၂၀၂၅ နှစ်အတွက် မိုးရာသီစိုက်ပျိုးစရိတ်ချေးငွေတွေကို ယခင်ကချေးငွေတွေရဲ့ အကြွေးကျန်အားလုံးကင်းရှင်းတဲ့ တောင်သူများကိုသာ ထုတ်ချေးပေးသွားမယ်လို့ မြန်မာ့လယ်ယာ ဖွံ့ဖြိုးရေးဘဏ် က အသိပေးကြေညာလာပါတယ်။
ယခင်ချေးငွေ အရင်း၊ အတိုး ကျေစွာ ပေးဆပ်ပြီးတဲ့ တောင်သူတွေထံ မိုးရာသီစိုက်ပျိုးချိန်အမီ မေလ ၁၉ ရက်နေ့မှ စတင်ကာ ငွေတွေကို ထုတ်ချေးပေးနေတယ်လို့ ဆိုပါတယ်။
စိုက်ပျိုးစရိတ်ချေးငွေများ အချိန်မီရရှိနိုင်ဖို့ တောင်သူတွေအနေနဲ့ အရင်ကြွေးကျန်များ ပေးချေပြီးပါက မြန်မာ့လယ်ယာဖွံ့ ဖြိုးရေးဘဏ်၊ သက် ဆိုင်ရာ ခရိုင်/မြို့ နယ်ဘဏ်ခွဲတွေမှာ အမြန်ဆက်သွယ်ကြဖို့ကိုလည်းမြန်မာ့လယ်ယာဖွံ့ဖြိုးရေးဘဏ်မှ အသိပေးပြောထားပါတယ်။
မိုးရာသီစိုက်ပျိုးစရိတ်ချေးငွေကို သက်ဆိုင်ရာ ခရိုင်နဲ့ မြို့နယ် ဘဏ်ခွဲများမှ တစ်ဆင့် ထုတ်ချေးနိုင်ပြီး၊ အတိုးနှုန်းအနေနဲ့ ၅ ရာ ခိုင်နှုန်းသတ်မှတ်ထားတယ်လို့သိရပါတယ်။
စီမံ/ဘဏ္ဍာဝန်ကြီးဌာနလက်အောက်ရှိ မြန်မာ့လယ်ယာဖွံ့ဖြိုးရေးဘဏ်အနေနဲ့ မြန်မာနိုင်ငံတစ်ဝန်းလုံးက တောင်သူလယ်သမားတွေထံ စိုက်ပျိုးစရိတ်ချေးငွေတွေကို နှစ်စဉ်ထုတ်ချေးပေးလျက်ရှိပါတယ်။ချေးငွေရယူလိုတဲ့ တောင်သူများအနေနဲ့ စပါးသီးနှံတစ်ဧကကို ငွေကျပ် တစ်သိန်းခွဲနှုန်း၊ အခြားသီးနှံဖြစ်ပါက တစ်ဧကကို ငွေကျပ် တစ်သိန်းနှုန်းနဲ့ ချေးယူနိုင်တာလည်း ဖြစ်ပါတယ်။
