မီးဖိုချောင်သုံးဂတ်စ်(LPG)ဈေးနှုန်းတွေဟာဒီကနေ့အောက်တိုဘာလ(၁)ရက်မှာသိသိသာသာကျဆင်းလာတယ်လို့ရောင်းချသူတွေဆီကသိရပါတယ်။
လက်ရှိမှာကုမ္ပဏီတွေကအိမ် သုံးဂတ် 48kg တစ်လုံးကို ကျပ်နှစ်သိန်းနှစ်သောင်းဝန်းကျင်နဲ့စတင်ရောင်းချနေပြီးလက်လီဈေးကွက်မှာလည်းဈေးနှုန်းတွေစတင်ပြောင်းလဲလာပါတယ်။
"အမကတော့ထိသွားတယ်။အရင်ဈေးနဲ့မိထားတာတွေကအရောင်းအဝယ်အေးတော့လက်ကျန်များတာပေါ့။ဒါပေမယ့်ဈေးကျတာသဘောကျတယ်။ကျသင့်တာတော်တော်ကြာနေပြီကုမ္ပဏီတွေကမချသေးတော့အမတို့လိုအရောင်းဆိုင်တွေကဒုက္ခများတာပေါ။ရှုံးတာလည်းတစ်ရင်းလောက်ပဲဖြစ်ပြီးအရောင်းအဝယ်လေးပုံမှန်ဖြစ်ဖို့ပဲမျှော်တယ်"လို့ဂတ်စ်ဆိုင်ဖွင့်လှစ်ထားသူတစ်ဦးကပြောပါတယ်
ယခင်က ဂတ်စ်တစ်ပိဿာဈေးနှုန်းဟာ ၁၂၀၀၀ ကျပ်ရှိခဲ့ရာကနေ ဒီကနေ့မှာဂတ်စ်တစ်ပိဿာဈေးနှုန်းဟာကျပ်(၉၀၀၀)ထိကျဆင်းလာတာဖြစ်ပြီး ဂတ်စ်ဘူးသေးတစ်ဘူးကိုလည်းကျပ်(၁၄၀၀)နဲ့ရောင်းချတယ်လိုသိရပါတယ်။
"အခုကမီးတွေအရမ်းပြတ်နေတာဂတ်စ်သာဈေးကျတယ်ဆိုရင်မီတာခနဲ့တွက်ပြီးသုံးကြမှာပဲ။ဒီထက်ကျရင်တော့ပိုကောင်းတာပေါ့။ဘာဖြစ်ဖြစ် သုံးတဲ့သူများမှရောင်းချတဲ့သူတွေအဆင်ပြေမှာဆိုတော့ဈေးထပ်ကျပါစေပဲဆုတောင်းတယ်"လို့ဂတ်စ်အရည်ဖြန့်ဖြူးသူတစ်ဦးကပြောပါတယ်။
လက်ရှိမှာလျှပ်စစ်မီတာခတွေကအရင်ကထက်နှစ်ဆကျော်မြင့်တက်လာပြီးပြတ်တောက်ချိန်ပိုများလာပါတယ်။ဒီအချိန်မှာဂတ်စ်ဈေးနှုန်းတွေကျဆင်းလာတာကြောင့်လည်းအရောင်းအဝယ်တွေကောင်းလာဖို့လည်းဆိုင်ရှင်တွေကမျှော်လင့်နေကြပါတယ်။
