"ကိုယ့်အမေ ကိုယ့်နှမ ကိုယ့်အဖွား ကိုယ့်ဘဝထဲကအမျိုးသမီးတယောက်လို့ မျက်လုံးထဲမြင်ပြီးကိုယ်ချင်းစာတရားထားပါလို့" ကျူးလွန်နေတဲ့သူတွေကိုပြောချင်တယ် မုဒိန်းဆိုတာစစ်နဲ့လဲမဆိုင်ဘူးအမျိုးသမီးတွေကိုပစ်မှတ်ထားတိုက်ခိုက်စရာမလိုဘူး။လူကြီးလူကောင်းဆန်ဆန်ပေါ့၊ နိုင်မယ့်သူကနိုင်မှာပဲ"
ဒီကနေ့ နို၀င်ဘာ ၂၅ မှာ ကျရောက်တဲ့အပြည်ပြည်ဆိုင်ရာအမျိုးသမီးများ အကြမ်းဖက်မှု့ပပျောက်ရေးနေ့မှာ လက်ရှိမြန်မာပြည်မှာစစ်အုပ်စုရဲ့အကြမ်းဖက်မှု့ခံနေရတဲ့အမျိုးသမီးတွေနဲ့ ပတ်သက်တဲ့လှုပ်ရှားမှု့တွေ ဆောင်ရွက်ပေးနေမှု့အခြေအနေတွေကိုမတင်မမဦး(အမျိုးသမီးနဲ့ကလေးသူငယ်အခွင့်အရေးဆိုင်ရာကူညီစောင့်ရှောက်ရေးအဖွဲ့ခေါင်းဆောင်-နယူဇီလန်)နှင့်Myanmar Labour Newsက တွေ့ဆုံမေးမြန်းဖြစ်ခဲ့ပါတယ်။
MLN- မြန်မာနိုင်ငံမှာစစ်အာဏာရှင်တွေရဲ့ဖိနှိပ်ရက်စက်မှု့တွေခံစားနေရတဲ့အမျိုးသမီးတွေကိုဘာများပြောခြင်လဲခင်ဗျ။
TMMO-ကျွန်မတို့ရဲ့မြန်မာနိုင်ငံကြီးထဲမှာပြည်သူတွေကစစ်အာဏာရှငိစနစ်ကလွတ်မြောက်ဖို့အဓိကပဲ၊ ပြီးတော့ကျွန်မတို့ မြန်မာအမျိုးသမီးတွေကြောက်ရွံ့ခြင်းမှကင်းပါစေလို့ ဆုတောင်းပေးတယ်အမျိုးသမီးတယောက်အနေနဲ့ ရင်ဘောင်တန်းပြီးလွတ်လပ်စွာရှင်သန်ခွင့်ရစေချင်တယ်၊ အမျိုးသမီးတယောက်အနေနဲ့မွေးဖွားလာရတဲ့ဘဝမှာ ပညာတတ်ခွင့်အလုပ်လုပ်ပိုင်ခွင့်နဲ့ မိသားစုတွေထဲမှာဘဝကိုရဲရဲဝံ့ဝံ့မျက်နှာဖော်ပြီးရင်ဆိုင်နိုင်တဲ့သူတွေဖြစ်ပါစေလို့ကျွန်မ ပထမဦးဆုံးဆုတောင်းပေးချင်တယ်။
MLN- အမတို့အဖွဲ့အနေနဲ့ရောဘာတွေလှုပ်ရှားနေပါသလဲ။
TMMO-ကျွန်မတို့ကအခု အမျိုးသားညီညွတ်ရေးအစိုးရအဖွဲ့ရဲ့အမျိုးသမီးနဲ့ကလေးသူငယ်စောင့်ရှောက်ရေးဝန်ကြီးဌာနရဲ့လမ်းညွှန်ချက်နဲ့ပူးပေါင်းဆောင်ရွက်တာတွေလုပ်နေတယ်။
မြန်မာပြည်ကကလေးငယ်နဲ့အမျိုးသမီးတွေအတွက်ဒီနှစ်ခရစ္စ်စမတ်မှာလက်ဆောင်ပေးဆို့ပြင်ဆင်နေတယ် ရန်ပုံငွေလဲတဖက်ကရှာနေတယ်၊ ဒီကကလေးသံမတ်တွေရောမြန်မာပြည်က ကလေးနဲ့အမျိုးသမီးတွေကိုကူညီပေးဖို့အသံထုတ်ဖော်ပြောဆိုတာတွေအွန်လိုင်း ရန်ပုံငွေရှာဖွေရေးစျေးရောင်းချတာတွေလုပ်နေပါတယ်။
