ယမန်နေ့ဒီဇင်ဘာ ၂၄ရက်နေ့တနေ့ထဲမှာတင် ကရင်နီပြည်နယ်အတွင်းစစ်ကြောင်းထိုးလာတဲ့စစ်ကောင်စီတပ်သားတွေကလူပေါင်း ၄၀ ကိုသတ်ဖြတ်ခဲ့တယ်လို့ကရင်နီပြည်နယ်အခြေစိုက်တော်လှန်ရေးအင်အားစုတွေကထုတ်ဖော်ပြောဆိုပါတယ်။
မနေ့က ကရင်နီပြည်နယ်ဖရူဆိုမြို့နယ်အတွင်း မိုဆိုကျေးရွာကို စစ်ကောင်စီရဲ့ တပ်မ ၆၆ လက်အောက်ခံ ခမရ ၁၀၈ ဦးဆောင်စစ်ကြောင်းဝင်ရောက်ထိုးစစ်ဆင်လာတဲ့အတွက်ကရင်နီတပ်(KA)နဲ့KNDFတို့ကခုခံတိုက်ခိုက်ခဲ့လို့ရွာအနီးမှာ ၄ နာရီလောက်တိုက်ပွဲဖြစ်ပွားခဲ့ပါတယ်။
တိုက်ပွဲအတွင်းနဲ့တိုက်ပွဲဖြစ်ပွားအပြီးမှာပဲစစ်ကောင်စီတပ်သားတွေဟာမိုဆိုကျေးရွာအတွင်းဝင်ရောက်မွှေနှောက်ဖျက်ဆီးခဲ့ပြီး ဒန်ပါကား၃စီး၊ ကားငယ်သုံးစီး၊ ထော်လာဂျီနှင့်ဆိုင်ကယ်၅စီးမီးလောက်ပျက်ဆီးခဲ့တဲ့အပြင်
ကလေးငယ်နှင့်အမျိုးသမီးများပါဝင်တဲ့ ကျေးရွာသားတွေကိုဖမ်းဆီးသွားခဲ့ပါတယ်။
ပြည်သူတွေကိုစစ်ကောင်စီတပ်တွေကဖမ်းဆီးနှိပ်စက်နေခဲ့တဲ့အပြင်နေအိမ်တွေကိုပါဖျက်ဆီးနေတာကြောင့်မိုဆိုကျေးရွာအနီးကရင်နီနယ်ခြားစောင့်တပ် ၁၀၀၄ရဲ့ ကင်းစခန်းကတပ်ဖွဲ့ဝင်၄ဦးသွားရောက်တာမြစ်ခဲ့ပေမယ့်စစ်တပ်ကသူတို့ကိုပါဖမ်းဆီးပြီးလက်ပြန်ကြိုးတုပ်ကာဦးခေါင်းကိုသေနတ်နဲ့ပစ်သတ်ခဲ့ပါတယ်။
ဒီကနေ့မနက်ပိုင်းဒေသခံကာကွယ်ရေးတပ်ဖွဲ့တွေပြန်လည်ရောက်ရှိလာတဲ့အခါမှာတော့နယ်ခြားစောင့်တပ်ဖွဲ့ဝင် ၄ ဦးအလောင်းနဲ့ယမန်နေ့ကဖမ်းဆီးသွားတဲ့မိုဆိုကျေးရွာဒေသခံတို့ကိုအရှင်လတ်လတ်မီးရှို့သတ်ဖြတ်ထားတဲ့ရုပ်ကြွင်းတွေကိုတွေ့ရတယ်လို့မှတ်တမ်းသက်သေတွေနဲ့တကွဖော်ပြလာကြပါတယ်။မှတ်တမ်းတွေအရစုစုပေါင်း၃၅လောင်း အထိရှိတယ်လို့ သိရပါတယ်။
ဒါ့အပြင်အဲ့ဒီ့နေ့တရက်ထဲမှာပဲ ဘာဒိုရွာမှာစစ်တပ်ရဲ့လက်နက်ကြီးနဲ့ပစ်ခတ်မှု့ကြောင့်ဒေသခံ၂ဦးအပြင်းအထန်ဒဏ်ရာရပြီးသေဆုံးခဲ့ရတဲ့အပြင်စစ်ကောင်စီတပ်ခမရ ၅၄ ကလက်နက်ကြီးနဲ့ဒိုနာရွာနဲ့နာနတ်တောရပ်ကွက်လူနေအိမ်တွေကိုပစ်ခတ်တာကြောင့်အရပ်သားတဦးပွဲချင်းပြီးသေဆုံးခဲ့ပါတယ်။
စစ်ကောင်စီရဲ့ယခုလိုသတ်ဖြတ်မှု့ဟာလူမျိုးစုတခုအပေါ်လူမျိုးတုန်းသတ်ဖြတ်မှု့ကျူးလွန်နေတာဖြစ်ပြီးပြင်းပြင်းထန်ထန်ကန့်ကွက်ရှုချကြောင်းနဲ့နိုင်ငံတကာခုံရုံးအနေနဲ့လည်းယခုလိုသတ်ဖြတ်မှု့တွေကိုအမြန်ဆုံးအရေးယူနိုင်ရေးဆောင်ရွက်ပေးစေလိုတယ်လို့ကရင်နီပြည်နယ်အတိုင်ပင်ခံကောင်စီကအရေးပေါ်ကြေညာချက်တရပ်ထုတ်ပြန်ပါတယ်။
ကရင်နီပြည်နယ်အတွင်းမေလ၂၀ရက်နေ့ကစပြီးစစ်ကောင်စီတပ်တွေနဲ့ဒေသခံပြည်
သူ့ကာကွယ်ရေးတပ်တွေတိုက်ပွဲဖြစ်ပွားခဲ့ပြီးစစ်ကောင်စီတပ်တွေရဲ့ရမ်းသန်းပစ်ခတ်မှု့တွေနဲ့မီးရှို့ဖျက်ဆီးမှု့တွေကြောင့်လူနေအိမ်(၆၅၂)လုံးပျက်ဆီးဆုံးရှုံးခဲ့ရပြီး၊အရပ်သားရာပေါင်းများစွာဟာစစ်ကောင်စီတပ်ရဲ့သတ်ဖြက်မှု့တွေကြောင့်သေဆုံးခဲ့ရသလိုပြည်နယ်ရဲ့လူဦးရေထက်ဝက်နီးပါးဖြစ်တဲ့ ၁၅၀၀၀၀ ခန့်ဟာအိုးပစ်အိမ်ပစ်နဲ့စစ်ဘေးရှောင်နေရတယ်လို့ဒေသခံတော်လှန်ရေးအင်အားစုတွေရဲ့ထုတ်ပြန်ချက်အရသိရပါတယ်။
