ယခုတစ်ပတ်အတွက် ပြည်တွင်းစက်သုံးဆီဈေးနှုန်းမှာယခင်ထက် ထပ်မံမြင့်တက်လာတယ်လို့ စက်သုံးဆီအရောင်းဆိုင်တွေမှာ ရောင်းချလျက်ရှိတဲ့ ဈေးနှုန်းတွေအရ သိရပါတယ်။
"စက်သုံးဆီကထပ်တက်လာတယ်။ ပိုဆိုးတာက ငွေကြေးပြဿနာတွေ K pay တွေမှာတောင် ထုတ်ရခက်လာတော့ ဒီအခြေအနေတွေထက်ပိုဆိုးလာရင် ကုန်စျေးနှူန်းတွေကပါထပ်တက်လာမယ်။ ဘာတွေဖြစ်လာမယ်မသိဘူး ငတ်ဖို့သေချာသလောက်ပါပဲ" လို့ ဆိုင်ကယ်ကယ်ရီမောင်းနှင်သူတစ်ဦးကပြောပါတယ်။
ဇူလိုင်လ ၁၂ ရက် စက်သုံးဆီဆိုင်များမှာ ရောင်းချလျက်ရှိတဲ့ ယခုတစ်ပတ် ဈေးနှုန်းများဟာ ၉၂ တစ်လီတာ ၂၇၀၀ ကျပ်၊ ၉၅ တစ်လီတာ ၂၈၂၀ ကျပ်၊ ရိုးရိုးဒီဇယ်တစ်လီတာ ၂၄၆၅ ကျပ်၊ ပရီမီယံဒီဇယ်တစ်လီတာ ကျပ် ၂၈၉၀ ဖြစ်တယ်လို့ သိရပြီး ပြီးခဲ့တဲ့တစ်ပတ်တာ ဈေးနှုန်းများအရ ၉၂ တစ်လီတာ ၂၆၈၅ ကျပ်၊ ၉၅ တစ်လီတာ ၂၈၁၅ ကျပ်၊ ရိုးရိုးဒီဇယ်တစ်လီတာ ၂၄၈၅ ကျပ်၊ ပရီမီယံဒီဇယ်တစ်လီတာ ကျပ် ၂၉၁၅ ဖြစ်တာကြောင့် ယခင်ကထက်အနည်းငယ်မြင့်တက်လာတာတွေ့ရပါတယ်။
ဒါ့အပြင် စက်သုံးဆီစျေးနှုန်းမြင့်တက်မှုသာမက အမေရိကန်တစ်ဒေါ်လာလျှင် ၄၅၀၀ ကျပ်မှ ၄၆၀၀ ဝန်းကျင်ဖြစ်ပြီး ဇူလိုင်၁၂ရက်နေ့မှာတော့ အမေရိကန်တစ်ဒေါ်လာလျှင် ကျပ်၄၈၀၀ ကနေ ကျပ် ၅၀၀၀ ဝန်းကျင်အထိ မြင့်တက်နေတာဖြစ်တယ်လို့ သိရပါတယ်။
ဒါ့အပြင် ပြည်တွင်းဘဏ်တွေ မှာလည်း အမေရိကန်တစ်ဒေါ်လာလျှက် ကျပ်၃၆၀၀နဲ့နှုန်းထားပြသထားပေမဲ့ အမှန်တကယ်မှာတော့ အမေရိကန်တစ်ဒေါ်လာလျှင် ကျပ်၄၂၀၀ ဝန်းကျင်နှုန်းထားအထိ ဖြတ်တောက်လာတယ်လို့ သိရပါတယ်။