ရှမ်းမြောက် လားရှိုးမြို့နယ်မှာ တစ်ရက်ထက်တစ်ရက် ပိုမိုပြင်းထန်လာတဲ့ လားရှိုးမြို့က တိုက်ပွဲတွေကြောင့် နေရပ်စွန့်ခွာသူ များလာကာ ဇူလိုင် လ ၈ ရက် မနက် ပိုင်းမှာ မြို့အထွက် လမ်း မှာ တင် စစ်ရှောင်ကား များထောင်ချီပိတ်မိနေတယ်လို့ ဒေသခံတွေ ထံ က သိရပါတယ်။
ယနေ့ နံနက်ပိုင်းမှာတင် လားရှိုးမြို့နယ် နောင်မွန် ကျေးရွာအနီး တိုက်ပွဲ တွေ ဖြစ်တဲ့ အတွက် လားရှိုးအထွက်မှာ ထောင်ချီတဲ့ စစ်ဘေးရှောင် ကားတွေလည်း မယ်ဟန်ထိ ထောင်ချီပိတ်မိနေတယ်လို့ သိရပါတယ်။
"လက်ရှိ လားရှိုး က စစ်ရှောင်တဲ့ယာဉ်တွေမယ်ဟန်စစ်ဆေးရေးဂိတ်ကနေ သွားလာလ်ို့တော့ရသေးတယ် စစ်ရှောင်တဲ့ ကားတွေအရမ်းများတော့ အတက်အဆင်းကားတွေ နဲ့ ပိတ်မိနေတယ် တလိမ့်ခြင်းလိမ့်နေရတာ မလွယ်ဘူး လားရှိုးမုဒ်ဦးအထွက်ကနေ ပိတ်မိနေတာ မြို့ပြင်ရောက်ဖို့ ကို မလွယ်တာ ဒီလို မှ မထွက်ရင်လည်း မြို့ထဲနေဖို့က မလုံခြုံတော့ဘူးလက်နက်ကြီး က ခဏခဏ ကျနေတာ သေတဲ့ သူတွေလည်း များနေပြီ "လို့ဒေသခံတစ်ဦးကပြောပါတယ်။
ဇူလိုင်လ ၇ရက်နေ့ကလည်း လားရှိုး မြို့ရပ်ကွက် ၅နဲ့ရပ်ကွက်သစ်နယ်မြေ ၁၉ တွင် လက်နက်ကြီးကျတဲ့အတွက် ထိခိုက်သေဆုံးတာတွေ ရှိခဲ့တယ်လို့ သိရပါတယ်။
ပြီးခဲ့တဲ့ ဇူလိုင် ၃ရက်နေ့ကစပြီး လားရှိုးမြို့အနီး တိုက်ပွဲတွေ ဖြစ်ပေါ်ခဲ့တဲ့ အတွက် နေအိမ်များ ပျက်စီးဆုံးရှုံးမှုများရှိသလိူ ဇူလိုင်လ ၇ ရက် မနက်ပိုင်းထိ ကလေး ၃ ဦးအပါအဝင် ၁၈ ဦးသေဆုံးခဲ့ပြီး ၂၄ ဦး ဒဏ်ရာရရှိခဲ့တယ်လို့တွေထံ သိရပါတယ်။
