ရန်ကုန်တိုင်းရှိ မြို့နယ်များ တွင် လျှပ်စစ်မီး ကို  လေးနာရီလာ၊ ရှစ်နာရီပျက်စနစ်ဖြင့် ဓါတ်အားဖြန့်ဖြူးမှု ပြန်လည် လုပ်ဆောင်မယ်လို့ မြို့နယ်လျှပ်စစ်ရုံးများရဲ့ကြေညာချက်အရသိရပါတယ်။ 

ယခင်လပိုင်းက လျှပ်စစ်မီး ကို လေးနာရီ လာ လေးနာရီပြတ်စနစ်ဖြင့်ဖြန့်ဖြူးပေးရာကနေ မတ်လ ၂၄ ရက် က စကာ ရန်ကုန်တိုင်းဒေသကြီး အရှေ့ပိုင်းခရိုင်မြို့နယ်တွေကို ယခု စနစ်အတိုင်း စတင်ဖြန့်ဖြူးနေပြီ ဖြစ်တယ်လို့ ဆိုပါတယ်။ 

""အရင်ကလို ABC သုံးအုပ်စု ပြန်ဖြစ်သွားပြီ ဒီနေ့မှ စတယ်ကြေညာပေမယ့် တက္ကသိုလ်ဝင် စာမေးပွဲ တွေ ပြီးကတည်းက မီးက ပြတ်ချိန် ပိုများလာတာ ကျွန်မတို့ဘက်ဆိုမီးလာတဲ့အချိန်  မီးအားပါမပြည့်တော့ ရေတင်ဖို့ ကို အခက်ခဲတွေဖြစ်တယ်  ""လို့ အရှေ့ဒဂုံနေသူတစ်ဦးကပြောပါတယ်။ 

ရန်ကုန်အရှေ့ပိုင်းပိုင်ခရိုင် တွင် တာမွေ၊ တောင်ဥက္ကလာ၊ ဒဂုံဆိပ်ကမ်း၊ အရှေ့ဒဂုံ၊ တောင်ဒဂုံ၊ မြောက်ဒဂုံ၊ ဒေါပုံ၊ ပုဇွန်တောင်၊ ဗိုလ်တထောင်၊ မင်္ဂလာတောင်ညွန့်၊ မြောက်ဥက္ကလာ၊ ရန်ကင်း၊ သာကေတ၊ သင်ဃန်းကျွန်းမြို့နယ်တို့ ပါဝင်ပါတယ်။ 

လက်ရှိ  တွင်  ယခင်က လေးနာရီပျက်၊ လေးနာရီလာစနစ်ဖြင့် မီးပေးနေတဲ့  မြို့နယ်များ တွင် လည်းလျှပ်စစ်  ဓာတ်အားများ ပြတ်တောက်နေတယ်လို့သိရပါတယ်။