NEWS

ငလျင်ကြောင့် အကျဉ်းသူ/သား သေဆုံးသူ ၃၀ ဦးထက်မနည်းရှိပြီး ပျက်စီးဆုံးရှုံးများသော်လည်းစစ်ကောင်စီမှသတင်းအမှောင်ချထား

CoverLogo
245 Views
 
မတ်လ ၂၈ရက်က လှုပ်ခတ်ခဲ့တဲ့ အင်အားပြင်း စစ်ကိုင်းငလျင်ကြီးကြောင့် အကျဉ်းထောင် အဆောက်အဦးတွေ ပျက်စီးဆုံးရှုံးမှု များကာ အကျဉ်းသား/သူ သေဆုံးတဲ့ ဦးရေ ၃၀ဦး ထက်မနည်း ရှိပေမယ့် စစ်ကောင်စီ ဘက်မှ သတင်းထုတ်ပြန်တာမျိုးမရှိဘဲ သတင်းအမှောင်ချခံထားရတဲ့ အခြေနေ ဖြစ်နေတယ်လို့ သိရပါတယ်။
အခုလို ဖြစ်ပေါ်နေတာနဲ့ ပက်သက်ပြီး နိုင်ငံရေး အကျဉ်းသား များ ကိုယ်စား နိုင်ငံရေးအကျဉ်းသားဟောင်းများအဖွဲ့ (FPPS)နွေဦးတမာန် နိုင်ကျဉ်းကူညီစောင့်ရှောက်ရေးအဖွဲ့၊ထောင်ဝင်စာပို့ကြမယ်၊Policital Prisoners Network-Myanmar (PPNM)၊AAPP နဲ့ WOPP အဖွဲ့ တို့က ဧပြီ ၂၀ရက် နေ့ မှာ မြန်မာနိုင်ငံအတွင်း အကျဉ်းထောင်အသီးသီး မှ နိုင်ငံရေးအကျဉ်းသားတွေရဲ့ အခြေအနေ ကို ထုတ်ပြန် လိုက်ပါတယ်။
၎င်းထုတ်ပြန်ချက် မှာ ငလျင်ဒဏ်ကြောင့် အိုးမင်းဟောင်းနွမ်းနေပြီဖြစ်တဲ့ အကျဉ်းထောင်အဆောက်အဦးတွေ ပြိုကျပျက်စီးခဲ့ပြီး ထောင်တွင်းသတင်းအချက်အလက်အရ ဒဏ်ရာရရှိတဲ့ အကျဉ်းသား/သူ ၂၈၀ဦးကျော်ရှိပြီး ၃ဝဦးထက်မနည်း သေဆုံးခဲ့တယ်လို့ ဆိုပါတယ်။
အခုလို ငလျင်ကပ်ဘေးကိုဆိုးရွာစွာခံစားကြရပေမယ့် လက်ရှိအချိန်ထိ ပြည်တွင်း ပြည်ပ နဲ့ နိုင်ငံတကာအဖွဲ့စည်း တွေ ထံ ကနေ လူသားချင်းစာနာထောက်ထားမှု အကူညီ မရရှိဘဲ စစ်ကောင်စီရဲ့ သတင်းအမှောင်ချခံထားရတယ်လို့ ထုတ်ပြန်ထားပါတယ်။
ဒါ့အပြင် ငလျင်ဒဏ်ခံစားထားရတဲ့ နိုင်ငံရေးအကျဉ်းသား/သူ တို့ကို ထောင်ပြောင်းရွှေ့မယ်လို့ ခြိမ်းခြောက် ဖိနှိပ် မှု တွေ ပြင်းပြင်းထန်ထန်ပြုလုပ်နေပြီး ထောင်တွင်းဆေးကုသမှု ကိုလည်း လုံလောက်စွာမရရှိဘူးလို့ သိရပါတယ်။
ငလျင်ဒဏ်ကြောက့် ပျက်စီးယိုယွင်းနေတဲ့ အဆောက်အဦး တွေ အထဲ ဝင်ရောက် နေထိုင်ဖို့ အတင်းကြပ်စေခိုင်း နေပြီးမနာခံတဲ့ အကျဉ်းသား/သူတွေကို ထောင်ပြောင်းရွှေ့ပစ်မယ်လို့ခြိမ်းခြောက်တယ်လို့ ဆိုပါတယ်။
အခုလို ပျက်စီးယိုယွင်းနေတဲ့ အဆောက်အဦးတွေ ထဲ နေထိုင်နေရတဲ့ အတွက် နောက်ဆက်တွဲ ငလျင် တွေကြောင့် အကျဉ်းသား/သူတွေ မှာ
အချိန်မရွေး ထိခိုက်သေဆုံးနိုင်မယ့် အခြေအနေ နဲ့ ရင်ဆိုင်နေရတယ်လို့ သိရပါတယ်။
စစ်ကောင်စီရဲ့ ရက်စက်စွာဖိနှိပ်အကြမ်းဖက်မှုကြောင့် နိုင်ငံတဝှမ်းအကျဉ်းထောင် တွေ အတွင်းမှာရှိတဲ့ နိုင်ငံရေးအကျဉ်းသား/သူတွေရဲ့ ရင်ဆိုင်နေရတဲ့ အခြေနေ ကို ကမ္ဘာ့ကုလသမဂ္ဂအပါအဝင် နိုင်ငံတကာလူ့အခွင့်ရေး အဖွဲ့ တွေ အနေနဲ့ စဉ်ဆက်မပြတ် စောင့်ကြည့်ဖိအားပေးဖို့ ကိုလည်း နိုင်ငံရေးအကျဉ်းသားဟောင်းများအဖွဲ့အပါအဝင် အဖွဲ့စည်းတွေက တိုက်တွန်းတောင်းဆိုထားပါတယ်။

