NEWS

ငလျင်လှုပ်ခတ်ပြီးနောက် ကုန်ပစ္စည်းတချို့ ဈေးနှုန်းမြင့်တက်လာ

CoverLogo
148 Views
 
နိုင်ငံအတွင်း ပြီးခဲ့တဲ့ မတ်လ ၂၈ရက်က မြေငလျင်ကြီးလှုပ်ခတ်ပြီးနောက် တချို့ ကုန်ပစ္စည်း ဈေးနှုန်းတွေ မြင့်တက်လာတယ်လို့ ရန်ကုန်ဒေသခံ ပြောပါတယ်။ မြေငလျင်က နိုင်ငံမြို့တော်နေပြည်တော်၊ စီးပွားရေးလုပ်ငန်း အများအပြားရှိတဲ့ မန္တလေးမြို့တို့က လုပ်ငန်းတွေနဲ့ နေအိမ်တွေ အများအပြား ပျက်စီးခဲ့ပြီး ခရီးသွားလုပ်ငန်းတွေ ဖွံဖြိုးတဲ့ ရှမ်းပြည်တောင်ပိုင်းက မြို့တွေမှာပါ ထိခိုက်မှုတွေ ရှိခဲ့တာ ဖြစ်ပါတယ်။
“ငလျင်လှုပ်ပြီးကတည်းက နောက်ရက်ကစပြီး ဈေးတွေတက်လာတယ်။ လျှပ်စစ်မီးလည်းပျက်တယ်။ အဓိကက ရေသန့်ဈေး တက်လာတယ်။ ရေသန့်တစ်ဗူး ၁၂၀၀ ပေး သောက်ရတယ်။ လျှပ်စစ်မီးမရတာ့ ရေကမရ၊ သုံးရေ ကို ပါ ဝယ်သုံးလာရတယ်။ ရန်ကုန်မှာ ဈေးတွေတက်တာက အကုန်ခက်ခဲရပါတယ်။”လို့ ဒေသခံ အိမ်ရှင်မ တဦးက ပြောပါတယ်။
ရက်ပိုင်းအတွင်း ဆန်၊ သောက်ရေသန့်၊ မီးသွေး၊ ဂက်စ်၊ သုံးရေ၊ စားသောက်ကုန်အသီးအရွက် အသားငါး၊ ကုန်ခြောက်၊ ကြက်ဥ ဘဲဥနဲ့ မုန့်တချို့၊ အခြား အသုံး အဆောင်ပစ္စည်းတွေရဲ့ ဈေးနှုန်းတွေလည်း မြင့်တက်နေ တယ်လို့ သိရပါတယ်။
“ဈေးထဲမှာ ခရမ်းချဉ်သီးတစ်ပိဿာကို ၃၀၀၀ ပြန်ဖြစ်သွားတယ်။ ဟင်းသီးဟင်းရွက်တွေလည်း နည်းနည်းတက် နေတယ်။ သုံးရေက တစ်စည်ကို ၇၀၀ ကေနခု ၁၀၀၀ ဖြစ်သွားတယ်။ ကြက်ဥလည်း ပြန်တက်တယ်။ တစ်လုံး ၄၀၀ ကနေ ၄၅၀ ဖြစ်သွားတယ်။ ကလေးစားတဲ့ မုန့်တွေလည်း ဈေးတက်ရောင်းတယ်။ မနက်ပိုင်း အစားအသောက်တွေလည်း အဲလိုပဲ ” လို့ အရှေ့ဒဂုံ ရပ်ကွက်နေ အိမ်ရှင်မတဦးက ပြောပါတယ်။
ငလျင်လှုပ်ပြီးနောက် ရန်ကုန်မြို့မှာ လျှပ်စစ်မီး ပြတ်တောက်နေတဲ့အပြင် တယ်လီဖုန်းတွေ ဆက်သွယ်မရ ဖြစ်နေတာပါ။ ဒါ့အပြင် နိုင်ငံရဲ့ အဓိက ကုန်သွယ်ရေးလမ်းကလည်း ငလျင်ဒဏ်ခံထားရတာကြောင့် ကုန်စည်ပို့ဆောင့်မှုတွေ နှောင်နှေးနေတယ်လို့ ကုန်စည်ပို့ဆောင်ရေး လုပ်ငန်သူတချို့က ပြောဆိုထားပါတယ်။
နောက်ဆုံး သတင်းတွေအရ ကုန်တင်ပို့မှုတွေ ပြန်လည် ပြုလုပ်နေပြီး ခရီးသည်တင် ယာဉ်လိုင်းတွေလည်း ပြန်လည် ပြေးဆွဲနေပြီလို့ ယာဉ်လိုင်းတွေက ကြေညာထားပါတယ်။

Related posts

Cover
ငလျင်ဘေးသင့် လူမှုဖူလုံရေးအာမခံ လုပ်သားများ သဘာဝ ဘေးအန္တရာယ်ကျရောက်မှုဆိုင်ရာ မိသားစုထောက်ပံ့မှုအကျိုးခံစားခွင့် လျှောက်ထားနိုင်
May 09, 2025
Cover
ခွေးကိုက်ခံရမှု များပြားလာပြီး ကာကွယ်ဆေးထိုးရခက်ခဲလာ
May 06, 2025
Cover
ဘိလပ်မြေဈေးကြီးမြင့်မှုကြောင့် ဆောက်လုပ်ရေးလုပ်ငန်းအချို့ရပ်နားရ
Apr 29, 2025
Cover
စစ်ကိုင်း ငလျင်ကြီး တစ်လပြည့်သည်အထိ နောက်ဆက်တွဲ ငလျင်များ ဆက်လှုပ်
Apr 29, 2025
Cover
ငလျင်ဘေးအန္တရာယ်ကြောင့် အလုပ်သမားထောင်ပေါင်းများစွာ ဝင်ငွေဆုံးရှုံးရ
Apr 25, 2025
Cover
ရန်ကုန်လေဆိပ်အခွန် ငါးဆနီးပါး တိုးမြှင့်ကောက်ခံ
Apr 24, 2025
Cover
ကယ်ရီမောင်းနှင်များထံမှ စစ်ကောင်စီတပ်ဖွဲ့ဝင်များ ကျပ် ငါးသောင်းမှ ကျပ် ရှစ်သောင်းအထိ ထောင်းယူ
Apr 23, 2025
Cover
လုပ်ငန်းခွင်ဝင် ကျောင်းသားများ တက္ကသိုလ်ဝင်စာမေးပွဲ ပြန်လည်ဖြေရန် ခက်ခဲမှာ အုပ်ထိန်းသူများ စိုးရိမ်
Apr 22, 2025