NEWS

Tha Shu (Myanmar) Glory Fashion အထည်ချုပ် စက်ရုံ နားချိန်မပေးဘဲ ၇  နာရီဆက်တိုက် ခိုင်းစေ၊  ထမင်းစားဆောင်တွင် ကျပ်တည်းစွာ စားသောက်ရ

CoverLogo
218 Views

ရွှေသံလွင်စက်မှုဇုန်၊ သံလွင်လမ်းက Tha Shu (Myanmar) Glory Fashion အထည်ချုပ် စက်ရုံမှာ နားချိန်မပေးဘဲ အချိန်ပို ဆက်လက် လုပ်ကိုင်ခိုင်းတာကြောင့် ၇ နာရီဆက်တိုက် လုပ်ကိုင်နေရတယ်လို အလုပ်သမားတွေက ပြောပါတယ်။

“နေ့လယ် ၁၂ ခွဲကတည်းက ည ၇ နာရီအထိ ဆက်တိုက်လုပ်ရတယ်။ အနားကို မပေးတာ။ ဘာမှလည်း မကျွေးဘူး။ အလုပ်သမားတွေ ဆာကြတာပေါ့။ “ လို ပြောပါတယ်။

အစာအိမ်နဲ့ လေအောင့်ရောဂါရှိတဲ့ အလုပ်သမားတချိုက မုန့်စားတာကိုလည်း စက်ရုံဘက်က သေချာစောင့် ကြည့်ပြီး ဝိမ်တိန်(သတိပေး) လက်မှတ်ထိုးခိုင်းတယ်လို အဲ့ အလုပ်သမားက ပြောပါတယ်။ မြန်မာနိုင်ငံမှာ ပြဌာန်းထားတဲ့ အလုပ်သမား ဥပဒေမှာတော့ အလုပ်ချိန်အပိုင်းအခြား ၅ နာရီထက်ပိုပြီး ဆက်တိုက် ခိုင်းစေ ခွင့်ပြုခွင့်မရှိဘူးလို ရေးသားထားပါတယ်။ 

စက်ရုံအတွင်း ထမင်းစားဆောင်မှာ ပစ္စည်းတွေချထားတာကြောင့် စားသောက်ဖို အဆင်မပြေတာ၊ သောက်သုံးရေ မသန့်ရှင်းတာ၊ ကိုယ်ပိုင်ရေဗူးယူခွင့်မပေးတာ၊ စက်ရုံတခါးတချပ်သာဖွင့်ပေးတဲ့အတွက် အလုပ်သမားတွေ အပူဒဏ်ခံစားရတာတွေ ကြောင့် သက်ဆိုင်ရာကို ပြီးခဲ့တဲ့ လက တိုင်ကြားခဲ့တယ်လို  အလုပ်သမားတွေက ပြောပါတယ်။

အလုပ်သမားရုံးတာဝန်ရှိသူတွေ လာရောက်စစ်ဆေးခဲ့မဲ့ တိုင်ကြားထားတဲ့ အချက်အလက်ကို စက်ရုံဘက် က ပြင်ဆင်တာမရှိဘူးလို အလုပ်သမားတွေက ပြောပါတယ်။ 

“အပြင်မှာမိုးရွာ၊ စက်ရုံထဲက ပူဆိုတော့ ဖျားကြတာပေါ့၊ တချိုမူးလဲတာတွေရှိတယ်။  ရုံးကလည်း ၄ ယောက်လာ စစ်တယ်။ အခုအထိဘာမှ မပြောင်းလဲဘူး။ ထမင်းစားဆောင် လာကြည့် ကျပ်နေဆဲ၊ အပူဒဏ်လည်း ခံနေရတုန်း ပဲ၊ သောက်ရေလည်း မသန့်မရှင်းနဲ့။ မန်နေဂျာ၊ အောစူပါနဲ့ စူပါတွေလည်း ဆဲဆိုနေဆဲပဲ” လို အလုပ်သမား တဦးက ပြောပါတယ်။

စက်ရုံဘက်က အထည်အရည်အတွက်(စံချိန်)ကို တနာရီ အထည် ၄၀ အထိ တောင်းခံပြီး မပြည့်တဲ့ စက်လိုင်းတွေ က အလုပ်သမားတွေကို စက်ရုံတာဝန်ရှိသူတွေက ဆဲဆိုနေတာလို အလုပ်သမားက တဦးက ပြောပါတယ်။  
“ရှေ့တန်းတွေက စူပါ လေးယောက်လည်း တအားဆဲတယ်၊ အောစူပါကလည်း လာဆဲတယ်၊ မန်နေဂျာအမျိုးသမီ ကလည်း ဝင်ဆဲသေးတယ်။ အဆဲခံရသူတွေ ဘယ်လို နေလဲမသိဘူး။ ကြားရတဲ့သူတောင် ဝမ်းနည်းလာတယ်” လို ပြောပါတယ်။

Tha Shu (Myanmar) Glory Fashion အထည်ချုပ်စက်ရုံကို တရုတ်နိုင်ငံသားတဦးပိုင်ဆိုင်တယ်လို သိရပါတယ်။ စက်ရုံအတွင်း စက်လိုင်း ၁၅ လိုင်းနဲ့ လုပ်သား ၁၂၀၀ ဝန်းကျင် လုပ်ကိုင်နေတယ်လို အလုပ်သမားတွေက ပြောကြား ထားပါတယ်။

 


Related posts

Cover
Jewelry stores including the 29 Yadanar utilizing illegitimate contracts upon the workers
Oct 04, 2024
Cover
Factories and General Labour Laws Inspection Department doesn’t resolve excessive overtime recruitment
Oct 04, 2024
Cover
Sunrise Myanmar Fashion အထည်ချုပ်စက်ရုံက လုပ်သက် (၃) လပြည့် နေ့စားလုပ်သားများကို ဥပဒေနဲ့အညီ လုပ်ဆောင်ပေးရန် လိုလားနေ
Oct 04, 2024
Cover
Golden Colour Fashion စက်ရုံအလုပ်သမားများ လုပ်အားခတိုးပေးမည်ဆိုကာ လိမ်လည်ခိုင်းစေခံရ
Oct 04, 2024
Cover
Myanmar Jiale Fashion စက်ရုံအလုပ်သမား‌များ အဖြတ်ခံရသည့်ငွေများ ပြန်ပေးရန်ဝန်ကြီးဌာနညွှန်ကြားပေမယ့် ရရှိမှုမရှိသေး
Oct 03, 2024
Cover
ဒေါ်လာဈေး ကျပ် ၅၀၀၀ အောက်အထိကျဆင်းလာပေမယ့် အခြေခံစားသောက်ကုန်ဈေးနှုန်းတွေပြန်လည်ကျဆင်းလာမှုမရှိသေး
Oct 03, 2024
Cover
သန်းခေါင်စာရင်း ကောက်ယူမှုနှင့်ပတ်သက်ပြီး ပြည်သူများ စိုးရိမ်မှုများရှိနေ
Oct 03, 2024
Cover
He MeT company Limitedတွင် စစ်တပ်က အမျိုးသားအလုပ်သမားစာရင်းလာရောက်ကောက်ယူ
Oct 02, 2024