NEWS

ဘားအံအကျဉ်းထောင်တွင် နိုင်ကျဉ်း ၁၂ ဦး ရိုက်နှက်တိုက်ပိတ်ခံရကာ ၁ ဦးသေဆုံးဘားအံအကျဉ်းထောင်တွင် နိုင်ကျဉ်း ၁၂ ဦး ရိုက်နှက်တိုက်ပိတ်ခံရကာ ၁ ဦးသေဆုံး

CoverLogo
99 Views
 
ကရင်ပြည်နယ် ဘားအံအကျဉ်းထောင်မှာ ထောင်အာဏာပိုင်တွေက နိုင်ငံရေးအကျဉ်းသား ၁၂ဦး ကို ရိုက်နှက်တိုက်ပိတ်တဲ့ အတွက် ၎င်းနိုင်ငံရေးအကျဉ်းသားတွေထဲက တစ်ဦးသေဆုံးသွား တယ်လို့ မြန်မာနိုင်ငံလုံးဆိုင်ရာ နိုင်ငံရေး အကျဉ်းသားများကွန်ရက် PPNM က စက်တင်ဘာ ၈ ရက်မှာ ထုတ်ပြန်လိုက်ပါတယ်။
 
၂၀၂၅ခုနှစ် ဇွန်လ ၁၄ ရက်နေ့မှာ ဘားအံအကျဉ်းထောင်ရှိ ကြိုးကြာဆောင်မှ နိုင်ငံရေးအကျဉ်းသား ၁၂ဦး ကို ထောင်အာဏာပိုင်တွေက အဓမ္မခေါ်ယူ ရိုက်နှက်ကာခြေကျင်းခတ်ပြီး ၃လ တိုက်ပိတ်ပြစ်ဒဏ်ချမှတ်ခဲ့တယ်လို့ သိရပါတယ်။
 
တိုက်ပိတ်ခံရတဲ့ နိုင်ငံရေးအကျဉ်းသား တွေက ထောင်ပိုင်မှ အကျဉ်းထောင်အတွင်း လာရောက်စစ်ဆေးချိန်တွင် အကျဉ်းထောင် အတွင်း အစားသောက်အဆင်မပြေမှုများ အာဟာရပြည့်၀အောင်မကျွေးခြင်းနဲ့ အလုပ်ခိုင်းစေခြင်းစတာ တွေ တင်ပြခဲ့တဲ့ အတွက် အခုလို နှိပ်စက်ညှင်းပန်းခံရတာဖြစ်တယ်လို့သိရပါတယ်။
 
၎င်းနိုင်ငံရေးအကျဉ်းသားတွေ ကို တိုက်ပိတ်တဲ့နေရာ ကို ခေါ်ဆောင်လာချိန်မှာရိုက်နှက်တဲ့ အပြင် တိုက်ပိတ်ခံရတဲ့ နေရာ အတွင်း သို့လည်းဝင်ရောက် ရိုက်နှက်တဲ့ အတွက် ဇူလိုင်လ ၁၃ ရက် နေ့မှာ နိုင်ငံရေးအကျဉ်းသား ကိုဉာဏ်မင်းထွန်း အသက်ဆုံးပါးသွားပြီး အခြားနိုင်ငံရေးအကျဉ်းသားတွေမှာလည်း ထိခိုက်ဒဏ်ရာများစွာရရှိ ထားတယ်လို့သိရပါတယ်။
 
လက်ရှိမှာ တိုက်ပိတ်ခံထားရတဲ့ နိုင်ငံရေးအကျဥ်းသားတွေဟာ ထောင်အာဏာပိုင်များရဲ့ ရိုက်နှက်မှုများကြောင့် စိတ်ပိုင်းဆိုင်ရာ ထိခိုက်မှုတွေနဲ့ ကြုံတွေ့နေရတဲ့အပြင် နိုင်ငံရေးအကျဉ်းသား ကိုဇော်ဝင်းအောင် (ခ) ကိုဂျက်အား တစ်လကျော်ကြာသည်အထိ နေ့စဉ် ခေါ်ယူရိုက်နှက်တာကြောင့် မိမိကိုယ်ကို သတ်သေလိုသည်အထိ စိတ်ပိုင်းဆိုင်ရာ ဆိုးရွားနေတယ်လို့ဆိုပါတယ်။
 
