ရန်ကုန်-မန္တလေး အမြန်လမ်း တိုးဂိတ်တွင် နိုဝင်ဘာ၃ရက် မနက်အစောပိုင်းမှာ ကားငါးစီးဆင့်တိုက်ခဲ့လို့ အမျိုးသမီးတစ်ဦးသေဆုံးခဲ့တယ်လို့ မြန်မာနိုင်ငံမီးသတ်တပ်ဖွဲ့က ထုတ်ပြန်ထားပါတယ်။
ရန်ကုန်-မန္တလေး အမြန်လမ်းကို မနက် ၄နာရီမှ စတင် အသုံးပြုခွင့်ပေးတာဖြစ်ပါတယ်။
တိုးဂိတ်ကို ဖြတ်သန်းမောင်းနှင်ခွင့်ရဖို့ ကားတန်းအရှည်ကြီး ဟာ မနက် ၄နာရီမတိုင်ခင် တန်းစီစောင့်တိုင်းနေချိန်မှာ ကားတစ်စီးက အရှိန်မထိန်းနိုင်ဘဲ အနောက်ကနေ ဝင်တိုက်မိခဲ့တာဖြစ်တယ်လို့ သိရပါတယ်။
"မနက်၄နာရီမှဖွင့်မဲ့ ရန်ကုန်အဝင် ဇီးရိုးမိုင်ဂိတ်မှာ စောင့်ပီးတန်းစီနေတဲ့ ကားတန်းကြီးကို အနောက်ကနေဝင်ကြုံးသွားတာ။ ကျနော့်ရှေ့တင်ဖြစ်သွားတာ။ အနောက်ကနေအရှိန်နဲ့ကြုံးတဲ့ ရွှေပွင့်ဖြူကား။ အရှိန်တော်တော်များတော့ ရှေ့ကတန်းစီထားတဲ့ လေးစီးဆင့်တိုက်ခံရပြီ ပေါင်း၅စီးဆင့် Accident ဖြစ်သွားတာ"လို့ ကားတိုက်မှုက မျက်မြင်တွေ့ရှိသူတစ်ဦးက ပြောပါတယ်။
အရှိန်နဲ့ ကားငါးစီး ဆင့်တိုက်လို့ အမျိုးသမီးတစ်ဦး သေဆုံးခဲ့ပါတယ်။ အမျိုးသားနှစ်ဦးကတော့ မစိုးရိမ်ရတဲ့ ထိခိုက်ဒဏ်ရာတွေရရှိခဲ့ပါတယ်။
Photo-MFSD
