မြန်မာပြည်သူတွေအနေနဲ့ မန့က်ခင်းမှာ ထိတ်လန့်တကြားနဲ့ ညဖက်ဆိုလဲကျီးလန့်စာစားနေရသလို ဖက်ဆစ်တပ်နဲ့ရဲတွေရဲ့ချိန်းခြောက်မှု့ဒဏ်တွေခံနေရတာ ၉ လနီးနီးရှိပြီလို့ဆိုရမှာပါ။
ဒီကနေ့နိုဝင်ဘာ ၁၃ ရက်နေ့မနက်ခင်းကနဦးသတင်းမှာတော့ကိုယ်ဝန်ဆောင်သည် မတင်လင်းမော်ရဲ့ထိတ်လန့်ဖွယ်အဖြစ်ဆိုးကြီးကပြည်သူလူထုတွေကို ဝမ်းနည်းထိတ်လန့်စေခဲ့တယ်လို့ဆိုရမှာပါ။
-ဖြစ်စဥ်ကဧရာဝတီတိုင်းမအူပင်မြို့နယ်ကထွေအုပ်ဒုဦးစီးဆိုသူရဲ့နေအိမ်မှာရွှေနဲ့အတွင်းပစ္စည်းတွေပျောက်တာကစတာပါ။အဲ့ဒီမှာအလုပ်အလုပ်တဲ့မတင်လင်းမော်ကိုယိုးစွပ်ပြီးဖမ်းခိုင်းပါတယ်။
ရဲကမတင်လင်းမော်တင်မက သူ့ယောကျာ်းပါဖမ်းတယ်။ပြီးတော့စခန်းရောက်တာနဲ့ရဲမှန်သမျှမတင်လင်းမော်နဲ့သူ့ယောကျာ်းကိုဘီလူးသရဲစီးသလိုနှိပ်စက်ပါတယ်။
ဖမ်းသွားတာ ၉ ရက်နေ့က ၁၂ ရက်နေ့မှာသေတယ်ကြားထဲမှာဗိုက်ထဲကကိုယ်ဝန်တဖက်နဲ့မရှု့မလှနှိပ်စက်ခံရတဲ့အခြေအနေပါ။ဒီကနေ့မနက်အလောင်းရလာတဲ့အတွက်ဓါတ်ပုံတွေလူမှု့ကွန်ယက်ပေါ်မှာတက်လာတဲ့အချိန်မှာမတင်လင်းမော်ရဲ့မသေခင်ရရှိခဲ့တဲ့ဒဏ်ရာတွေဟာတော်တော့်ကိုလူမဆန်စွာညှဥ်းပန်းနှိပ်စက်ထားတယ်လို့ဆိုရမှာပါ။
မတင်လင်းမော်ရဲ့အမျိုးသားကပြန်လွတ်လာပေမယ့်မျက်နှာကဓါးနဲ့မွှန်းထားလို့ ဖွာထွက်နေတဲ့အထိနှိပ်စက်ခံထားရတယ်လို့နီးစပ်သူတွေကဆိုပါတယ်။
ဒီကိစ္စကိုမဖုံးနိုင်မဖိနိုင်တော့မှဧရာဝတီတိုင်းရဲ့ဖက်ဆစ်ရဲတပ်ရုံးကမတင်လင်းမော်ကိစ္စမှာပါဝင်တဲ့ရဲတွေကိုအရေးယူမယ်လို့သတင်းတွေသဲ့သဲ့လွှင့်လာပါတယ်။ဟုတ်မဟုတ်တော့အတည်မပြုနိုင်သေးပါဘူး။
-စစ်ရေးသတင်းတွေအနေနဲ့ကတော့စစ်ကိုင်းမှာစစ်ကောင်စီတပ်တွေသေတာကြမ်းပါတယ်။
ရေစကြိုပခန်းငယ်ရဲစခန်းကို PDF လေးဖွဲ့ဝင်မပါတယ်။ရဲတွေဒဏ်ရာဗလပွနဲ့ထွက်ပြေးတယ်လို့ သိရပါတယ်။