MLN-မြန်မာနိုင်ငံမှာစစ်တပ်က ကျူးလွန်ခံနေရတဲ့ အမျိုးသမီးတွေအတွက်ရောဘာများပြောခြင်ပါလဲခင်ဗျ။
TMMO- မြန်မာပြည်ကအမျိုးသမီးတွေအမျိုးသားတွေရောကမ္ဘာကပါသိစေချင်တာက ကျွန်မတို့နိုင်ငံမှာဒီလိုညှဥ်းဆဲသတ်ဖြတ်မှု့တွေရှိနေတယ်ဆိုတာသိစေချင်တယ် ပြီးတော့မြန်မာပြည်ကအမျိုးသမီးတွေကိုလဲပြောချင်တာက ဖိနှိပ်မှု့ကိုခံစားလာရပြီဆိုရင်စိတ်ကိုခိုင်အောင်ထားဖို့နဲ့ဒီလိုခံစားနေရတဲ့အမျိုးသမီးလေးတွေကိုတိုင်းရင်သားညီအကိုမောင်နှမတွေအားလုံးကူညီပေးစေချင်တယ်။
ဒီလိုခံစားရတဲ့အမျိုးသမီးမှာထရော်မာအများကြီးရှိနေလာတဲ့အတွက်သူ့ရဲ့စိတ်ပိုင်းဆိုင်ရာဝေဒနာကိုကုသဖို့ NUG ရဲ့ဝန်ကြီးဌာနကလုပ်ပေးထားတဲ့စိတ်ပိုင်းဆိုင်ရာကုသမှု့အစီအစဥ်တွေနဲ့ကုသစေချင်ပါတယ်။
MLN-ဒီလိုအမျိုးသမီးတွေအပေါ်အကြမ်းဖက်မှု့ကျူးလွန်တဲ့သူတွေကိုရောဘယ်လိုပြောခြင်လဲ။
TMMO-ကျွန်မအနေနဲ့ပြောချင်တာ လူသားချင်းစာနာပါ ကိုယ့်အမေ ကိုယ့်နှမ ကိုယ့်အဖွား ကိုယ့်ဘဝထဲမှာရှိနေတဲ့အမျိုးသမီးတွေလို့မျက်လုံးထဲမှာမြင်ပြီးကိုယ်ခြင်းစာတရားထားပါလို့ကျူးလွန်သူတွေကိုပြောချင်တယ်၊
ကျမတို့ကတမြေထဲနေတရေထဲသောက်ညီအကိုမောင်နှမတွေလေဒီလောက်ကြီးရက်ရက်စက်စက်မလုပ်သင့်ဘူး၊ မြန်မာပြည်ထဲမှာကျားပဲဖြစ်ဖြစ်မပဲဖစ်ဖြစ်လူသားချင်းစာနာပြီး တန်းတူအခွင့်အရေးပေးရမယ် တန်းတူချစ်ချစ်ခင်ခင်လေးလေးစားစားဆက်ဆံစေချင်တယ် ခုလိုစစ်ဘေးကာလမှာမလိုအပ်ပဲမဆိုင်တာတွေ လုပ်တာတွေကရှင်းရှင်းပြောရရင်မုဒိန်းဆိုတာစစ်နဲ့မဆိုင်ပါဘူး။
MLN-နယူးဇီလန်မှာနေတာလဲကြာပြီဆိုတော့အဲ့ဒီ့ကအမျိုူသမီးတွေရဲ့အခြေအနေနဲ့မြန်မာနိုင်ငံကအမျိုးသမီးတွေရဲ့အခြေအနေကိုဘယ်လိုနှိုင်းယှဥ်သုံးသပ်ချင်ပါသလဲ။
TMMO-ကျွန်မတို့နယူးဇီလန်ပါလီမန်ထဲမှာအမျိုးသမီးတွေအများကြီးရှိတယ် ကျွန်မတို့ရောက်နေတဲ့မြန်မာတွေ ယောကျာ်းမိန်းမနဲ့အမျိုးသမီးတွေရဲ့အခွင့်အရေးဒီမှာအရမ်းပေးတယ် အမျိုးသမီးတွေကိုလဲအများကြီးအားပေးကြတယ် ကျွန်မတို့မြန်မာနိုင်ငံမှာဒီလိုအခြေအနေတွေဖြစ်လာဖို့အတွက်လဲကျမတို့အားခဲထားပါတယ် ဇွဲရှိရှိနဲ့လဲလုပ်သွားမှာပါ။
ခုလိုဖြေကြားပေးတဲ့မတင်မမဦးကို Myanmar Labour News ကကျေးဇူးတင်ပါတယ်။
