တောင်ကိုရီးယား နိုင်ငံ တွင် သင်္ဘောတစ်စီး မီးလောင်မှုဖြစ်ပွားရာ မှ မြန်မာသင်္ဘောသားတစ်ဦး မီးလောင်ဒဏ်ရာရရှိခဲ့တယ်လို့ ကိုရီးယားအင်တာနက်သတင်းများနှင့် ကိုရီးယားရောက်မြန်မာ အလုပ်သမားတွေထံ က သိရပါတယ်။
ဇွန်လ ၁၈ ရက် နေ့လည် ၂နာရီ အချိန်က ကိုရီးယားနိုင်ငံ ဂယောင်ဆန်တောင်ပိုင်းပြည်နယ် ချန်းဝါန်မြို နဲ့ဆောင်းဆန်မြို ဂွီဆန်ဒုန် မာဆန် တံတား အနီး တန် ၅၀၀၀ ရှိ သင်္ဘော တစ်စီး မီးလောင်မှု ဖြစ်ပွားခဲ့တယ်လို့ သိရပါတယ်။
အဆိုပါ သင်္ဘော မီးလောင်တဲ့နေရာကို ကမ်းခြေစောင့်ရဲဝန်ထမ်း တွေက မီးငြှိမ်းသတ် ပေးကာ သင်္ဘောသား တွေ ကို ကယ်ဆယ်ပေးခဲ့ရာ တစ်နာရီ ခန့် မှာ မီးငြိမ်းခဲ့တယ်လို့ ဆိုပါတယ်။
ယင်း သင်္ဘော မီးလောင် မှုကြောင့် အသက် ၃၀အရွယ် မြန်မာသင်္ဘောသား တစ်ဦး မှာ ကျောကုန်း မီးလောင်ဒဏ် ခံခဲ့ ရပြီး နီးစပ်ရာ ဆေးရုံမှာ ဆေးကုသမှု ခံယူနေရတယ်လို့ သိရပါတယ်။
ယခု သင်္ဘော မီးလောင်မှု မှာ သင်္ဘောစက်ခန်း ထဲ မှ မီးစတင်လောင်တာ ဖြစ်ပြီး တာဝန်ရှိသူတွေကို မီးလောင်မှုနဲ့ ပတ်သက်ပြီး စစ်ဆေးသွားမယ်လို့ သိရပါတယ်။
