အလုပ်သမားတွေထံက သိရပါတယ်။
ယခုရက်ပိုင်းမှာပဲ မဂ်လာဒုံ မြို့နယ်ထဲမှာလုပ်ကိုင်နေတဲ့ မှန်ဘီလူးစက်ရုံကအလုပ်သမားတွေရာနဲ့ချီပြီးကိုဗစ်ကူးစက်ခံခဲ့ရပါသေးတယ်။
ဒါတွေဟာ ရာနဲ့ချီပြီးလုပ်သားတွေရှိနေတဲ့စက်ရုံတွင်း လက်ဆေးဇလုံထားရှိတာတွေ၊ Maskပေးတာတွေ၊ ရုံးဆင်းရုံးတက်ချိန်တွေမှာစနနစ်တကျမရှိဘဲ စုပြုံတိုးပြီးသွားရတာတွေအစရှိတဲ့ ကျန်းမာရေးစည်းမျဉ်းစည်းကမ်းတွေ ချမှတ်မှု နည်းပါးတာတွေကြောင့်ဖြစ်တယ်လို့အလုပ်သမားတွေကဆိုပါတယ်။
"ကျတော်တို့ကဒီကာလမှာပွင့်ပွင့်လင်းလင်းပြောရရင် မက်စ်တခုဝယ်ဖို့တောင်အတော်စဥ်းစားနေရတာ သူတို့ဖက်ကတစ်လကိုမှအလုပ်သမားတယောက်ကို မက်စ် ၃ခုပေးတာဆိုတော့ဘယ်အလုပ်သမားကတပ်တော့မှာလဲ"လို့ရန်ကုန်မြို့စက်မှု့ဇုန်တခုက အလုပ်သမားတဦးက MLNကိုပြောပါတယ်။
တနေ့ကိုထောင်နဲ့ချီပြီးလုပ်သားတွေရှိနေတဲ့စက်ရုံတွေမှာကျန်းမာရေးစောင့်ရှောက်မှု့မပေးတဲ့အတွက်ရာနဲ့ချီပြီးကူးစက်မှု့တွေဆက်ဖြစ်နေပါတယ်။
"ကျမတို့စက်ရုံမှာဖျားကြတယ် တစ်ယောက်ပြီးတစ်ယောက်ဖျားတာကျမလဲဖျားနေတယ် တချို့ကျတော့လဲဖျားပေမယ့်လစာနှုတ်ခံရမှကြောက်ပြီးလာတက်ကြတော့ အဲ့ကထပ်ကူးတာနဲ့ပတ်လည်ရိုက်နေတာပေါ့"လို့ရွှေပြည်သာမြို့နယ်၊ ဝါးတရာစက်မှု့ဇုန်ကအလုပ်သမားတဦးကဆိုပါတယ်။
သူတို့စက်ရုံထဲမှာပဲဖျားနေတဲ့သူရာဂဏန်းမကရှိနေပေမယ့် အလုပ်သမားတွေကိုစက်ရုံဖက်ကကျန်းမာရေးခံစားခွင့်မပေးလိုတာတွေ၊ လစာနှုတ်တာတွေကြောင့်တချို့ဆိုဖျားနေတဲ့ကြားကပဲအလုပ်လာဆင်းနေကြရတယ်လို့ဆိုပါတယ်။
စက်ရုံဖက်ကဖိအားတွေကြောင့် အခုလိုကိုဗစ်ကူးစပ်ရောဂါပျံ့နှံ့မှု့ဟာဒီ့ထက်မကပိုဆိုးလာဖို့ပဲရှိနေတယ်လို့လဲMLNကမေးမြန်းတဲ့အလုပ်သမားတချို့ကမှတ်ချက်ပြုပါတယ်။
"ကျန်းမာရေးလမ်းညွန်းမူတွေလဲမရှိဘူး ၊ နေမကောင်းလို့ ဖျားနာရင် ခွင့် ခံစားခွင့်လဲ မရှိပါဘူး၊ ဖယ်ရီကားတွေလဲ ပြည့်ကြပ်ညပ်နေတာပါပဲ ဒီ့ထက်ပိုဆိုးလာဖို့ပဲရှိတယ်"လို့စက်ရုံအလုပ်သမားတဦးကပြောပါတယ်။
