မလေးရှားနိုင်ငံ ဂျိုဟိုးပြည်နယ်ရှိ စက်ရုံ နှစ်ရုံမှာ အလုပ်လုပ်ကိုင်နေတဲ့ တရားမဝင်မြန်မာလုပ်သား ၃၆ဦး ဖမ်းဆီးခံရတယ်လို့ မလေးရှား သတင်း ဌာနများ၏ ဖော်ပြချက်အရ သိရပါတယ်။
မေလ၈ရက်နေ့က ဂျိုဟိုးပြည်နယ် ရှိ စက်ရုံအလုပ် ရုံများကို မလေးရှား အာဏာပိုင်တွေက တရားမဝင် အလုပ်သမားများ ရှိမရှိကို ဝင်ရောက်စစ်ဆေးရာတွင် ဖမ်းဆီးခံရခြင်းဖြစ်ကြောင်း သိရပါတယ်။
အလူမီနီယံ စက်ရုံတွင် ဖမ်းဆီးခံရသူများ ထဲတွင် ပါကစ္စတန်မှ အမျိုးသား ၁၀ ဦး ၊ ဘင်္ဂလားဒေ့ရှ် မှ အမျိုးသား ၉ ဦး ၊ တရုတ်နိုင်ငံမှ အမျိုးသား ၄ ဦးနဲ့ မြန်မာနိုင်ငံမှ အမျိုးသား ၃ ဦး ဖမ်းဆီးခံရတယ်လို့ သိရပါတယ်။
ပေါင်မုန့်စက်ရုံ တွင် ဖမ်းဆီးခံရသူများမှာတော့ မြန်မာနိုင်ငံမှ အမျိုးသား ၁၄ ဦးနှင့် အမျိုးသမီး ၉ ဦး၊ ပါကစ္စတန်မှ အမျိုးသား ၂ ဦးနှင့် နီပေါနိုင်ငံမှ အမျိုးသား ၁ ဦးတို့ ဖြစ်တယ်လို့သိရပါတယ်။
ဖမ်းဆီးခံရတဲ့ မြန်မာနိုင်ငံသားများဟာ အသက်၂၀မှ ၄၆နှစ်ကြား ရှိတယ်လို့ဆိုပါတယ်။ မလေးရှားနိုင်ငံတွင် တရားမဝင်နိုင်ငံခြားသားလုပ်သားများကို စီမံချက်နဲ့ မကြာခဏ ဖမ်းဆီးမှုများပြုလုပ်ရာ တရားမဝင် မြန်မာလုပ်သားများလည်း ဖမ်းဆီးခံရမှု များတယ်လို့ သိရပါတယ်။