စစ်အာဏာရှင်ဆန့်ကျင်ရေးလှုပ်ရှားမှု့အင်အားအစုအဖွဲ့ (၂၈) ဖွဲ့ပါဝင်ပေါင်းစပ်ထားတဲ့အမျိုးသားညီညွတ်ရေးအတိုင်ပင်ခံကောင်စီ NUCC မှရေးဆွဲထားတဲ့ဖက်ဒရယ်ဒီမိုကရေစီပဋိညာဥ်မူကြမ်းကိုပြည်သူ့ညီလာခံတရပ်ခေါ်ယူပြီးအတည်ပြုသွားမယ်လို့ဒီကနေ့NUCCကပြုလုပ်တဲ့သတင်းစာရှင်းလင်းပွဲမှာတာဝန်ရှိသူတွေကပြောပါတယ်။
အဲ့ဒီ့ကိစ္စနဲ့ပတ်သက်ပြီးစစ်အာဏာရှင်စနစ်တိုက်ဖျက်ရေးအထွေထွေသပိတ်ကော်မတီမှဦးမိုးသူက"ဒါကတော်လှန်ရေးကာလမှာသုံးမယ့်အခြေခံမူပေါ့၊ ဒီကနေမှတဆင့်ဖက်ဒရယ်ဒီမိုကရေစီအခြေခံဥပဒေတရပ်ပေါ်ပေါက်လာမှာပါ။ဒီမူကြမ်းမှာသက်ဆိုင်ရာလုပ်ဆောင်ရမယ့်ကိစ္စတွေကိုကော်မတီအလိုက်ဖွဲ့စည်းပြီးပေါင်းစပ်ညှိနှိုင်းလုပ်ဆောင်သွားမှာပါဒီမူကြည်းအတည်ပြုဖို့လဲပြည်သူ့ညီလာခံတရပ်ခေါ်ယူသွားမှာပါ"လို့ပြောပါတယ်။
ပဋိညာဥ်မူကြမ်းကိုအတည်ပြုဖို့ပြည်သူ့ညီလာခံကိုဒီဇင်ဘာလအတွင်းပြုလုပ်သွားနိုင်ဖွယ်ရှိနေပြီး NUCC မှာမပါဝင်သေးတဲ့အဖွဲ့အစည်းတွေကိုလဲပဋိညာဥ်မူကြမ်းပေးပို့ပြီးအကြံပြုချက်တွေတောင်းခံထားတယ်လို့သိရပါတယ်။
"ခုတော့ဒီလိုပဋိညာဥ်မူကြမ်းတရပ်ပေါ်ပေါက်လာပါပြီအနာဂတ်မှာဝန်ထမ်းအလုပ်ဝန်ထမ်းလုပ်ဖို့စစ်တပ်အလုပ်စစ်တပ်လုပ်ဖို့လက်နက်နဲ့ဗိုလ်ကျစိုးမိုးတာမျိုးမရှိဖို့အတွက်ဖက်ဒရာယ်အခြေခံဥပဒေတရပ်ပေါ်ပေါက်လာတော့မှာပါကမ္ဘာ့အလည်မှာဒီတခါတော့ပြန်ခေါင်းမော့နိုင်အုံးတော့မှာပေါ့လို့ယုံကြည်ပါတယ်"လို့ကိုမင်းကိုနိုင်ကအဆိုပါအစည်းအဝေးမှာပြောပါတယ်။
ထို့အပြင် NUCC သည်စစ်အာဏာရှင်အပါအဝင်အာဏာရှင်စနစ်မှန်သမျှတိုက်ဖျက်ရေးအတွက် NUG နဲ့CRPHအပါအဝင်ပေါင်းစပ်ညှိနှိုင်းရေးကော်မတီကော်မရှင်များနဲ့ပါဒီမိုကရေစီဖက်ဒရယ်ပဋိညာဥ်ကိုအခြေပြုသည့်မူဝါဒရေးရာထိန်းကြောင်းရေးကိစ္စရပ်များဦးဆောင်မှု့ပေးဖို့နဲ့ပေါင်းစပ်ညှိနှိုင်းပေးဖို့ပါစုပေါင်းဆောင်မှု့နဲ့ဆက်လက်လုပ်ဆောင်သွားမယ်လို့လဲ NUCC ကဒီကနေ့သတင်းစာရှင်းပွဲမှာထုတ်ပြန်ပါတယ်။
