NEWS

မန္တလေးမှာသပိတ်ဝန်းရံသူများစီးနင်းလာတဲ့ဆိုင်ကယ်ကိုစစ်တပ်ကအရပ်သားကားဖြင့်ဝင်တိုက်ဖမ်းဆီးလို့အမျိုးသမီးငယ်တဦးဖမ်းဆီးခံထားရ

CoverLogo
1.2K Views

မန္တလေးမြို့မှာ ဒီကနေ့မနက်ပိုင်း ပြုလုပ်မယ့် အရုဏ်ဦးသပိတ်ကို လာရောက်ပူးပေါင်းတဲ့  လူငယ် ၃ ဦးကိုစစ်ကောင်စီတပ်ဖွဲ့ဝင်တွေကအရပ်သားကားဖြင့် ဝင်တိုက်ဖမ်းဆီးခဲ့တာကြောင့် ရတနာပုံတက္ကသိုလ်ကျောင်းသူတဦးဖြစ်တဲ့မခိုင်ဇင်ဖူးဆိုသူ အမျိုးသမီးတစ်ဦးငယ်တဦး ဖမ်းဆီးခံလိုက်ရတယ်လို့ မန္တလေးသပိတ်အင်အားစုရဲ့ကော်မတီဝင်များထံမှသိရပါတယ်။

၆၃ လမ်းနဲ့ ၃၀ လမ်းမအနီး မှာပဲဒီကနေ့မနက် (၅)နာရီခွဲအချိန်ကစစ်တပ်ကအရပ်သားအိမ်စီးကားအသုံးပြုပြီးအရပ်ဝတ်တွေနဲ့ပါ ဝင်တိုက် ဖမ်းဆီးသွားခြင်း ဖြစ်တယ်လို့သိရပါတယ်။

"ဝင်တိုက်တာလဲအိမ်စီးကားနဲ့ဖမ်းတဲ့ကောင်တွေကလဲအရပ်ဝတ်နဲ့လက်နက်နဲ့တိုက်ခံရတာအရှိန်ပြင်းတော့ဆိုင်ကယ်လဲသွားတဲ့အချိန်မှာနောက်ကနှစ်ယောက်ကပြေးလို့လွတ်သွားတယ်ခုဖမ်းခံရတဲ့ညီမလေးကဆိုင်ကယ်ကပိနေတော့မပြေးနိုင်ပဲအဖမ်းခံလိုက်ရတာ " လို့မန္တလေးသပိတ်ကော်မတီဝင်တဦးကပြောပါတယ်။

အဆိုပါဖမ်းဆီးမှု့ပြီးတဲ့နောက်မှာပဲ သပိတ်လူငယ်များနေထိုင်ရာ Safe House ကိုလည်း စစ်ကား (၁၀)စီးဖြင့် ဝင်ရောက်စီးနင်းပြီးတော့ နေအိမ်မှာရှိတဲ့ပရိဘောဂနဲ့ခုံအစရှိတဲ့  ပစ္စည်းများကို ကားပေါ်တင်ပြီးယူဆောင်သွားတယ်လို့လဲသိရပါတယ်။

Safe House ဝင်စီးခံရချိန်မှာတော့ဖမ်းဆီးခံရသူတဦးမှမရှိခဲ့ဖူးလို့သပိတ်ကော်မတီဝင်တွေကဆိုပါတယ်။

လွန်ခဲ့တဲ့ဒီဇင်ဘာ ၅ ရက်နေ့ကလဲရန်ကုန်မြို့ကြည့်မြင်တိုင်မြို့နယ်ပန်းပင်ပြီးလမ်းမှာပြုလုပ်တဲ့ရန်ကုန်လူထုသပိတ်ကိုစစ်တပ်ကကားနဲ့ဝင်ရောက်တိုက်ပြီးပစ်ခတ်ဖမ်းဆီးခဲ့တဲ့အတွက်သပိတ်လူငယ်တွေသေဆုံးခဲ့ပါတယ်။


Related posts

Cover
ချင်းတွင်းမြစ်ရေ စိုးရိမ်ရေမှတ်ထက် ကျော်လွန်နေသဖြင့် မြို့နယ် ၅ ခု မှာ သတိပြုဖို့ လိုအပ်
Jun 28, 2025
Cover
မြန်မာစစ်တပ်ရဲ့အဆက်အနွယ်တရုတ်စစ်လေယာဉ်ထုတ်ကုမ္ပဏီနဲ့ဥရောပ AIRBUS SE လေကြောင်း ကုမ္ပဏီ လက်တွဲဖြုတ်
Jun 22, 2025
Cover
၄၈ နာရီ အတွင်း ပဲခူးမြစ်နှင့်ချင်းတွင်းမြစ်ရေ စိုးရိမ်ရေမှတ် ရောက်ရှိနိုင်ဟု မိုးဇလ သတိပေး
Jun 22, 2025
Cover
တစ်ပတ်အတွင်း ကိုဗစ်-၁၉ လူနာ ၅၀ ကျော် တွေ့ရှိ
Jun 18, 2025
Cover
လိုင်စင်မရသည့် နိုင်ငံခြား ငွေ ဝယ်ရောင်းများအား အရေးယူမည်ဟု ဗဟိုဘဏ်ကြေညာ
Jun 17, 2025
Cover
ရွှေဆိုင်တွေ လိုင်စင်မလုပ်ထားပါက အရေးယူခံရတော့မယ်လို့ ရွှေအသင်းအသိပေးလာ
Jun 14, 2025
Cover
အမျိုးသမီးငယ်အား ငွေကြေးမက်လုံးပေးပြီး တရုတ်မယားအဖြစ် ရောင်းစားရန် လုပ်ဆောင်သူများကို ထောင်ဒဏ်နှစ်၂၀စီ ချမှတ်
Jun 11, 2025
Cover
၂၄ နာရီ အတွင်း ပဲခူးမြစ်ရေ ၅ ပေကျော်ထိ မြင့်လာမည်ဟု မိုးဇလထုတ်ပြန်
Jun 10, 2025