ရန်ကုန်လေဆိပ်မှာ စစ်ကောင်စီတပ်တွေရဲ့ဖမ်းဆီးခံလိုက်ရတဲ့အမေရိကန်ဂျာနယ်လစ်Danny Fenster ကိုစစ်ကောင်စီက နိုင်ကြည်ပျက်၊ ဗီဇာစည်းကမ်းဖောက်ဖျက်မှု့၊ အကြမ်းဖက်တိုက်ဖျက်ရေးအက်နဲ့သာမက၁၇-၁နဲ့ပါပေါင်းပြီးထောင်ဒဏ် ၁၁ နှစ်ချမှတ်လိုက်တဲ့သတင်းနဲ့အစပြုပါတယ်။
နိုင်ငံရေးလေ့လာသူတွေကတော့စစ်ကောင်စီကအမေရိကန်နဲ့နိုင်ငံရေးကစားလိုတဲ့အတွက်ဒီလိုလုပ်လိုက်တာဖြစ်တယ်လို့သုံးသပ်ပါတယ်။
နောက်ထပ်သတင်းတပုဒ်ကတော့စစ်ကောင်စီနဲ့ BGF တပ်တွေ ၂ ရက်အတွင်းကရင်ပြည်နယ်ဖာပွန်ခရိုင်ထဲမှာ ၈၄ ယောက်သေပြီးအယောက် ၁၁၀ နီးပါးဒဏ်ရာရသွားတဲ့သတင်းပါ။
နှစ်ဖွဲ့လုံးကိုKNLAကဗျင်းလိုက်တာဖြစ်တယ်လို့သိရပါတယ်။
နောက်ထက်သတင်းတပုဒ်ကတော့ မကွေးတိုင်းနတ်မောက်ခရိုင်ထဲကစခန်းမရွာထိပ်မှာဂိမ်းဆော့နေတဲ့လူငယ်တွေကိုစစ်ကောင်စီတပ်ကဝင်ပစ်လို့ ၁၇ နှစ်အရွယ်မောင်ဝေသူအောင်လည်ပင်းမှာကျည်ထိပြီးပွဲခြင်းပြီးသေဆုံးခဲ့တာပါ။
စစ်တပ်ကဖြစ်စဥ်ဖြစ်ခဲ့တဲ့နိုဝင်ဘာ ၁၁ ရက်နေ့ညကပဲမောင်ဝေသူအောင်ရဲ့အလောင်းကိုကောက်သွားပြီးဒီကနေ့မှပြန်ပေးလို့မိသားစုဝင်တွေကအလောင်းကိုသဂြိုလ်လိုက်ရပါတယ်။
နောက်ဆက်တွဲအနေနဲ့ မောင်ဇော်ဝေအောင်ကိုပစ်သတ်ခဲ့တဲ့နေ့ကပဲဖမ်းဆီးခံလိုက်ရတဲ့မောင်ဟိန်းမြတ်သူဆိုတဲ့လူငယ်လေးကခုထိသတင်းအစအနပျောက်နေဆဲလို့ သိရပါတယ်။
နိုဝင်ဘာ ၁၁ ရက်နေ့မှာပဲစစ်ကောင်စီတပ်တွေဟာစစ်ကိုင်းအရာတော်မြို့နယ်ထဲရှိရှောက်ခါးရွာကပြည်သူတွေရဲ့နေအိမ် ၁၁ လုံးနဲ့ဆိတ်တဲတွေကိုမီးရှို့ဖျက်ဆီးခဲ့ပြီးဒီပဲယင်းခရိုင်ထဲကအောင်စည်မြကျေးရွာမှာလဲစစ်ကောင်စီတပ်တွေဝင်ရောက်ရမ်းကားလို့ ဒီကနေ့ နိုဝင်ဘာ ၁၂ ရက်နေ့အထိပြည်သူ ၁၀၀၀ နီးပါးစစ်ဘေးရှောင်နေကြရပါတယ်။