Related posts

Cover
ပြည်ပရောက်မြန်မာနိုင်ငံသားတွေ ကြိုတင်မဲ ပေးလိုပါက ကိုယ်ရေးအချက်အလက် အပြည့်စုံ ဖေါ်ပြပြီး မြန်မာသံရုံး ကိုပေးပို့ တောင်းဆိုနိုင်ဟုဆို
Aug 22, 2025
Cover
ရွေးကောက်ပွဲကို ဒီဇင်ဘာ ၂၈ မှ စပြီး အပိုင်း လိုက် ကျင်းပမည်ဟု စစ်ကော်မရှင် ကြေညာ
Aug 18, 2025
Cover
တက္ကသိုလ်ဝင်စာမေးပွဲ အမှတ်စာရင်းကို တိုကင်စနစ် ဖြင့် ထုတ်ပေးမည်ဟုဆို
Aug 17, 2025
Cover
နိုင်ငံကူးလက်မှတ်ပြုလုပ်သူ နည်းလာ
Aug 14, 2025
Cover
လွတ်ရက်စေ့ပြီး ထောင်ဗူး၀တွင် ပြန်အဖမ်းခံရသည့် နိုင်ကျဉ်း ၇၄ ဦး အထိ ရှိလာ
Aug 11, 2025
Cover
လာမည့် ၁၀ရက် အတွင်း မြစ်ရေများ လက်ရှိရေအမှတ်ထက် ၁ ပေမှ ၅ ပေအထိ မြင့်တက်မည်
Aug 11, 2025
Cover
နိုင်ငံကူးလက်မှတ် PJ အမျိုးအစား မှ PE အမျိုးအစား သို့ ပြောင်းလဲ ပြုလုပ်ခွင့် ပိတ်ပင်ခံရ
Aug 11, 2025
Cover
တစ်နိုင်တပိုင်လုပ်ငန်းငယ်တွေ အလုပ်သမားခေါ်ဖို့အခက်တွေ့လာ
Aug 11, 2025