NEWS

အမျိုးသမီးငယ်အား ငွေကြေးမက်လုံးပေးပြီး တရုတ်မယားအဖြစ် ရောင်းစားရန် လုပ်ဆောင်သူများကို ထောင်ဒဏ်နှစ်၂၀စီ ချမှတ်

CoverLogo
247 Views
 
အသက်မပြည်တဲ့ အမျိုးသမီးငယ်ကို ငွေကြေးမက်လုံးပေးပြီး တရုတ်ဇနီးမယား အဖြစ် ရောင်းစားဖို့စီစဉ် ဆောင်ရွက်ခဲ့သူတွေကို အလုပ်နဲ့ထောင်ဒဏ် နှစ် ၂၀စီ ပြစ်ဒဏ်ချမှတ်ခဲ့တယ်လို့ မြန်မာနိုင်ငံရဲတပ်ဖွဲ့ဆီ သိရပါတယ်။
 
ရှမ်းပြည်နယ် ၊နောင်ချိုမြို့နယ်က အသက်၁၅နှစ် ဝန်းကျင်အရွယ် အမျိုးသမီးငယ်ကို တရားခံတွေက ငွေကြေးမက်လုံးပေး စည်းရုံး ပြီး တရုတ်နိုင်ငံက လူပွဲစားထံပို့ဆောင်ခဲ့တယ်လို့ သိရပါတယ်။ ဒီနောက် တရုတ်နိုင်ငံသားနဲ့ ပေးစားဖို့
အတွက် ရောင်းစားဖို့စီစဉ် လုပ်ဆောင်ခဲ့ကြတယ်လို့ သိရပါတယ်။
 
အမျိုးသမီးငယ်ကို ရောင်းစားဖို့ စီစဉ်လုပ်ဆောင်ခဲ့ကြတဲ့ မူဆယ်မြို့က မခမ်းအိန် ၊ စိုင်းမြင့်ဦး(ခ) အိုက်မြင့်ဦး၊ မမိုခေး (ခ) အိုက်လောဝ် နဲ့ ကြည်ဝင်း(ခ)ခေးလျန်း(ခ)ကိုစိုင်း တို့ကို မူဆယ်မြို့မရဲစခန်းက (ပ)၆၂/၂၀၂၅၊ လူကုန်ကူးမှုတားဆီးနှိမ်နင်းရေး ဥပဒေပုဒ်မ-၃၇/၃၈(က)/၄၄ နဲ့အမှုဖွင့် တရားစွဲတင်ခဲ့တယ်လို့ သိရပါတယ်။
 
ဇွန်လ ၅ ရက် မှာ မူဆယ် ခရိုင်တရားရုံးက တရားခံ မခမ်းအိန်၊ စိုင်းမြင့်ဦး(ခ)အိုက်မြင့်ဦးနှင့် မမိုခေး(ခ) အိုက်လောဝ်တို့ သုံးဦးအား လူကုန်ကူးမှု တားဆီးနှိမ်နင်းရေး ဥပဒေပုဒ်မ၃၈(က)အရ အလုပ်နှင့်ထောင်ဒဏ်နှစ် ၂၀ အပြစ်ဒဏ် ချမှတ်ပြီး တရားခံကြည်ဝင်း (ခ)ခေးလျန်း(ခ) ကိုစိုင်းကို လူကုန်ကူးမှု တားဆီးနှိမ်နင်းရေး ဥပဒေပုဒ်မ ၃၇ နဲ့ ထောင်ဒဏ် ငါးနှစ်ကျဖို့ အမိန့်ချမှတ်ခဲ့ပြီး တိမ်းရှောင်တရားခံ မမိုးကို ရာဇဝတ် ကျင့်ထုံး ဥပဒေပုဒ်မ ၈၇/၈၈ နဲ့ အမိန့်ချမှတ်ခဲ့တယ်လို့ သိရပါတယ်။
 
ပြည်တွင်းက ငွေကြေး အခက်ခဲရှိနေ တဲ့ အမျိုးသမီးငယ်တွေ ကို ပွဲစားတွေ က ပြစ်မှတ်ထား ချဉ်းကပ်ပြီး ငွေကြေးမက်လုံးပေးကာ တရုတ်မယား အဖြစ် ရောင်းစားဖို့ လုပ်ဆောင်တာတွေ မကြာခဏ ဖြစ်ပွား နေတယ်လို့လူကုန်ကူးမှုတားဆီးနှိမ်နှင်းရေးရဲတပ်ဖွဲ့ထံမှ သိရပါတယ်။

Related posts

Cover
စစ်မှုထမ်းဟောင်းများ ပုဂ္ဂလိက လုံခြုံရေးဝန်ထမ်း အဖြစ်လုပ်ကိုင်လိုပါက ခွင့်ပြုချက်တောင်းခံရမည်
Jul 29, 2025
Cover
တက္ကသိုလ်ဝင်တန်းစာမေးပွဲကို အကျဉ်းထောင်မှ အောင်မြင်သူ ၁၇ ဦး တွင် ဂုဏ်ထူးပါသူ ၁၄ ဦးရှိ
Jul 28, 2025
Cover
လေဆင်နှာမောင်း တိုက်ခတ်မှုကြောင့် ရန်ကုန်မြစ်အတွင်း သမ္ဗာန်တစ်စီးတိမ်းမှောက်၊ ၃ ဦးပျောက်ဆုံးနေ
Jul 24, 2025
Cover
တက္ကသိုလ်ဝင်စာမေးပွဲ အောင်စာရင်း ဇူလိုင် ၂၇ ရက်နေ့ ထုတ်ပြန်မည်
Jul 24, 2025
Cover
၂၄ နာရီ အတွင်း မြဝတီမြို့တွင် သောင်းရင်းမြစ်ရေ စိုးရိမ်ရေမှတ်အထက် ၁၂ ပေကျော်မြင့်တက်မည်ဟု မိုးဇလ သတိပေး
Jul 24, 2025
Cover
အလုပ်အကိုင်အခွင့်လမ်း ၁၀၀၀၀ ခန့်ရရှိမယ့် ရင်းနှီးမြုပ်နှံမှုလုပ်ငန်းအသစ် ၃၅ ခု ကို စစ်ကောင်စီခွင့်ပြု
Jul 22, 2025
Cover
နှစ်ဝက်အတွင်းလူကုန်ကူးမှု ၈၀ အရေးယူခဲ့ဟု စစ်ကောင်စီထုတ်ပြန်
Jun 30, 2025
Cover
ချင်းတွင်း၊ စစ်တောင်းနှင့်ပဲခူးမြစ် တို့ မှာ ၂၄ နာရီ အတွင်း စိုးရိမ်ရေမှတ်ရောက်ရှိနိုင်
Jun 30, 2025