လက်ရှိမှာ ကိုဗစ်ဆိုင်ရာစည်းမျဥ်းစည်းကမ်းတွေကိုစက်ရုံတွေဖက်ကလိုက်နာမှု့မရှိသလောက်ဖြစ်နေပြီးလုပ်ချင်သလိုလုပ်နေတယ်လို့လဲအလုပ်သမားတွေကဆိုပါတယ်။
အဲ့ဒီ့ထဲမှာစက်ရုံအဝင်အထွက်မှာကိုယ်အပူချိန်တိုင်းတာတွေကအစ စက်ရုံထဲကလက်ဆေးကန်ကဆပ်ပြာအဆုံးဖြစ်သလိုသာ စက်ရုံဖက်ကလုပ်နေတယ်လို့အလုပ်သမားတွေရဲ့ပြောဆိုချက်တွေအရသိရပါတယ်။
"လက်ဆေးကန်ကဆပ်ပြာကအစမဖြစ်လို့သာချပေးထားရတဲ့ပုံစံပဲ ဆပ်ပြာအဆီလေးကိုရေဖျောပြီးခွက်နဲ့ချထားတာပဲမက်စ် ကလဲမတပ်လဲဂရုမစိုက်ဘူး တခုတော့ရှိတယ်သူတို့နဲ့မတည့်တဲ့အလုပ်သမားဆိုအဲ့မက်စ်မတပ်တာကိုအပြစ်ရှာပြီးထုတ်တော့တာ အဲ့လိုတွေခုဟာက"လို့လှိုင်သာယာမြို့နယ်တွင်းအထည်ချုပ်စက်ရံမှာအလုပ်လုပ်နေတဲ့အလုပ်သမားတဦးကစက်ရုံတွင်းအခြေအနေကိုပြောပါတယ်။
ဒီလိုစက်ရုံအလုပ်ရုံတွေမှာအလုပ်သမားတွေအပေါ်အခွင့်အရေးချိုးဖောက်တာတွေကျန်းမာရေးစောင့်ရှောက်မှု့မပေးတဲ့ကိစ္စတွေကိုအမျိုးသားညီညွတ်ရေးအစိုးရကစောင့်ကြည့်နေတယ်လို့အလုပ်သမားရေးဒုတိယဝန်ကြီးကမှတ်ချက်ပြုပါတယ်။
"ကျတော်တို့ဖက်ကကျန်းမာရေးဝန်ကြီးဌာနနဲ့တိုင်ပင်ပြီးစက်ရုံတွေလိုက်နာရမယ့်ဟာတွေ ထပ်ထုတ်ပြန်ထားတာရှိတယ် ခုက အလုပ်သမားအခွင့်အရေးမပေးချင်တဲ့လုပ်ငန်းရှင်တွေရယ်၊ စကစရယ်ကြောင့်အခုလိုတွေဖြစ်ရတာပေါ့ နံပါတ်တစ်တရားခံရ စကစဆိုနံပါတ်နှစ်တရားခံကလုပ်သားအခွင့်အရေးချိုးဖောက်နေတဲ့အလုပ်ရှင်ပဲ"လို့ NUG ရဲ့အလုပ်သမားရေးရာဒုတိယဝန်ကြီးဦးကျော်နီက MLN ကိုပြောပါတယ်။
အခုလိုစက်ရုံတွေအလုပ်ရှင်တွေဖက်ကအလုပ်သမားတွေကိုဗစ်ပျံ့နှံ့နေတဲ့ကာလမှာပဲကျန်းမာရေးစောင့်ရှောက်မှု့မရှိတာတွေ၊ လုပ်သားအခွင့်အရေးချိုးဖောက်တာတွေအပေါ်သက်ဆိုင်ရာအလုပ်ရှင်တွေအနေနဲ့တာဝန်ခံရမယ်လို့လဲဒုဝန်ကြီးကဆိုပါတယ်။
