ပြည်ပဖုန်းနံပတ်တွေ နဲ့ KBZ pay သုံးစွဲနေသူတွေ အနေနဲ့ မြန်မာဖုန်းနံပတ်ကို ပြောင်းလဲ ရမယ်လို့ KBZ pay က သတိပေးချက် ထုတ်ပြန်ထားပါတယ်။
မြန်မာဖုန်းနံပတ် ပြောင်းလဲ သုံးစွဲခြင်းမရှိပါက ၎င်း K pay အကောင့် တွေ သုံးစွဲလို့ မရတော့ဘူးလို့ သိရပါတယ်။
ထိုင်းဖုန်းနံပတ် နဲ့ ဖွင့်လှစ်အသုံးပြုနေတဲ့ KBZ Pay အကောင့်တွေကိုလည်း မတ်လ ၁၉ ရက်ကစပြီး ငွေလွှဲဝန်ဆောင်မှု တွေကို ယာယီဆိုင်းငံ့ထား ပြီး KBZ Pay အကောင့်ကို ဆက်လက်အသုံးပြုနိုင်ဖို့အတွက် မြန်မာ ဖုန်းနံပါတ်နဲ့ ပြောင်းလဲ အသုံးပြုဖို့ လိုအပ်တယ်လို့လည်း အသိပေးထားပါတယ်။
မြန်မာ ဖုန်းနံပါတ်ပြောင်းလဲ ရန် KBZ Pay အပလီကေးရှင်းထဲရှိ ဖုန်းနံပါတ်ပြောင်း Function မှာ လုပ်ဆောင်ရမယ့် အဆင့်တစ်ခုချင်းစီကို လိုက်နာပြီး လွယ်ကူစွာ ပြောင်းလဲနိုင်တယ်လို့ ဆိုပါတယ်။
ဖုန်းနံပါတ် ပြောင်းလဲနိုင်ဖို့ KBZ Pay App ကို မကြာမီရက်ပိုင်းအတွင်း ထွက်ရှိလာမယ့် ဗားရှင်းအသစ်ကို အဆင့်မြှင့်တင်ထားဖို့ လိုအပ်တယ်လို့ သိရပါတယ်။
ဗားရှင်းအသစ် မထွက်သေးခင် ကာလအတွင်း ဖုန်းနံပတ်ကို အမြန်ပြောင်းလဲတပ်ဆင်လိုပါက Virtual Customer Support နဲ့ Booking ပြုလုပ်ပြီး ဝန်ဆောင်မှု ရယူနိုင်တယ်လို့လည်း KBZ Pay က အသိပေး အကြောင်း ကြားထားပါတယ်။
