ပဲခူးမြစ်ရေ မြင့်တက်လာတဲ့ အတွက် ပဲခူးမြို့နယ်အတွင်း ရေကြီးနစ်မြုပ်မှုကြောင့် ယာယီရေဘေးရှောင်စခန်း(၂၇)ခု ဖွင့်လှစ်ထားရှိ ပြီး လူပေါင်း နှစ်သောင်းနီးပါး ရွှေ့ပြောင်းနေထိုင်နေရတယ်လို့ လူမှုကူညီရေးအသင်းတွေ ထံ က သိရပါတယ်။
ဇူလိုင် ၂၇ ရက်ကစပြီး ပဲခူးမြစ်ရေဟာ စိုးရိမ်ရေမှတ် ထက် ၂ ပေခန့်ကျော်လွန် ရောက်ရှိရာကနေ ဇူလိုင်၂၉ရက် မှာတော့ စိုးရိမ် ရေမှတ် ထက် ၄ ပေ ကျော် လွန် ရောက်ရှိနေကာ မြို့နယ် အတွင်းနေရာအတော်တော်များများမှာ ရေကြီးနစ်မြုပ်မှု တွေ ဖြစ်နေတယ်လို့ သိရပါတယ်။
"ပဲခူးမြို့ထဲ က ရေအတော်လေးများနေပြီ ရေစီးက အရမ်းသန်တယ် အချို့နေရာတွေမှာရေစီးထဲပါမှာစိုးလို့ ကြိုးတားပြီး လမ်းလျှောက်နေရတယ် ကယ်ဆယ်ရေး အဖွဲ့ တွေ လည်း နေရာအနှံ့ ရှိတယ် အခုနေ့လယ်ခင်းမှာ ရေက ပိုတက်လာတယ် အခုလဲ ပဲခူးဈေးကြီးထဲက ဈေးရုံတွေထဲရေတွေမဝင်ဖို့ကို သဲအိတ်တွေနဲ့တားဆီးတာတွေ လုပ်နေရတယ်"လို့ ဒေသခံလူမှုကူညီရေးအသင်းမှအသင်းသူတစ်ဦးကပြောပါတယ်။
ဒါ့အပြင် ပဲခူးမြို့မဈေးကြီး၊ ဇိုင်းဂနိုင်း(မြောက်)၊ ဇိုင်းဂနိုင်း(တောင်)၊ ကျွန်းသာယာ၊ ကျောက်ကြီးစု၊ ပုဏ္ဏားစု စတဲ့ ရပ်ကွက်စတဲ့ နေရာ တွေ မှာ ရေကြီးရေလျှံမှုတွေ ဖြစ်နေတာ လို့ဆိုပါတယ်။
"မြို့ထဲက အမြင့်ဘက်က ရှိတဲ့ ဘုန်းကြီးကျောင်းတွေ မှာ ကယ်ဆယ်ရေးစခန်းတွေ ဖွင့်ထားရတယ် ညက မိုးကလည်း အရမ်းရွာ တော့ တချို့နေရာတွေ ဆိုရေက တက်လာတာမြန်တော့ ညတွင်း ချင်း ရွှေ့ရတာအရင်တခါ ရေကြီးတာ ဖြစ်ဘူးတော့လူမှုကူညီရေးအသင်းတွေ ဒေသ ခံ တွေ ကြိုတင် ပြင်ဆင်တာတွေ လုပ်ထားပေမယ့် လိုအပ်ချက်ကတော့ ရှိတာနေတုန်းဘဲ အခုကယ်ဆယ်ရေးစခန်းတွေ မှာ ထမင်းထုပ်တွေ သောက်သုံးရေတွေ လိုအပ်တယ် ရေကထပ်တက်မှာဆိုတော့ ရွှေ့ပြောင်းနေထိုင်ရသူ ထပ်တိုးလာဖို့လည်းရှိနိုင်တယ်""လို့ မြိုခံလူမှုကူညီရေးအသင်းက အသင်းဝင်တစ်ဦးကပြောပါတယ်။
ပဲခူးမြို့အတွင်းရေကြီးနစ်မြုပ်နေတဲ့ အတွက် ပဲခူးမြို့ရှိ အခြေခံကျောင်းတွေ ယာယီ ပိတ်ထားရကာ ဇူလိုင်လ လပတ်ကျောင်းစစ်စာမေးပွဲကိုလည်း နောက်ဆုတ်ထားရတယ်လို့သိရပါတယ်။
ပဲခူးမြစ်ရေဟာ နောက်တစ်ရက်အတွင်း ပေဝက်ခန့် ဆက်လက် မြင့်တက်လာနိုင်ပြီး စိုးရိမ်ရေမှတ်အထက်မှာ ဆက်ရှိမယ်လို့ စစ်ကောင်စီရဲ့ မိုလေဝသနဲ့ ဇလဗေဒ ညွှန်ကြားမှုဦးစီးဌာနက ဇူလိုင်လ ၂၉ ရက်နေ့မနက်မှာ ထုတ်ပြန်ထားပါတယ်။
