ယနေ့ နိုဝင်ဘာလ၊၂၂ရက်နေ့ ညနေ(၅)နာရီခန့်တွင် မိတ္ထီလာတက္ကသိုလ်ကျောင်းသားများသမဂ္ဂ(ဗ.က.သများအဖွဲ့ချုပ်)မှ ဥက္ကဋ္ဌဟောင်းဖြစ်သူ မသဲစုနိုင်ကို အကြမ်းဖက်စစ်အုပ်စုမှ သေနတ်ပစ်ဖောက်ခြိမ်းခြောက်ပြီး ဖမ်းဆီးခြင်းခံလိုက်ရတယ်လို့ ဗကသများ အဖွဲ့ချုပ်ကထုတ်ပြန်ပါတယ်။
ထို့ပြင် မသဲစုနိုင်၏ ဖခင် ဖြစ်သူကိုပါ ဖမ်းဆီး ခေါ်ဆောင်သွားခဲ့ပြီး နေအိမ်ရှိဖုန်းအားလုံးကိုလဲသိမ်းယူသွားခဲ့ကြောင်းသိရပါတယ်။
မသဲစုနိုင်သည် အကြမ်းမဖက်အာဏာဖီဆန်ရေးလှုပ်ရှားမှု CDM ကျောင်းဆရာမတဦးသာ ဖြစ်သော်လည်း အကြမ်းဖက်စစ်အုပ်စုဘက်မှ မသဲစုနိုင်အား PDFခေါင်းဆောင်ပိုင်း အမျိုးသမီးဟု စွပ်စွဲကာဖမ်းဆီးသွားခဲ့ခြင်းဖြစ်တး်လို့ဆိုပါတယ်။
ထို့ပြင် မည်သည့်နေရာသို့ဖမ်းဆီးခေါ်ဆောင်သွားပြီး မည်သည့်နေရာတွင် ဖမ်းဆီးချုပ်နှောင်ထားသည်ကိုမူ မသိရှိရသည့်အတွက် အကြမ်းဖက်ဖမ်းဆီးခြင်းခံရသော မသဲစုနိုင်နှင့်အတူ ဖမ်းဆီးခံသူမဖခင်၏ အသက်အန္တရာယ်နှင့်လုံခြုံရေးအတွက် များစွာစိုးရိမ်ကြောင်း ဗကသများအဖွဲ့ချုပ်ကယနေ့ထုတ်ပြန်လိုက်တာပါ။
