ဧရာဝတီတိုင်းဒေသကြီး ၊ပုသိမ်မြို့ ၊အမှတ် ၁၃ရပ်ကွက်၊ မဥ္ဇူလမ်းရှိ HuaboTimes အထည်ချုပ်စက်ရုံတွင် အလုပ်သမားတွေ ဆန္ဒမပါဘဲ ခြိမ်းခြောက်ကာ OT - အချိန်ပို အတင်းအကြပ်ဆင်းခိုင်းနေတယ်လို့သိရပါတယ်။
" စက်ရုံမှာ OT တွေကို တနဂ်နွေနေ့ ခေါ်တဲ့အပတ်တိုင်း မဖြစ်မနေဆင်းပေးရမယ်၊ မဆင်းလို့မရဘူး၊ ငြင်းလို့မရဘူး၊ မဆင်းရင် All Super(လိုင်းကြီးကြပ်ရေး)တွေက ခေါ်တုတ်တယ်၊ ညဘက်ဆိုလဲ ၈နာရီ၁၅ထိ OTဆင်းရတယ် ခုလို နိုင်ငံရေးမကောင်းတဲ့ချိန် ညဘတ်ထိ OT တွေဆင်းနေရတဲ့အတွက် ညီမတို့အတွက် အန္တရာယ်များသလို မိဘတွေကလဲစိတ်မချဘူး၊ စစ်တပ်စစ်ဆေးရေးဂိတ်တွေကိုလဲ ညဘက်ဖြတ်ပြန်ရတာ အဆင်မပြေဘူး မဆင်းလို့ကလည်းမရလို့ ညီမတို့မှာ အခတ်တွေ့နေရတယ်"လို့ အဆိုပါစက်ရုံမှ ဝန်ထမ်းတစ်ဦးကပြောပါတယ်။
အဆိုပါစက်ရုံဟာ Only, ZARA စတဲ့ အမှတ်တံဆိပ်တွေကို အဓိကချုပ်နေပြီး လူဦးရေ ၁၀၀၀ ဝန်းကျင်နဲ့လည်ပတ်နေတယ်လို့သိရပါတယ်။
တနဂ်နွေ OT ဆင်းရတဲ့ ရက်တွေမှာ မနက် ၇ နာရီခွဲကနေ ညနေ ၄နာရီထိဆင်းရတာဖြစ်ပြီး ၉၆၀၀ ကျပ်ကို လက်ငင်းရှင်းပေးတာဖြစ်ပြီး တစ်လလျင် တနဂ်နွေ ၄ ရက်မှာ ၃ရက်လောက်ဆင်းရတာရှိတယ်လို့ သိရပါတယ်။
"ဒီအတွက် ကျန်းမာရေးထိခိုက်တယ် အရမ်းပင်ပန်းတယ် သာရေးနာရေး မိသားစုအရေး ဘာမှ မလုပ်ရဘူးဖြစ်တယ် ကျန်းမားရေးထိခိုက်ပြီး အလုပ်ထဲနေမကောင်းဖြစ်ရင် ခွင့်မပြောနဲ့ ဂိတ်ပတ်တောင်မပေးဘူး"လို့ အလုပ်သမားတစ်ဦးကပြောဆိုပါတယ်။
အလုပ်သမားတွေကို ယခုလိုဖိအားပေးကာ မဖြစ်မနေ အချိန်ပိုဆင်းခိုင်းနေတာဟာ သင်္ကြန်ကာလမတိုင်မီကနေ လက်ရှိအချိန်ထိခေါ်ယူနေတာဖြစ်တယ်လို့ဆိုပါတယ်။
#MyanmarLabourNews
NEWS
တနင်္ဂနွေနေ့များတွင် အလုပ်သမားများ ဆန္ဒမပါဘဲ အချိန်ပို အတင်းကြပ်ဆင်းခိုင်းနေ
892 Views
Related posts
ETERNAL FASHION အထည်ချုပ် အလုပ်သမားအခွင့်အရေးများချိုးဖောက်ပြီး တာဝန်ယူမှုမရှိဘဲ လုပ်ကိုင်နေ
Oct 29, 2024
Prettxe Myanmar စက်ရုံ တနင်္ဂနွေပိတ်ရက် အချိန်ပိုခေါ်၊ တနင်္လာနေ့တွင် လုပ်သားတချို့အား ညနက် အချိန်ပို လုပ်ကိုင်ခိုင်း
Oct 29, 2024
AQUA SHOE စက်ရုံ သတ်မှတ်အချိန်ပိုထက် ပိုမို ခိုင်းစေ
Oct 29, 2024
Myanmar QI Yuan Garment တွင် အမျိုးသားလုပ်သားများ ခွဲခြားဆက်ဆံခံရ
Oct 29, 2024
လုပ်ငန်းခွင်ထိခိုက်မှုကြောင့် ဦးခေါင်းတွင် ဒဏ်ရာရရှိခဲ့တဲ့ အလုပ်သမားကို GTIG Guohua Glory စက်ရုံက ဆေးကုသပေးမှု မရှိဘဲ နစ်နာကြေး သိန်း ၅၀ ကျပ်သာပေးမည်ဟုပြော
Oct 28, 2024
J-Land Myanmar စက်ရုံ မန်နေဂျာ အချိန်ပိုမဆင်းသည့် အလုပ်သမားများအား ဆဲဆို
Oct 28, 2024
သက်တမ်းရှိ PV နိုင်ငံကူးလက်မှတ်တွေ PJ ပြောင်းလိုလျှင် လက်ခံဆောင်ရွက်မယ်လို့ဆို
Oct 28, 2024
အလုပ်သမားဥပဒေပါရပိုင်ခွင့်များသိရှိရေး ဦးစီးဌာနမှ ကွင်းဆင်းအသိပညာပေးဆွေးနွေးနေဟု ဆိုသော်လည်း အမှန်တကယ် ချိုးဖောက်ခံရမှုများကို ဖြေရှင်းမပေး
Oct 28, 2024