ရန်ကုန်တိုင်းဒေသကြီး အတွင်းရှိ မြို့နယ် များတွင် စစ်မှုထမ်း အပါတ်စဉ် ၅ အတွက်ဟုဆိုကာ အမျိုးသမီးတွေကို စစ်မှု ထမ်းဖို့အတွက် စာရင်းကောက်ယူတာတွေ ပြုလုပ်နေတယ်လို့ ဒေသခံတွေ ထံ က သိရပါတယ်။
ထိုသို့ စာရင်းကောက်ယူရာတွင် လူလွတ် အမျိုးသမီးတွေသာမက အိမ်ထောင်ရှိ အမျိုးသမီး တွေ နဲ့ ကလေးအမေ များ ပါ ပါရှိတယ်လို့ဆိုပါတယ်။
"ကျွန်မတို လမ်းထဲ မှာ လူလွတ်တွေကော ကလေး အမေ တွေကော ပါတယ် စာရင်းကောက်တာတောင် မဟုတ်ဘူး မဲနှိုက်ရမယ့် စာရင်းထဲပါတယ်ဆိုပြီး ရာအိမ်မှူး က လိုက်ပြောတာ ကလေးအသက် ၁၀ နှစ်နဲ့ အထက်ရှိတဲ့ ကလေးအမေ တွေပါတယ်။အခု စာရင်းထဲပါတယ်ဆိုတဲ့ အမျိုးသမီးတွေက အသက်၂၀ ဝန်းကျင်တွေ
စစ်မှုထမ်းရမယ့်အထဲပါတယ်ဆိုတော့ လန့်နေကြတာပေါ့ အမျိုးသားတွေတောင်အဆင်မပြေတာ အမျိုးသမီး တွေ ဆိုတော့ ပိုပြီး စိုးရိမ်ကျတာပေါ့ " လို့ လှိုင်သာယာမြို့က ပြည်သူတစ်ဦးကပြောပါတယ်။
စစ်ကောင်စီ အနေနဲ့ ပြည်သူ့စစ်မှုထမ်းဥပဒေ အရ အမျိူးသားများကို အသက်၁၈နှစ်မှ ၃၅နှစ်အထိလည်းကောင်း၊ အမျိုးသမီးများကို အသက်၁၈နှစ်မှ ၂၇နှစ် အထိ လည်းကောင်း စစ်မှုထမ်းရန် သတ်မှတ်ထားပြီး အမျိူသမီးများ ကို စစ်မှုထမ်း အပါတ်စဉ် ၅ တွင် စတင်ခေါ်ယူမယ်လိုပြောဆိုထားကာ လက်ရှိတွင် မြေပြင် မှာတော့ အမျိုးသမီး တွေကို စစ်မှုထမ်း ရန် စာရင်းကောက်ယူတာတွေပြုလုပ်နေတယ်လို့သိရပါတယ်။
