ယမန်နေ့ညကမန္တလေးလူထုသပိတ်ခေါင်းဆောင်ရဲ့ဇာတိကျေးရွာကိုစစ်ကောင်စီတပ်တွေဝင်ရောက်စီးနင်းပြီး ကိုတေဇာဆန်းနဲ့ဆွေမျိုးတော်စပ်သူတွေနေထိုင်တဲ့နေအိမ်နှစ်အိမ်ကိုမီးတင်ရှို့သွားတဲ့အပြင်ကျေးရွာအတွင်းမွှေနှောက်ဖျက်ဆီးသွားတယ်လို့ MLN ကသတင်းရရှိပါတယ်။
လာရောက်စီးနင်းရာတွင် စစ်ကောင်စီရဟတ်ယာဥ်၂စီးနဲ့စစ်သားအယောက် ၈၀ ဝန်းကျင်ပါဝင်ပြီးအိမ်တိုင်းနီးပါးဝင်ရောက်ရှာဖွေမွှေနှောက်တာတွေလုပ်ခဲ့တယ်လို့သိရပါတယ်။
"မနေ့ကိုတေဇာဆန်းပြောသလောက်သိရတာသူတို့အမျိုးအိမ်နှစ်အိမ်ပါမီးရှို့သွားတယ်ပြောတယ်ရဟတ်ယာဥ်နဲ့စစ်သားတွေအရင်လာချပြီးမှလုပ်သွားတာ"လို့ ကိုတေဇာဆန်းနဲ့နီးစပ်သူတဦးက MLN ကိုအတည်ပြုပါတယ်။
ထို့အပြင်စစ်ကောင်စီတပ်တွေဟာရွှေအိုးရကျေးရွာ၏ ဘုံကထိန်အဝင်နေ့ဖြစ်သည့်အတွက် ဘုန်းကြီးကျောင်းတွင် အလှူအတွက် ချက်ပြုတ် နေသော အစားအသောက်များ စားသောက်သွားသည့်အပြင်ဘုန်းကြီးကျောင်းအတွင်းမှ ကားတစ်စီးကိုလည်းပြန်ပေးဆွဲသွားခဲ့တယ်လို့လဲဒေသခံသတင်းအရင်းအမြစ်တွေကဆိုထားပါတယ်။
ဒါ့အပြင်ဒေသခံသိန်းငှက်ပြည်သူ့ကာကွယ်ရေးတပ်ဖွဲ့ရဲ့စခန်းငယ်တခုကိုပါစီးနင်းပြီးလက်လုပ်သေနတ်တွေနဲ့တခြားအသုံးအဆောင်တွေကိုပါဖျက်ဆီးခဲ့တယ်လို့သတင်းတွေထွက်ပေါ်ခဲ့ပေမယ့် MLN အနေနဲ့အဆိုပါကိစ္စကိုမေးမြန်းပြီးသီးခြားအတည်ပြုချက်ရယူနိုင်ခြင်းမရှိသေးပါဘူး။
