စစ်ကိုင်းတိုင်း၊ ရွှေဘိုခရိုင်ရဲ့ ၂၀၁၆ ခုနှစ်ဗမာနိုင်ငံလုံးဆိုင်ရာကျောင်းသားများသမဂ္ဂရဲ့ ရွေးကောက်ခံဗဟိုလုပ်ငန်းကော်မတီဝင် တိုင်းရင်းသားရေးရာတာဝန်ခံဟောင်းတဦးဖြစ်တဲ့ကိုနှင်းအောင်ကိုကန့်ဘလူမြို့နယ်ထဲက ရွာတရွာမှာအရပ်၀တ်လက်နက်ကိုင်ပျူစောထီးတွေကဖမ်းဆီးသတ်ဖြတ်သွားတယ်လို့ကိုနှင်းအောင်နဲ့နီးစပ်သူတွေကအတည်ပြုသတင်းတွေထုတ်ပြန်ထားပါတယ်။
ဒီဇင်ဘာ ၃ ရက်နေ့က စစ်ကိုင်းတိုင်း ကန့်ဘလူခရိုင်ထဲကတင်ဘုတ်ကျေးရွာအနီးကစစ်တပ်လက်ဝေခံအရပ်ဝတ်လက်နက်ကိုင်တွေဖြစ်တဲ့ ပျုစောထီးတွေဖမ်းဆီးခံခဲ့ရတာဖြစ်ပြီးဒီကနေ့မနက်ပိုင်းမှာပဲသေဆုံးသွားတယ်ဆိုတဲ့သတင်းတွေထွက်ပေါ်လာတာပါ။
"တက်ကြွရဲရင့်ပြီး မဟုတ်မခံစိတ်ရှိတဲ့သူ။ နောက်ပိုင်း စစ်ရှောင်အရေး၊ အလုပ်သမားအရေး၊ နိုင်ငံရေးလှုပ်ရှားမှုတွေမှာ တခါတလေဆုံကြရတယ်။ စိတ်ရှင်းပြီး၊ တဲ့တိုးသမား၊ ကိုယ်ကျိုးအတ္တနည်းပါးသူမို့ အလုပ်လုပ်ရတာ အတော်လေးပေါ့ပါးရတယ်၊ စိတ်အနှောက်အယှက်မရှိခဲ့ရဘူး။
အခုတော့၂၀၂၁ဒီဇင်ဘာလ ၃ရက်နေ့ ရွှေဘိုမြို့မှာ မအလစစ်ခွေးလက်ပါးစေ ပျူစောထီးတွေ သတ်ဖြတ်တာကိုခံရတယ်တဲ့။ နိုင်ငံအရေးအတွက် စိတ်စေတနာကြီးတဲ့၊ သိပ်တော်တဲ့ရဲဘော်မို့ အင်မတန်နှမြောမိတယ်"လို့လဲ နိုင်ငံရေးတက်ကြွလှုပ်ရှာသူတဦးဖြစ်တဲ့မအက်စတာကသူ့ရဲ့လူမှု့ကွန်ယက်စာမျက်မှာပေါ်မှာဖော်ပြပါတယ်။
