ဇူလိုင်လ တတိယ ၁၀ ရက်အတွက် မိုးလေဝသခန့်မှန်းချက်နဲ့မြစ်ရေအခြေနေခန့်မှန်းချက်တွေမှာ
တိုင်းဒေသကြီး နဲ့ ပြည်နယ်တွေမှာ မိုးထစ်ချုန်းရွာသွန်းပြီး နိုင်ငံအတွင်းရှိမြို့ ကြီး အများစု မှာ မြစ်ရေတွေ
ယခုရောက်နေတဲ့ ရေအမှတ်ထက် ဆက်လက်မြင့်တတ်လာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာ ရဲ့ ဇူလိုင်၂၁ ရက်က ထုတ်ပြန်ချက်အရသိရပါတယ်။
မိုးရွာသွန်းမှုအခြေအနေမှာ နေပြည်တော်၊ မကွေးတိုင်းဒေသကြီး၊ ပဲခူးတိုင်းဒေသကြီး (အနောက်ပိုင်း)၊ ဧရာဝတီတိုင်းဒေသကြီး၊ ချင်းပြည်နယ်နှင့် ရခိုင်ပြည်နယ်တို့တွင် ရွာသွန်းမြဲထက် ပိုနိုင်ပြီး၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး(အရှေ့ပိုင်း)၊ ရန်ကုန် တိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ကယားပြည်နယ်၊ ကရင် ပြည်နယ်နှင့် မွန်ပြည်နယ်တို့မှာ ရွာသွန်းမြဲခန့် မိုးထစ်ချုန်းရွာနိုင်တယ်လို့ဆိုပါတယ်။
ဒါ့အပြင် နေပြည်တော်၊ စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ရန်ကုန်တိုင်း ဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့ မှာ ၇ ရက်မှ ၁၀ ရက်ခန့် စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီးနဲ့ ကယား ပြည်နယ်တို့တွင် ၄ ရက်မှ ၆ ရက်ခန့်အထိ မိုးထစ်ချုန်းရွာနိုင်တယ်လို့ ထုတ်ပြန်ကြေညာထားပါတယ်။
မြစ်ရေအခြေနေ ခန့်မှန်း ချက်မှာတော့ ဧရာဝတီ မြစ်ရေဟာ မြစ်ကြီးနားမြို့၊ ဗန်းမော်မြို့ ၊ရွှေကူမြို့နဲ့ ကသာမြို့တို့မှာ ၁ ပေမှ ၅ပေအထိ လက်ရှိ ရေမှတ်ထက် မြင့်တတ်လာနိုင်တယ်လို့ဆိုပါတယ်။
ဒုဌဝတီ မြစ်ရေဟာ သီပေါမြို့နဲ့ရွှေစာရံမြို့တို့မှာ ၁ပေမှ ၂ပေခွဲခန့်၊ စစ်တောင်းမြစ်ရေဟာ တောင်ငူမြို့နဲ့မဒေါက်မြို့တို့မှာ ၃ပေမှ ၄ပေခန့် ၊ ရွှေကျင်မြစ်ရေဟာ ရွှေကျင်မြို့မှာ ၃ပေ ခန့် မြင့်တတ်လာမယ်လို့ သိရပါတယ်။
ဒါ့အပြင် ပဲခူးမြစ်ရေဟာ ပဲခူးမြို့နဲ့ ဇောင်းတူမြို့တို့မှာ ၂ပေမှ ၃ပေခန့်၊ သံလွင်မြစ်ရေဟာ ဘားအံမြို့မှာ ၂ပေခန့်၊သောင်းရင်းမြစ်ရေဟာ မြဝတီမြို့ မှာ ၃ပေခန့်၊ ငဝန်မြစ်ရေဟာ ပုသိမ်မြို့ မှာပေဝက်ခန့်နဲ့ ဘီးလင်းမြစ်ရေဟာ ဘီးလင်းမြို့မှာ ၄ပေခန့် အထိ လက်ရှိ ရေမှတ်ထက်ဆက်လက်မြင့်တတ်လာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနက ထုတ်ပြန်ထားပါတယ်။
