မီးဖိုချောင်သုံးဂတ်စ်(LPG)ဈေးနှုန်းဟာအောက်တိုဘာ(၂၃)ရက်မှာ 48kg တစ်အိုးကိုကျပ်တစ်သောင်းခွဲနီးပါးပြနါလည်မြင့်တက်လာတယ်လို့ဂတ်စ်လုပ်ငန်းလုပ်ကိုင်သူတွေဆီကသိရပါတယ်။

 

LPG အရည်ဈေးနှုန်းဟာပြီးခဲ့တဲ့စက်တင်ဘာလထဲမှာကျပ်(၂၅၀၀၀၀)အထက်ရှိခဲ့ပြီးအောက်တိုဘာလဆန်းမှာတော့ကျပ်(၂၁၀၀၀၀)ကျော်ထိဈေးကျခဲ့ပါတယ်။

 

လက်ရှိမှာ​တော့ ရန်ကုန်မြို့က မြို့နယ်အချို့မှာ ​ရေကြီး ​​ရေလျှံမှု​တွေနဲ့အတူ လျှပ်စစ်မီး ပြတ်​တောက်တာ​တွေလည်း ရှိ​နေတာပါ။လျှပ်စစ်မီး မရတဲ့ ပြည်သူ​တွေ အဓိကထား သုံးစွဲ​နေရတဲ့ အိမ်သုံးဂတ်စ် ​​ဈေးဟာ ဒီကနေ့မှာတော့ 48kg တစ်အိုးကို ကျပ်(၂၃၀၀၀၀)ခန့်ပြန်လည်မြင့်တက်လာတာပဲဖြစ်ပါတယ်။

 

"ဒီနေ့မှဈေးပြန်တက်တာ။ဘာလို့လဲတော့သေချာမေးမရဘူး။လိုင်စင်ကိစ္စလည်းကြားတယ်။ကိုယ်ထင်မိတာကတော့နိုင်ငံခြားငွေဈေးကျတော့ဂတ်စ်လည်းကျဦးမယ်ထင်မိတာ။မကျဘဲပြန်တက်သွားတယ်။လက်လီဈေးနှုန်းတော့အပြောင်းအလဲသိပ်မရှိလောက်ဘူးထင်တယ်"လို့ဂတ်မီးဖိုနှင့်ဆက်စပ်ပစ္စည်းရောင်းချသူတစ်ဦးကပြောပါတယ်။

 

မီးဖိုချောင်သုံးဂတ်စ်ဈေးနှုန်းဟာလက်ရှိမှာတစ်ပိဿာကိုကျပ်(၉၀၀၀)နဲ့ဘူးသေးတစ်ဘူးကိုကျပ်(၁၅၀၀)ပေါက်ဈေးရှိနေပါတယ်။

"အရောင်းအဝယ်ကဒီရက်ပိုင်းကောင်းပါတယ်။ရာသီဥတုမကောင်းတာ​ရော မီးမလာတာ ပေါင်းပြီးရောင်းရတယ်။ဂတ်စ်ကအခုထိတော့ပုံမှန်လေးရနေတယ်။ဈေးကျရင်တော့ပိုကောင်းတာပေါ့။ဒီကာလကလူတိုင်းကျပ်တည်းတော့ဈေးကျဖို့ကိုအရောင်းသမား ​ရော အဝယ်သမား​ရော မျှော်တာပေါ့။အခုကပြန်တက်တယ်ဆိုတော့သိပ်မကောင်းဘူးပေါ့"လို့ဂတ်စ်အရည်ဖြန့်ဖြူးရောင်းချသူတစ်ဦးကပြောပါတယ်။

 

လက်ရှိမှာဂတ်စ်မီးဖိုနဲ့ဆက်စပ်ပစွည်းတွေဟာလည်းဈေးနှုန်းသိသိသာသာပြန်လည်ကျဆင်းလာမှုမရှိဘဲအရောင်းအဝယ်အေးတယ်လိုရောင်းချသူတွေကပြောပါတယ်။