ဘာသာရေးကျောင်းတွေတိုက်ခိုက်ခံရမှု့အနေနဲ့ကတော့ PKRF-Information Center ကထုတ်ပြန်ချက်အရစစ်ကောင်စီတပ်တွေလက်နက်ကြီးလက်နက်ငယ်နဲ့ပစ်ခတ်ခဲ့လို့ကရင်နီပြည်နယ် ကက်သလစ်ဘာသာဘုရားကျောင်း၇ ကျောင်းပျက်ဆီးခဲ့ပြီလို့သိရပါတယ်။(ပျက်ဆီးသွားတဲ့ဘုရားကျောင်းတွေကိုပုံနှင့်တကွဖော်ပြထားပါတယ်)အဲ့ဒီဘုရားကျောင်းတွေဟာဖယ်ခုံဘုရားကျောင်း၊ ကယန်းသာယာ၊ ဒီမော့ဆိုစိန့်ဂျိုးဇက်၊ ဒေါင်ငံခါးငြိမ်းချမ်းရေးဘုရင်မ၊ ဒီမောဆိုနှစ်ခြင်း၊ ဖရူဆိုနဲ့၆မိုင်ဘုရားကျောင်းတွေဖြစ်ပါတယ်။
ဒီကနေ့ရန်ကုန်ဖက်ပြန်လှည့်ကြည့်မယ်ဆိုရင်နေ့စဥ်နဲ့အမျှပေါက်ကွဲမှု့ဖြစ်နေတာသိပ်မထူးဆန်းပေမယ့်သာကေတဖက်မှာယဥ်စီးကားအချင်းချင်းရှေ့နောက်လိုက်ပစ်တာဖြစ်ခဲ့တယ်လို့မျက်မြင်တွေကဆိုထားပါတယ်။ဘယ်အဖွဲ့ရယ်လို့အတည်မပြုနိုင်သေးပါဘူး။
သန်လျင်နဲ့တော့ဒဂုံဖက်မှာပေါက်ကွဲမှု့ရှိခဲ့တယ်လို့လဲသိရပါတယ်။ကျန်တာကတော့ EPC တွေဟာစစ်တပ်ရံပြီးသဃ်န်းကျွန်းဖက်မှာအင်နဲ့အားနဲ့မီတာလိုက်ဖြတ်နေတယ်လို့သိရပါတယ်။
နောက်ထပ်ရန်ကုန်ရဲ့ဒီကနေ့ထူးခြားဖြစ်စဥ်ကတော့စစ်ကောင်စီနဲ့ပေါင်းပြီးလှိုင်သာယာကျူးရှင်းတုန်းကဦးဆောင်ခဲ့တဲ့လှိုင်သာယာနယ်ခံလူမိုက်တဦးဖြစ်တဲ့ခင်စိန် သူစီးတဲ့ကားပေါ်မှာပဲပစ်သတ်ခံလိုက်ရပါတယ်။
ဖြစ်စဥ်က
လှိုင်သာယာမြို့နယ်၊ ဗိုလ်အောင်ကျော်လမ်း၊ ရွှေရင် အေးဈေးထိပ်၊ အမှတ် ၁၂ ကျောင်းရှေ့မှာပဲ လူမိုက်ခင်စိန် မောင်းလာသောကားကို ဆိုင်ကယ်သမား ၂ ဦးက ပစ်ခတ်သွားခြင်းဖြစ်ပြီး ပွဲချင်းပြီး သေဆုံးသွားကြောင်း၊ လူမိုက်ခင်စိန်သည် မကြာသေးမီအချိန်ကပဲစစ်ကောင်စီရဲ့ လွတ်ငြိမ်းချမ်းသာခွင့်ဖြင့် ပြန်လည် လွတ်မြောက်လာသူဖြစ်ကြောင်း၊ လှိုင်သာယာ ၁၈ ရပ်ကွက်မှ လူမိုက်ကြီး ခင်စိန်သည် လက်ရှိတွင် စစ်တပ်နှင့်ပူးပေါင်း၍ ဧည့်စာရင်းစစ်ခြင်းနှင့် ဒီမိုကရေစီအရေးလှုပ်ရှားသူများကို ဖမ်းဆီး သတ်ဖြတ်ခြင်းများ လုပ်ဆောင်နေတဲ့သူလို့ဒေသခံတွေကဆိုထားပါတယ်။
ဒါကတော့ Myanmar Labour News ကရရှိထားတဲ့ဒီကနေ့သတင်းအနှစ်အချုပ်။
