"ကြားကာလအလုပ်သမားနစ်နာမှု့တွေနဲ့ပတ်သက်ပြီးပေါ်ပေါက်လာတဲ့ပြသနာရပ်တွေကို ကိုင်တွယ်ဖြေရှင်းနိုင်ဖို့ NUCC နဲ့ NUG ကြားမှာ JCC ဖွဲ့ပြီးကိုင်တွယ်နိုင်မယ့်နည်းလမ်းရှိတယ်"လို့ ကိုနန္ဒာစစ်​အောင် ( မြန်မာနိုင်ငံအလုပ်သမားတပ်ပေါင်းစု )က​Myanmar Labour News ကိုပြောပါတယ်။

ဒီကနေ့အမျိုးသားညီညွတ်ရေးအတိုင်ပင်ခံကောင်စီ( NUCC)ရဲ့သတင်းစာရှင်းပွဲမှာအလုပ်သမားတွေရဲ့ကြားကာလနစ်နာမှု့ကိစ္စရပ်တွေအပေါ်ဘယ်လိုကိုင်တွယ်ဖြေရှင်းသွားမလဲဆိုတဲ့ မေးခွန်းကို ယင်းကအခုလိုပဲဖြေကြားခဲ့ပါတယ်။

"ကြားကာလအလုပ်သမားတွေရဲ့အခွင့်အရေးနဲ့ထိခိုက်နစ်နာဆုံးရှူံးမှု့တွေအတွက်ပဋိညာဥ်ရဲ့အခန်းတွေမှာအာမခံချက်တွေပါတယ်။ဘယ်လိုမျိုးဆောင်ရွက်မလဲဆိုတာအသွင်ကူးပြောင်းရေးကာလမှကော်ရှင်တွေဖွဲ့ဖို့ရှိတယ်။အဲ့မှာအလုပ်သမားတောင်သူလယ်သမားဆိုင်ရာကော်မရှင်တွေပါတယ်ဒီကော်မရှင်တွေကဘာအတွက်ရည်ရွယ်လဲဆိုတော့အသွင်ကူးပြောင်းရေးကာလရဲ့သဘာဝဖြစ်တဲ့တရားမျှတမှု့တွေကိုတည်ဆောက်ဖို့ရည်ရွယ်ပါတယ်။အဲ့ဒီ့ကော်မရှင်တွေထဲမှာတရားမျှတမှု့ရှာဖွေရေးကော်မရှင်တွေလဲပါတယ်။ဒီကော်မရှင်တွေကိုထည့်သွင်းဖို့ဘာကြောင့်စဥ်းစားခဲ့တာလဲဆိုတော့ကြားကာလထိခိုက်နစ်နာမှု့တွေရှာဖွေဖို့ယန္တရားလိုအပ်တာမို့လို့ပဲ။"လို့ ၄င်းက​​ပြောဆိုပါတယ်။

ကြားကာလမှာ ဖြစ်​ပေါ်​နေတဲ့ အလုပ်သမား​တွေရဲ့ နစ်နာမှု​တွေအ​ပေါ် ဘယ်လိုကိုင်တွယ်ဖြေရှင်းသွားဖို့ရှိလဲဆိုတဲ့​မေးခွန်းကို​တော့

"ကြားကာလမှာဘယ်လိုကိုင်တွယ်နေလဲဆိုတာကတော့ NUG နဲ့ NUCC ကြားမှာ Joint Coordination Committee ဖွဲ့ပြီးဆောင်ရွက်ပါတယ်။ဆောင်ရွက်နိုင်မယ့်နည်းလမ်းရှိပါတယ်။NUG သည် NUCC ရဲ့ပေါ်လစီကိုတည်ဆောက်ရတာဖြစ်တဲ့အတွက်ဒီနှစ်ခုကိုပေါင်းပြီးလက်တွေ့ပြသနာတွေကိုဖြေရှင်းကိုင်တွယ်ဖို့စဥ်းစားတဲ့အခါမှာJCBပေါ်လာတာပဲဖြစ်ပါတယ်"လို့ ၄င်းက​ဖြေကြားခဲ့ပါတယ်။

#MyanmarLbourNews