• ယ​နေ့ နိုဝင်ဘာ ၁၄ ရက် မှာ မြန်မာနိုင်ငံ​ဒေသအချို့မှာ ဖြစ်ပွားခဲ့တဲ့ တိုက်ပွဲနဲ့ပြည်သူ့အသက် အိုးအိမ်နဲ့ ပစ္စည်းများဖျက်ဆီးခံရမှု့စစ်ရာဇဝတ်မှု့ကျူးလွန်နေမှု့များ။ 
   

ဒီကနေ့မှာ​တော့ စစ်ကိုင်းခင်ဦးကအောင်သာကျေးရွာထဲက နေအိမ်သုံးလုံးနဲ့စျေးဆိုင်တဆိုင်ကိုဝင်ပြီးစျေးဆိုင်ကအလှူခံ ပုံးဖောက်ပြီး ပိုက်ဆံတွေသမသွားတဲ့စစ်ကောင်စီတပ်သားတွေအကြောင်းနဲ့စမှာပါ။

ချင်းပြည်နယ်တီးတိန်မြို့အာလွယ်ကျေးရွာကကလေးသုံးဦးမိခင်တဦးဖြစ်သူကိုစစ်ကောင်စီတပ်သား ၃ ဦးကခင်ပွန်းဖြစ်သူနဲ့ကလေးတွေရှေ့မှာပဲ အကြိမ်ကြိမ်အဓမ္မကျင့်ခဲ့တယ် လို့ဒေသသတင်းအရင်းအမြစ်တခုဖြစ်တဲ့ Zalen ကဖော်ပြပါတယ်။ 

အဲ့ဒီ့အခင်းဖြစ်တဲ့ရွာလေးက ကလေးကနေတီးတိန်သွားတဲ့ဖက်အခြမ်းမှာရှိပြီးတော့စစ်ကောင်စီတပ်တွေအောက်တိုဘာ ၃၀ ရက်ကနေနိုဝင်ဘာ ၁၃ ရက်နေ့အထိစခန်းချသွားခဲ့တယ်လို့သိရပါတယ်။

စစ်ကိုင်း၊ ရေဦး၊ ဘုတလင်ဖက်မှာPDFကမိုင်းဆွဲလို့အသေများသွားတဲ့စစ်ကောင်စီတပ်တွေဟာလက်နက်မဲ့ပြည်သူတွေရှိတဲ့ရွာတွေကိုပတ်ရမ်းပါတယ်။ 
 

တိုက်ပွဲဖြစ်ကတည်းက ညောင်လည်ရွာကိုမီးတင်ရှို့ပြီးခပ်လှမ်းလှမ်းကနေ လက်နက်ကြီးတွေနဲ့ပါထုနေတယ်လို့ဒေသခံတွေကဆိုပါတယ်။

ကချင်ပြည်နယ်ဖားကန့်ခရိုင်ထဲက စကစတပ်စခန်း ၃ ခုကိုမနေ့ကညက KIA ကဝင်သိမ်းတာကိုမကျေနပ်တဲ့သဘောနဲ့ စကစ တပ်ရဲ့ခမရ(၃၃)ကဒီကနေ့မှာပဲအသိမ်းခံရတဲ့ကျောက်စီမ်းတွင်းဒေသကစခန်းတွေရှိရာကိုလက်နက်ကြီးနဲ့မှန်းထုပါတယ်။ဒါကိုအားမရသေးပဲရဟတ်ယာဥ်နှစ်စီးနဲ့ပါဗုံးလာကြဲသွားတယ်လို့ဒေသခံတွေကဆိုပါတယ်။ 

• စစ်တပ်သတင်းပေးရှင်းလင်းခံရမှု့

မိုးကုတ်ကစစ်ကောင်စီသတင်းပေးအမာခံမိသားစု ၄ ဦးစလုံးဒီကနေ့နေ့လည်မှာပဲထမင်းစားနေတုန်းဓားနဲ့တက်ခုတ်ခံရပါတယ်။လေးဦးစလုံးပွဲချင်းပြီးသေပါတယ်။ဒေသအခြေစိုက်ပတ္တမြား​​မြေ ပြည်သူ့ကာကွယ်ရေးအဖွဲ့ကလုပ်တာလို့ဆိုပါတယ်။

တဆက်ထဲမှာပဲမိုးကုတ်အနောက်ပိုင်းအောင်နီလာ ၁ ရပ်ကွက်ထဲကစစ်တပ်သတင်းပေးလို့သတ်မှတ်ထားတဲ့နေလင်းအောင်အိမ်ဗုံးခွဲခံရပါတယ်။လူကတော့မသေပါဘူး။အိမ်ပဲအပျက်အစီးရှိခဲ့တာပါ။

မန္တလေးဝမ်းတွင်းနယ်ထဲကစကစတင်းပေးကြံ့ခိုင်ရေးပါတီဝင်တဦးဖြစ်တဲ့ချက်ဖောင်းဆိုသူလဲလဖ္ဘက်ရည်သောက်နေတုန်းဖောင်းဒိုင်းအကြွေးခံရပါတယ်။သူကတော့ပွဲချင်းပြီးတယ်လို့သိရပါတယ်။ 

• အမြို့မြို့အနယ်နယ်ဗုံးပေါက်ကွဲမှု့သတင်း

နေ့စဥ်နဲ့အမျှဆိုသလိုရန်ကုန်မှာဖောင်းဒိုင်းမရှိရင်၊ ဝုန်းဒိုင်းရှိပါတယ်။

မနေ့ကညပိုင်းမှာ မြောက်ဒဂုံရဲစခန်းတွင် ဗုံး ၃ ကြိမ်ပေါက်ပြီး စစ်သား ၂ဦးသေဆုံးသွားတဲ့နောက်ဒီကနေ့မနက်ပိုင်းမှာစစ်ကောင်စီတပ်တွေမြောက်ဒဂုံဖက်မှာ ရမ်းသမ်းဖမ်းဆီးနေတာတွေရှိနေပါတယ်။

အဆိုပါတိုက်ခိုက်မှုကို SHED နှင့် R.G.A ပူးပေါင်းတပ်ဖွဲ့ တိုက်ခိုက်ခဲ့ကြောင်း အဆိုပါအဖွဲ့များက ယနေ့ သတင်းထုတ်ပြန်ထားပါတယ်။ 

ဒီကနေ့ညနေပိုင်းမှာတော့ရန်ကုန်မြို့ကမ္ဘာအေးဘုရားလမ်းပေါ် Myanmar Plaza အရှေ့ဖက်ကန်ဘောင်ဖက်အခြမ်းမှာ၂ကြိမ်တိတိပေါက်ကွဲမှု့ဖြစ်ပါတယ်။ပေါက်ကွဲမှု့ဖြစ်ပြီးထုံးစံအတိုင်းစစ်ကောင်စီတပ်တွေလမ်းပိတ်ပြီးစစ်ပါတယ်။ 

ဗဟန်းမြို့နယ်ထဲမှာတော့ ရှေ့ဆင့်နောက်ဆင့်ဆိုသလိုပေါက်ကွဲသံသုံးချက်လောက်ကြားလိုက်ရတယ်လို့ဒီကနေ့ညနေပိုင်းမှာပဲဒေသခံတွေကပြောပါတယ်။

ဒါကတော့ဒီကနေ့နိုဝင်ဘာ ၁၄ ရက်နေ့တနေ့တာသတင်းအကျဥ်းချုပ်စုစည်းမှုပါ။