ကလေး-ဂန်ဂေါကားလမ်းအတိုင်းတက်လာတဲ့စစ်ကောင်စီတပ်တွေကိုဗိုလ်နဂါးနဲ့ရဲဘော်မောင်ဝေဦးဆောင်တဲ့၂ဖွဲ့ကမိုင်းဆွဲတဲ့အပြင်လက်နက်ကြီးနဲ့ပါသမလို့စစ်ကောင်စီတပ်က၅၀လောက်ကြွတယ်လို့ သိရပါတယ်။
စစ်ကိုင်းတိုင်းထဲမှာခံနေရတဲ့စစ်ကောင်စီတပ်တွေဟာလက်နက်မဲ့ပြည်သူတွေကိုရရာနည်းနဲ့ဒုက္ခပြန် ပေးပါတယ်။ကောလင်းမှာစစ်ကောင်စီတပ်တွေပစ်သတ်သွားတဲ့အသက် ၁၅ နှစ်အရွယ်မောင်ကောင်ဇော်ငြိမ်း၊ မောင်ဟိန်းခန့်ပိုင်အပါအဝင်ပြည်သူ၇ဦးရဲ့ရုပ်အလောင်းကိုဒီကနေ့ပဲဒေသခံတွေကပြန်ရှာတွေ့ပါတယ်။သေဆုံးသူတွေဟာဥက္ကံရွာက၂ယောက်နဲ့ချောင်းနားရွာက ၅ ယောက်လို့ဆိုပါတယ်။
ဝက်လက်မြို့နယ်ထဲအရှေ့ထုံးဘိုရွာကိုတော့ဒီကနေ့မနက်မှာပဲစစ်ကောင်စီတပ်တွေဝင်စီးပြီးပြည်သူ၂ဦးကိုသတ်ဖြတ်တဲ့အပြင်ရွာကဆိုင်ကယ်၂၁ကိုပါခိုးယူသွားပါတယ်။
-ဒီကနေ့အတွက်တော့စစ်အာဏာရူးဆန့်ကျင်ရေးလူငယ်သပိတ်တွေကတော့မန္တလေးရန်ကုန်နဲ့အနယ်နယ်အရပ်ရပ်မှာ ပြောက်ကျားတိုက်စစ်နဲ့အားကောင်းမောင်းသန်ဖော်ထုတ်နေကြဆဲပါ။
-ရန်ကုန်ကလှိုင်သာယာဖက်မှာတော့နေ့လည်ခင်းမှာအလယ်ရွာကရာအိမ်မှူးတင်စိုးပစ်ခတ်ခံရလို့သေပါတယ်။ဒလံလို့နာမည်ထွက်နေသူလို့ဆိုပါတယ်။
ညနေပိုင်းမှာတော့ အနော်ရထာလမ်းမပေါ် စစ်ကောင်စီတပ်စွဲထားသည့် မီတာရုံးအနီး ဗုံး ၂လုံးပေါက်ကွဲခဲ့တယ်လို့ သိရပါတယ်။
မြောက်ဒဂုံမှာလဲကနေ့ညဗုံး၂လုံး၄၂ရပ်ကွက်မှာကွဲပြီးပစ်ခတ်သံတွေကြားရပါတယ်လို့ဒေသခံတွေဖက်ကသတင်းတွေဖော်ပြထားပါတယ်။
ဒီကနေ့မှာတော့ ပြည်ထောင်စုလွှတ်တော်ကိုယ်စားပြုကော်မတီ (CRPH) နှင့် Kachin Political Interim Coordination Team (KPICT) တို့ တွေ့ဆုံဆွေးနွေးခဲ့ကြတယ်လို့ CRPH ကသတင်းထုတ်ပြန်ပါတယ်။
ဒါကတော့ ဒီကနေ့ Myanmar Labour Newsရဲ့တနေ့တာသတင်းအကျဥ်းချုပ်ပါ...။
