တရုတ်နိုင်ငံ ယူနန်ပြည်နယ် လက်အောက်ရှိ တယ်ဟုန်ပြည်နယ် ကို တရားဝင် မြန်မာ အလုပ်သမား စေလွှတ်မှု စတင်နေပြီလို့ လိုင်စင်ရအေဂျင်စီ တွေ ထံ က သိရပါတယ်။
ဇွန်လ ထဲ မှာ တင် အထည်ချုပ် လုပ်ငန်း အတွက်အယောက် ၉၀ခန့် စတင် စေလွှတ်ခဲ့ ပြီး အချို့ လုပ်ငန်းမကျွမ်းကျင်တဲ့ အတွက် အဆင်မပြေတာတွေ ဖြစ်ပေါ်နေတယ်လို့ ဆိုပါတယ်။
"တရုတ်ကို စတင် စေလွှတ်နေပြီ လေကြောင်းနဲ့ပဲ ပို့တာ၊ စက်ချုပ် နဲ့ လွှတ်လိုက်တာ အမျိုးသမီး လုပ်သားတွေ များတယ် ဒါပေမယ့် ဘာ အဆင်မပြေလဲ ဆိုတော့ ဒီဘက် မှာ စာချုပ်သင်တန်း ၁ လ လောက် တက်ပြီး သွားတဲ့ သူတွေ တပတ်လောက် တက် ပြီး သွားတဲ့ သူတွေ ဟိုဘက်ရောက်တော့ အဆင်မပြေဘူး ဒီဘက် မှာ အထည်ချုပ်စက်ရုံ တွေ မှာ တကယ် လုပ်နေတဲ့ သူတွေ စက်ချုပ်ကျွမ်းကျင်တဲ့သူတွေ က အဆင်ပြေတယ်"လို့ အေဂျင်စီ မှ တာဝန်ရှိသူ တစ်ဦးကပြောပါတယ်။
ဒါ့အပြင် တရုတ်ပြည်မ ထဲ မဟုတ်ဘဲ တယ်ဟုန် ပြည်နယ် တစ်ခု ထဲ ကိုသာ လုပ်သား စေလွှတ်ရတဲ့ အတွက် တရုတ်ဘက်က ဗီဇာ ပေးဖို့အခက်ခဲ ဖြစ်နေတယ်လို့ ဆိုပါတယ်။
"တရုတ်ပြည်မ ထဲ က နိုင်ငံခြားသားအလုပ်သမား လိုအပ်ချက် ရှိတာ မဟုတ်ဘူးလေ အခု လိုတာက တယ်ဟုန်ပြည်နယ် တစ်ခုထဲ ဆိုတော့ သူတို့ ဘက်က အလုပ်သမား ဗီဇာ မပေးချင်ဘူး ဖြစ်နေတယ်၊ အခု ပို့လိုက်တဲ့ သူတွေက business visa နဲ့ လျှောက်ပြီး သွားကျတာ ဟိုဘက်ရောက် မှ work permit ကတ်ပေးတာ အဲ့လိုဆိုတော့ အေဂျင်စီ တွေ အနေနဲ့ ဆက်ပြီး လုပ်သားစေလွှတ်ဖို့ အတွက် ကိုအခြေနေစောင့်ကြည့်နေရတာ"လို့
အေဂျင်စီ မှတာဝန်ရှိသူတစ်ဦးကဆိုပါတယ်။
လုပ်အား ခ အနေနဲ့ နေစရိတ်စားစရိတ် ငြိမ်း ဖြင့်တစ် လကို တရုတ်ငွေ ယွမ်၁၂၀၀မှ ၂၀၀၀ခန့်ရရှိတယ်လို့ သိရပါတယ်။
တရုတ် နိုင်ငံ ကို မူဆယ် မှ တစ်ဆင့် ယာယီဖြတ်သန်းခွင့်လက်မှတ် တွေ နဲ့ ရက်သတ္တပတ် ခန့် နေထိုင် ပြီး သွားရောက် အလုပ် လုပ်ကိုင်တာသာရှိပြီး တရားဝင် မြန်မာ အလုပ်သမား စေလွှတ်တာ ကတော့ ယခု မှ စတင်တာဖြစ်တယ်လို့ သိရပါတယ်။