၂၀၂၄ ခုနှစ်၊ ဇူလိုင်လ (၁၇) ရက်မှ စတင်ကာ ဆေးကုမ္ပဏီတွေ က သုံးစွဲသူပြည်သူတွေ ထံ ကို ဆေးဝါးများ တိုက်ရိုက်ရောင်းချပေးသွားမယ်လို့မြန်မာနိုင်ငံဆေးနှင့်ဆေးပစ္စည်းလုပ်ငန်းရှင်များအသင်း ရဲ့ ထုတ်ပြန်ကြေညာချက်အရ သိရပါတယ်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ လမ်းညွှန်ချက်နဲ့ ဆေးဝါးသုံးစွဲသူ ပြည်သူ အများ သင့်တင့်မျှတသော ဈေးနှုန်းများနဲ့ အဆင်ပြေစွာ ဝယ်ယူသုံးစွဲနိုင်ဖို့ နှင့်ဆေးဝါးများ မပြတ်လပ်စေရေးစတဲ့ ရည်ရွယ်ချက် တွေ နဲ့ ရောင်းချပေးတာ ဖြစ်တယ်လို့ ဆိုပါတယ်။
ဆေးဝါးတွေ ကို ရန်ကုန်မြို့၊ ကုန်သည်လမ်းနှင့် လမ်း ၃၀ ထောင့်ရှိ၊ မြန်မာကုန်သွယ်မှုမြှင့်တင်ရေးအဖွဲ့၊ ရန်ကုန်တိုင်းဒေသကြီးဦးစီးမှူးရုံး မှာ ရောင်းချပေးသွားမယ်လို့ သိရပါတယ်။
ရောင်းချပေးမှုကို ယနေ့ ဇူလိုင်လ ၁၇ ရက်မှ စတင်ကာ အပတ်စဥ်တနင်္လာနေ့မှ စနေနေ့အထိ (တနင်္ဂနွေနေ့နှင့် အများပြည်သူရုံးပိတ်ရက်များမှအပ) နံနက် ၉ နာရီမှ ညနေ ၄ နာရီအထိ ဆေးဝါးများရောင်းချပေးသွားမည်ဖြစ်တယ်လို့ ကြေညာထားပါတယ်။
လက်ရှိမှာ ဆေးကုမ္ပဏီ ၄၀ကျော်က မဖြစ်မနေ နေ့စဉ် သုံးစွဲနေရတဲ့ သွေးတိုး၊ဆီးချို ၊နှလုံးဆေးဝါးတွေအပြင် အခြားဆေးဝါးတွေ ကို ရောင်းချပေး မယ်လို့ သိရပါတယ်။
ယခုကာလမှာ နိုင်ငံခြားငွေကြေးမြင့်တတ်မှုနဲ့ လမ်းပန်းဆက်သွယ်ရေး အခက်ခဲတွေကြောင့် ဆေးဝါးအများစုမှာဈေးနှုန်း မြင့်တတ်လာသလို အချို့ဆေးဝါးတွေ လည်း ဈေးကွက်အတွင်း ဝယ်ယူမရတဲ့ အတွက် နာမကျန်းဖြစ်သူတွေ နဲ့ဆေးဝါးသုံးစွဲရန် လိုအပ်သူတွေ မှာ အခက်ခဲ ဖြစ်နေရတယ်လို့ သိရပါတယ်။