ပဲခူးတိုင်း ဒိုက်ဦးအကျဉ်းထောင်နဲ့သာယာ၀တီအကျဉ်းထောင်ရှိ နိုင်ငံရေးအကျဉ်းသူတွေ အရေ ပြားကူးစက်ရောဂါ ဆိုးရွာစွာခံစားနေရတယ်လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP) ရဲ့ အသိပေးချက်အရ သိရပါတယ်။

 

ဒိုက်ဦးအကျဉ်းထောင်ရှိ အမျိုးသမီးအဆောင် မှာ အခန်းတစ်ခခုတည်းတွင် အကျဉ်းသားတွေ ကို စုပြုံထားတဲ့ အတွက် အရေပြားရောဂါ များ ဖြစ်ပွားနေသလိုသာယာ၀တီ အကျဉ်းထောင်မှာလည်း နေရာထိုင်ခင်း ကျပ်တည်းခြင်းနဲ့ သောက်သုံးရေလုံလောက်စွာ မရတဲ့ အတွက် အကျဉ်းသားတွေ မှာ အရေပြားဆိုင်ရာ ကူးစက်ရောဂါ တွေ ဆိုးရွားစွာ ခံစားနေရတယ်လို့ ဆိုပါတယ်။

 

အခုလို အကျဉ်းသားတွေ ကူးစက်ရောဂါ ဆိုးရွားစွာ ခံစားနေရပေမယ့် ဆေးကုသမှု လုံလောက်စွာ မရရှိ ဘူးလို့ AAPP က ထုတ်ပြန်ထားပါတယ်။

 

ဒါ့အပြင် မန္တလေးတိုင်း၊ ရမည်းသင်းအကျဉ်းထောင်မှာလည်း နိုင်ငံရေးအကျဉ်း သားတွေဆီ ကနေ ထောင်ပိုင်ရဲ့ မတရား ငွေကြေးတောင်းခံတာတွေ ခံနေရတဲ့အပြင် အမျိုးမျိုးသော ဖိနှိပ်တာတွေလည်း ကြုံတွေ့နေရတယ်လို့ အသိပေးထားပါတယ်။