ရန်ကုန်တိုင်းတွင် ဓာတ်ဆီတစ်လီတာ ကျပ် ၂၁၅ဝနှင့် ငြိမ်သက်နေခဲ့ပြီး ယနေ့စက်တင်ဘာ၂၇ရက်မှာတော့ ကျပ်၂၀၇၀ သို့ ဆက်လက်ကျဆင်းလာတယ်လို့ စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီး ကြပ်မှုကော်မတီရဲ့ ရည်ညွှန်းစျေးနှုန်းအရ သိရပါတယ်။
''စက်သုံးဆီက ၂၀၇၀ ဆိုတော့အတော်လေးကျလာတယ်။ နဲနဲအသက်အရှူချောင်သေးတာပေါ့။ အရင်ကကယ်ရီဆွဲရင် ဆီဖိုးငါးထောင်ထည့်ပီး မကျန်တော့ဘူး။ ခုနဲနဲအသက်ရှုချောင်သေးတာပေါ့'' လို့ဆိုင်ကယ်ရီမောင်းနှင်သူတစ်ဦးက ဆိုပါတယ်။
စက်တင်ဘာ ၂၆ ရက်နေ့က စက်သုံးဆီ စျေးနှုန်းများအရ ရန်ကုန်တွင် ၉၂ တစ်လီတာ ကျပ်၂၁၅၀၊ ၉၅ တစ်လီတာ ကျပ်၂၂၂၅၊ ရိုး ရိုးဒီဇယ်တစ်လီတာ ကျပ် ၂၆၄၅၊ ပရီမီယံ ဒီဇယ်တစ်လီတာ၂၇၃၀ ကျပ်ဖြစ်ခဲ့ပြီး အဆိုပါကျစျေးနဲ့ငြိမ်သက်နေခဲ့ရာမှ ယနေ့စက်တင်ဘာ၂၇ရက်နေ့မှာတော့ ၉၂တစ်လီတာ ၂၀၇၀၊ ၉၅တစ်လီတာ ၂၁၉၀ကျပ်သို့ ကျဆင်းလာတာကြောင့်စက်သုံးဆီစျေးနှုန်းတွေဟာ ၉၂ နှင့် ၉၅ တို့မှာ တစ်လီ တာ ၁၈၅ ကျပ်စီ၊ ရိုးရိုးဒီဇယ်နှင့် ပရီမီယံဒီဇယ် တို့မှာ တစ်လီတာ ၃၅ ကျပ်စီ ကျဆင်းလာတာဖြစ်ပါတယ်။
စစ်ကောင်စီဗဟိုဘဏ်က ငွေလဲနှုန်း တစ်ဒေါ်လာလျှင် ကျပ် ၂၁၀၀ သို့ တိုးမြှင့်သတ်မှတ်လိုက်ပြီးနောက် စက်သုံးဆီစျေးနှုန်းတွေနဲ့အတူ ကုန်
စျေးနှုန်းတွေဟာ မြင့်တက်လာခဲ့တာဖြစ်ပါတယ်။
စက်သုံးဆီကို စင် ကာပူနိုင်ငံ၊ မလေးရှားနိုင်ငံနှင့် ကိုရီးယား နိုင်ငံ တို့မှ အဓိကတင်သွင်းနေခြင်းဖြစ်ပြီး
လက်ရှိတွင် ရုရှားနိုင်ငံမှ စက်သုံး ဆီများကို တင်သွင်းရန် စီစဉ်လျက်ရှိပြီး ရုရှား ရူဘယ်ငွေကြေးနှင့် ပေးချေရန် စီစဉ်လျက်ရှိတယ်လို့ စစ်ကောင်စီက ပြောထားပါတယ်။
MyanmarLabourNews