ဒါ့အပြင် ဘားအံထောင်မှ တစ်ပွင့် အရာရှိ အောင်ရဲနိုင် (ခ) ရခိုင်ဟာ ဘားအံထောင်အတွင်းမှ သတင်းများ ပြင်ပသို့ပေါက်ကြားပါက တိုက်ပိတ်ခံထားရတဲ့ နိုင်ငံရေးအကျဉ်းသား(၁၂) ဦး ကို သတ်ပစ်မည်ဟု ခြိမ်းခြောက်ထားကြောင်း PPNM က ထုတ်ပြန်ထားပါတယ်။
 
ဘားအံထောင်မှ နိုင်ငံရေးအကျဉ်းသားတွေကိုလည်း နေ့စဉ် မနက် ၉ နာရီမှ ၁၀ နာရီအထိ အိပ်ဆောင်နှင့် အုတ်ရိုးအကြား ရေညှိများတိုက်တဲ့ အလုပ်များ လုပ်နေကြရပြီး ထောင်ဝန်ထမ်းများအကြောင်း ပြောဆိုပါက ခြေကျင်းခတ်၊ တိုက်ပိတ်မည်ဟု ထောင်အာဏာပိုင်များက ခြိမ်းခြောက်ထားတယ်လို့ PPNM ထံမှသိရပါတယ်။

Related posts

Cover
တစ်အိမ်တစ်ယောက်မဲစာရင်း လာကြည့်ဖို့ စစ်ကော်မရှင်ရဲ့ UEC ဖိတ်ခေါ်
Oct 01, 2025
Cover
အပူပိုင်းမုန်တိုင်း “ဘူအလွိုင်” မြန်မာနိုင်ငံအရှေ့ပိုင်း နယ်စပ်ဒေသများကို ဖြတ်ကျော်နိုင်ဟုမိုး/ဇလထုတ်ပြန်
Sep 29, 2025
Cover
အပူပိုင်းမုန်တိုင်း "ဘူအလွိုင်" ကြောင့် တိုင်းနှင့်ပြည်နယ်များတွင် အောက်တိုဘာ ၂ရက် အထိ မိုးကြီးနိုင်
Sep 28, 2025
Cover
ငမိုးရိပ်ရေလှောင်တမံ ရေပြည့်မှတ်ရောက်ရန် ပေဝက်ခန့်သာ လိုတော့ဟုဆည်မြောင်းဝန်ကြီးဌာနအသိပေး
Sep 26, 2025
Cover
ပါရာစီတမော သောက်သုံးမှု မူလညွှန်ကြားချက်မပြောင်းလဲဘူးလို့ ကမ္ဘာကျန်းမာရေးအဖွဲ့ထုတ်ပြန်ထား
Sep 24, 2025
Cover
စစ်တောင်း၊ ပဲခူး၊ သံလွင်နှင့်ဘီလင်းမြစ် တို့ ၆နာရီမှ ၃၆ နာရီအတွင်း စိုးရိမ်ရေမှတ်ရောက်ရှိမည်ဟု မိုးဇလ အသိပေး
Sep 24, 2025
Cover
တိုင်ဖွန်းမုန်တိုင်း ရာဂါဆာ အရှိန်ကြောင့် နေရာအနှံ့ မိုးကြီးမှု သတိပြုရန်လို
Sep 22, 2025
Cover
ဒိုက်ဦးနှင့် သာယာ၀တီအကျဉ်းထောင်မှ နိုင်ငံရေးအကျဉ်းသူများ အရေပြားကူးစက်ရောဂါ ဆိုးရွားစွာခံစားနေရဟုဆို
Sep 17, 2025